完整藏文原文 · 德格版页 当前仅加载第 66 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེད་ལ་སོགས་པ་ཐོག་མ་སེམས་བསྐྱེད་པའི་བྱང་ཆུབ་སེམས་དཔའ་ཐམས་ཅད་ཀྱིས་ཀྱང་ཁ་ཏོན་དུ་ལྷོགས་ཤིག །སེམས་གཡོས་ཏེ་ཕྱོགས་པ་བཅུ་དང་། གཡོ་ཞིང་བསྐྱེད་པ་བཅུ་དང་། རྡོ་རྗེ་བཅུ་པ་དང་། ས་བཅུའི་བྱང་ཆུབ་སེམས་དཔའ་རྣམས་ཀྱིས་ཀྱང་ཁ་ཏོན་དུ་ལྷོགས་
D256.066.0077a01.01ཤིག །འུང་ན་ཚུལ་ཁྲིམས་ཀྱི་འོད་ཁ་ནས་བྱུང་སྟེ་རྒྱུ་ཡོད། རྐྱེན་མེད་པའི་འོད་མ་ཡིན་ཏེ། འོད་སྔོན་པོ་དང་། དམར་པོ་དང་། སེར་པོ། དཀར་པོ། ནག་པོ་ཡང་མ་ཡིན། ཁ་དོག་ཀྱང་མ་ཡིན། སེམས་ཀྱང་མ་ཡིན། ཡོད་པ་ཡང་མ་ཡིན། མེད་པ་ཡང་མ་ཡིན། རྒྱུ་རྐྱེན་གྱི་ཆོས་
D256.066.0077a02.01ཀྱང་མ་ཡིན་ཏེ། སངས་རྒྱས་ཐམས་ཅད་ཀྱི་ནི་གདོད་མ་ཕྱི་མོ་བྱང་ཆུབ་སེམས་དཔའ་ཐམས་ཅད་ཀྱི་ནི་ལམ་གྱི་རྩ་བ་བས་ན་མང་པོ་ཐམས་ཅད་དང་། སངས་རྒྱས་ཀྱི་བུ་རྣམས་ཀྱི་རྩ་བའི་ཕྱི་མོ་ཞེས་བྱའོ། །འདི་ལྟ་སྟེ། སངས་རྒྱས་ཀྱི་བུ་རྣམས་ཀྱིས་ཀྱང་གཟུངས་སུ་གཟུང་བའི་རིགས་སོ། །
D256.066.0077a03.01ལེགས་པར་བསླབས་པའི་རིགས་སོ། །སངས་རྒྱས་ཀྱི་བུ་རྣམས་བརྟགས་པར་ཉོན་ཅིག །སངས་རྒྱས་ཀྱི་ཚུལ་ཁྲིམས་ནོད་ན་ནི་རྒྱལ་པོ་དང་། རྒྱལ་བུ་དང་། བློན་པོ་ཆེ་ཕྲ་དང་། དགེ་སློང་ཕོ་སྨོས་དང་། གཟུགས་ཀྱི་ཁམས་ཀྱི་གནམ་{བཅྭ་,བཅོ་}བརྒྱད་དང་། འདོད་པའི་ཁམས་གནམ་
D256.066.0077a04.01དྲུག་དང་། གདོལ་པ་དང་། ཉིང་གྲུམ་དང་། ཕོ་གཡེམ་དང་། མོ་གཡེམ་དང་། བྲན་ཕོ་སྨོས་དང་། ལྷ་མ་སྲིན་སྡེ་བརྒྱད་དང་། ཕྱག་བརྙན་དང་། བྱོལ་སོང་དང་། འཕྲུལ་ཞིང་འགྱུར་བའི་མི་ལ་སོགས་ཏེ་ཆོས་ཀྱི་མཁན་པོའི་ཚིག་བརྡ་ཕྲད་པའི་རྣམས་ཐམས་ཅད་ཚུལ་ཁྲིམས་མནོད་
D256.066.0077a05.01དུ་རུང་སྟེ། ཀུན་ཀྱང་མིང་རབ་ཏུ་གཙང་མ་ཞེས་བྱའོ། །སངས་རྒྱས་ཀྱིས་སངས་རྒྱས་ཀྱི་བུ་རྣམས་ལ་བཀའ་སྩལ་པ། སོ་སོར་ཐར་པ་ལ་ཕས་ཕམ་པ་བཅུ་ཡོད་དོ། །སངས་རྒྱས་ཀྱི་ཚུལ་ཁྲིམས་མནོས་པ་ནི་ཚུལ་ཁྲིམས་འདི་ཁ་ཏོན་དུ་མ་བླགས་ན་བྱང་ཆུབ་སེམས་དཔའ་ཡང་མ་ཡིན།
D256.066.0077a06.01སངས་རྒྱས་ཀྱི་ས་བོན་ཡང་མ་ཡིན། ང་ཡང་འདི་བཞིན་དུ་ཁ་ཏོན་དུ་ཀློག་གོ། །ལོབས་ཟིན་པའི་བྱང་ཆུབ་སེམས་དཔའ་ཐམས་ཅད་དང་། ཕྱིས་སློབ་པའི་བྱང་ཆུབ་སེམས་དཔའ་ཐམས་ཅད་དང་། ད་ལྟར་སློབ་པའི་བྱང་ཆུབ་སེམས་དཔའ་ཐམས་ཅད་ལ་ངས་སོ་སོར་ཐར་པའི་གཟུངས་ཀྱི་
D256.066.0077a07.01