完整藏文原文 · 德格版页 当前仅加载第 64 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ངའི་འཇིག་རྟེན་དུ་བྱུང་། ང་ནི་ཡེ་ནས་སངས་རྒྱས་པ་ཡིན་ཏེ། འཇིག་རྟེན་དུ་འབྱུང་མོད་ཀྱི། འདུས་བྱས་ལས་སྐྱེས་པ་མ་ཡིན་ནོ་ཞེས་ཟེར་ཏེ། དེའི་མིང་ནི་འཇིག་རྟེན་གྱི་རང་དབང་ཅན་གྱི་ལྷའི་བདུད་ཡིན་ཏེ། རང་གི་གཉེན་བཤེས་ཀྱང་ལས་བྱེད་དུ་བཅུག་ནས། ཙ་
D236.064.0275b01.01མུན་ཆའི་{ཡི་དགས་,ཡི་དྭགས་}མོ་དང་། ཕྱོགས་བཞིའི་རྒྱལ་པོ་དང་། ཤ་ཟའི་བུ་དང་འདྲ་སྟེ། སུས་བྱང་ཆུབ་ཏུ་སེམས་བསྐྱེད་པ་དང་། ཏིང་ངེ་འཛིན་དང་བྲལ་བའི་མི་དག་གི་ཁུ་ཆུ་འཐུང་ངོ་། །བར་བར་ནི་སྟོན་པའི་མཁན་པོ་མེད་པ་རང་དགེ་བའི་སྤྱོད་པ་དག་གིས་མཐོང་བ་དང་།
D236.064.0275b02.01ང་ནི་རྡོ་རྗེ་འཆང་བ་ཡིན་ཏེ་ཁྱོད་ལ་ཚེ་རིང་བར་བྱའོ་ཞེས་སྨྲའོ། །ཆེད་འགའ་ནི་བུད་མེད་བཟང་མོར་སྤྲུལ་ཏེ། གཡེམ་པ་རྒྱས་པར་སྤྱད་ནས་ལོ་མང་པོ་མ་ལོན་པར་གླན་པ་དང་མཆིན་པ་སྐམས་སོ། །རང་གཅིག་པུ་ཡང་སྨྲ་བར་བྱེད་དོ། །མི་དག་དང་ཕྲད་དེ་གཏམ་བྱས་ནས་
D236.064.0275b03.01གླེན་པར་འགྱུར་བར་བྱེད། མིའི་སེམས་སྒྱུར་ཞིང་མི་དག་ལ་གནོད་པར་བྱེད་དོ། །དེ་དག་གིས་མ་ཚོར་ནས་རྒྱལ་པོའི་གྱོད་ལ་ཐོགས་སོ། །འཆི་བའི་ཚེ་དུས་ལ་མ་བབ་པར་སྐམས་ཏེ་འཆིའོ། །གློ་བུར་དུ་ཡང་འཆི་བར་འགྱུར་རོ། །ཁྱོད་འཁོར་བ་ལ་མ་འཇུག་པར་སྔར་
D236.064.0275b04.01ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །དགའ་བོ་བདུད་དེ་རྣམས་བཅུ་ནི་མ་འོངས་པའི་དུས་ཀྱི་ཚེ་ངའི་གསུང་རབ་ལས་རབ་ཏུ་འབྱུང་སྟེ། ཆོས་ཀྱི་ལམ་སྒྲིབ་པའི་མིའི་སེམས་ཀྱི་ནང་དུ་འཇུག་
D236.064.0275b05.01པར་བྱེད་དོ། །རེས་འགའ་ནི་རང་མངོན་པར་སྟོན་པར་མི་དག་ལ་འདི་སྐད་དུ་སྨྲའོ། །ཡང་དག་པར་ཁྱབ་པར་ཤེས་པར་ཚོར་རོ། །གཡེམ་པ་སྤྱོད་པ་ལ་སྟོད་ཅིང་སངས་རྒྱས་ཀྱི་ཚུལ་ཁྲིམས་འཇིག་སྟེ། སྔར་ནི་མཁན་པོས་བསླུས་ཕྱིས་ནི་སློབ་མས་བསླུས་ཏེ། གཡེམ་
D236.064.0275b06.01པ་སྤྱོད་ཅིག་པར་གཅིག་གིས་གཅིག་འདོགས་པར་བྱེད་དོ། །དེ་ལྟར་ལྷ་མ་ཡིན་ཡིད་སྒྱུར་ཞིང་སེམས་ཀྱི་ཁོང་དུ་འཇུག་སྟེ། ཉེ་ན་ཚེ་རབས་དགུ། རིང་ན་ཚེ་རབས་བརྒྱའི་བར་དུ་དགེ་བ་སྤྱོད་ཅིང་། བདུད་ཀྱི་གཉེན་བཤེས་སུ་འགྱུར་རོ། །དེ་ནས་ཚེ་བརྗེས་ནས་བདུད་
D236.064.0275b07.01