完整藏文原文 · 德格版页 当前仅加载第 64 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བ་ནའང་གོས་པ་མེད། ནུབ་པ་ན་ཡང་གྱུར་པ་མེད་དོ། །སྟོང་པའི་ལེན་པར་སྣང་བ་ལ་བརྟགས་ན། སྔོན་གྱི་བག་ཆགས་ཏེ། སྐྱེ་ཤིའི་རྩ་བའི་ངོ་བོ་ཉིད་དུ་རིག་ནས་བཙལ་དུ་མི་རྙེད་དེ། དང་པོ་དེ་ཁོ་ན་དང་རོ་གཅིག་གོ། །ཕྱོགས་བཅུ་ཐམས་ཅད་རིགས་བཅུ་གཉིས་ལས་
D236.064.0276b01.01སྐྱེས་པའི་སྐྱེ་བོ་རྣམས་ཀྱིས་དོན་མ་རྟོགས་མོད་ཀྱི། ཡུན་རིང་དུ་བསྒོམས་ན་སོ་སོ་ན་དོན་ཁོང་དུ་ཆུད་པར་འགྱུར་ཏེ། དཔེར་ན་རྐྱང་དང་འདྲ་བར་ཁད་ཀྱིས་འདུལ་ལོ། །དེའི་མིང་ནི་འདུ་བྱེད་ཀྱི་ཕུང་པོས་བསྒྲིབས་པའོ། །དེ་ལྟར་དང་བ་ལས་རྙོགས་པ་དེ་བགས་ཀྱིས་
D236.064.0276b02.01དང་བཞིན་ངོ་བོ་ཉིད་ལ་ཞུགས་ཏེ། གཅིག་དང་ན་བག་ཆགས་མེད་དོ། །དཔེར་ན་ཆུ་རྙོག་པ་ཅན་ལས་དང་སྟེ་སངས་ན་དང་བ་ཞེས་བྱ་སྟེ། དེའི་མིང་ནི་འདུ་བྱེད་ཀྱི་ཕུང་པོ་ཟད་ནས་མི་དེས་ནི་སེམས་ཅན་གྱི་སྙིགས་མ་ལས་འདས་པའོ། །དོན་དེ་ལ་བརྟགས་ན་ཟབ་
D236.064.0276b03.01ཅིང་མི་མཐོང་བའི་ཕྱིར་རོ། །དགའ་བོ་ཤེས་པར་བྱོས་ཤིག །ཡང་དག་པ་ཉིད་ཆུད་ཅིང་མཐོང་སྟེ། ཏིང་ངེ་འཛིན་དུ་འཇུག་པའི་རིགས་ཀྱི་བུ་དག་ཡང་དག་པ་དམིགས་སུ་མེད་པ་དེ་ཉིད་ལ་བཞག་ན། རིགས་ཀྱི་བུ་ལྷའི་བདུད་ཀྱང་སེམས་ཐག་ཆོད་དོ། །སྦྱངས་
D236.064.0276b04.01ཤིང་དང་བ་ཐོབ་ནས་རང་གི་རིགས་ཀྱི་རྩ་བ་ཤེས་ཏེ། རིགས་དེའི་ནང་གི་ཟབ་ཅིང་དང་བ་དེ་བརྟགས་ན། ཉོན་མོངས་པའི་འཁྲུལ་པའི་གཞི་རྒྱུ་བ་རྒྱས་པ་ལས་རྟོགས་པ་སྐྱེས་ནས་མི་དེ་ནི་རྒྱུ་མེད་པ་གཉིས་ཀྱི་ནང་དུ་ལྟུང་ངོ་། །དེ་ལ་གཅིག་ནི་མི་དེས་རྩ་བའི་གཞིའི་རྒྱུ་
D236.064.0276b05.01མཐོང་སྟེ། དེ་ཅིའི་ཕྱིར་ཞེ་ན། སེམས་ཅན་གྱི་རྩ་བ་བཤིག་པ་ཐོབ་ན། མིག་གི་རྩ་བ་བརྒྱད་བརྒྱའི་བསོད་ནམས་ཐོབ་སྟེ། བསྐལ་པ་བརྒྱད་ཁྲི་ཚུན་ཆད་ཀྱི་སེམས་ཅན་ཅི་ཡོད་པ་ལས་འཁོར་ཏེ། འདིར་ཤི་ནས་ཕ་རོལ་དུ་སྐྱེས་ཏེ། འཁོར་བ་དེ་ཉིད་དུ་སེམས་
D236.064.0276b06.01ཅན་འཁོར་བས་མཐོང་ངོ་། །བསྐལ་པ་བརྒྱད་ཁྲི་ཚུན་ཆད་ཀྱི་མི་སྣང་སྟེ། བལྟར་མེད་པས་དེ་ལྟ་བུར་ཤེས་སོ་སྙམ་དུ་སེམས་ཏེ། འཇིག་རྟེན་འདི་ལ་སོགས་པ་ཕྱོགས་བཅུའི་སེམས་ཅན་བསྐལ་པ་བརྒྱད་ཁྲི་ནས་རྒྱུ་མེད་པར་རང་བཞིན་གྱིས་ཡོད་དོ་སྙམ་དུ་རྟོག་པའི་ཕྱིར།
D236.064.0276b07.01