完整藏文原文 · 德格版页 当前仅加载第 64 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
སྲོག་ལུས་དེ་བརྟེན་ཏེ་ཡོད་མ་མྱོང་བ་ཐོབ་བོ་ཞེས་སོ། །དེ་དག་ལ་སོགས་པ་ནི་བླུན་ཞིང་འཁྲུལ་པས། བར་བར་ནི་བྱང་ཆུབ་སྙམ་ནས་བདག་གི་སེམས་བརྗེད་དེ་སྟོར་ནས། སངས་རྒྱས་ཀྱི་ཚུལ་ཁྲིམས་ནི་བཤིག །ལྐོག་ན་གཡེམ་པ་སྤྱོད་དོ། །ངག་གིས་སྲེད་
D236.064.0272a01.01པ་སྨྲ་སྟེ། མིག་དང་རྣ་བ་དང་སྣ་དང་ལྕེ་ཀུན་སངས་རྒྱས་ཀྱི་ཞིང་ཡིན་ནོ། །ཕོ་མཚན་དང་མོ་མཚན་ནི་བྱང་ཆུབ་ཀྱི་ལམ་ཡིན་ཏེ། ཡང་དག་པའི་མྱ་ངན་ལས་འདས་པ་ནི་ལུས་ཀྱང་མི་ཤེས་སོ་ཞེས་སྨེ་བའི་ཚིག་སྨྲས་པ་དང་། དེ་ལ་ཡིད་ཆེས་པ་སྐྱེས་སོ། །དེའི་མིང་ནི་སྦྲུལ་
D236.064.0272a02.01དུག་ཅན་གྱི་{ཡི་དགས་,ཡི་དྭགས་}རྒས་ནས་བདུད་དུ་གྱུར་པའོ། །དེ་ནས་མི་དེ་ལ་སྐྱོ་བ་དང་། ཆོག་པའི་སེམས་སྐྱེས་ནས་མི་དེའི་ལུས་དང་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ། །ཁྱོད་འཁོར་བར་མ་འཇུག་པར་སྔར་ཚོར་བར་གྱིས་ཤིག་དང་།
D236.064.0272a03.01འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །རིགས་ཀྱི་བུ་དག་ཡང་ཚོར་བའི་ཕུང་པོ་ནི་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་ལས་ལྷུན་གྱིས་ལྟས་འབྱུང་བ་ཁྱབ་
D236.064.0272a04.01པར་སྤྱོད་ཞིང་། དང་བ་ནས་སེམས་སྲེད་ཅིང་གློ་བུར་གྱི་མངོན་རྟགས་ཚོར་བར་འདོད་དོ། །དེའི་ཚེ་ལྷའི་བདུད་ཀྱིས་སྐབས་རྙེད་ནས་ནམ་མཁའི་ལྷ་རྫུ་བས་མི་དེ་ལ་ཞུགས་ཏེ། ངག་གིས་ཀྱང་མདོ་སྡེ་དང་ཆོས་ཟབ་མོ་འཆད་པ་དང་། མི་དེས་མ་ཚོར་ནས། བདུད་ཀྱིས་བསླུས་
D236.064.0272a05.01པ་ལས་བདག་གིས་བླ་ན་མེད་པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་ཏེ། རིགས་ཀྱི་བུ་དག །གློ་བུར་གྱི་མངོན་རྟགས་ཚོལ་བའི་གན་དུ་འོངས་ནས་གདིང་བ་བཏིང་སྟེ། ཆོས་བཤད་པ་དང་། ཉན་པ་དག་ལ་སེམས་ཀྱི་སྐད་ཅིག་ཙམ་ཞིག་ལུས་བརྟན་ནས།
D236.064.0272a06.01ལོ་བརྒྱ་སྟོང་དུ་འགྲོགས་པ་དང་འདྲ་བར་ཆགས་ཏེ་འབྲལ་ཞིང་གཏོང་མི་ཕོད་དོ། །ལུས་ཀྱང་བྲན་གཡོག་དང་མཚུངས་པར་བྱེད་ཅིང་། འཚོ་བ་རྣམ་བཞིས་མཆོད་དེ། ངལ་ཞིང་སྐྱོ་བའི་སེམས་མི་སྐྱེའོ། །སོ་སོ་རང་རང་གི་སྔོན་གྱི་མཁན་པོ་དང་དགེ་བའི་བཤེས་གཉེན་ནོ་སྙམ་
D236.064.0272a07.01