完整藏文原文 · 德格版页 当前仅加载第 66 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་དད་པའི་སྦྱིན་བདག་གི་ཁྲིའོ་ཅོག་གི་སྟེང་དུ་མི་འདུག་པར་སྨོན་ཏོ། །ཡང་གཅིག་ཏུ་སྨོན་ལམ་འདི་ལྟར་སྨོན་ཏོ། །ལུས་འདི་བསྐལ་པ་གཅིག་གཉིས་ཀྱི་བར་དུ་མདུང་རྩེ་ཁ་གསུམ་པ་སུམ་བརྒྱས་གཙགས་ཀྱང་རུང་སྟེ། མཐར་ཚུལ་ཁྲིམས་
D256.066.0086a01.01བཤིག་པའི་ལུས་ཀྱིས་དད་པའི་སྦྱིན་བདག་གི་རྩི་སྨན་ཐམས་ཅད་མི་ཟ་བར་སྨོན་ཏོ། །ཡང་གཅིག་ཏུ་སྨོན་ལམ་འདི་ལྟར་སྨོན་ཏོ། །ལུས་འདིས་བསྐལ་པ་སྟོང་གི་བར་དུ་ལྕགས་ཀྱི་ཟངས་པོ་ཆེ་ཚ་བའི་ནང་དུ་བཅུག་ཀྱང་རུང་སྟེ། མཐར་ཚུལ་ཁྲིམས་དྲལ་བའི་ལུས་
D256.066.0086a02.01ཀྱིས་དད་པའི་སྦྱིན་བདག་གི་ཁང་ཁྱིམ་མོ་ཅོག་དང་། ལྡུམ་ར་དང་། སྐྱེད་ཤིང་དང་། ཞིང་གི་སྟེང་དུ་མི་འདུག་པར་སྨོན་ཏོ། །ཡང་གཅིག་ཏུ་སྨོན་ལམ་འདི་ལྟར་སྨོན་ཏོ། །ལུས་འདི་མགོ་ནས་རྐང་པའི་བར་དུ་ལྕགས་ཀྱི་གཏུན་བུས་བརྡུངས་ཏེ་རྡུལ་ཕྲ་མོ་བཞིན་དུ་སོང་
D256.066.0086a03.01ཡང་ཁྲིམས་དྲལ་བའི་ལུས་སེམས་ཡིད་ཆེས་པའི་སྦྱིན་བདག་གིས་འགྲུས་ཤིང་གུས་པར་ཕྱག་མི་འཚལ་བར་སྨོན་ཏོ། །ཡང་གཅིག་ཏུ་སྨོན་ལམ་འདི་ལྟར་སྨོན་ཏོ། །སྟོང་ཕྲག་བརྒྱའི་ལྕགས་བསྲེགས་པའི་རལ་གྲི་དང་། མདུང་རྩེས་མིག་གཉིས་བྲུས་ཤིང་གཙགས་
D256.066.0086a04.01ཀྱང་ཚུལ་ཁྲིམས་བཤིག་པའི་སེམས་ཀྱིས་ཕ་ལོགས་ཀྱི་ཁ་དོག་བཟང་པོ་ལ་མི་ལྟ་བར་སྨོན་ཏོ། །ཡང་གཅིག་ཏུ་སྨོན་ལམ་འདི་ལྟར་སྨོན་ཏོ། །ལྕགས་ཀྱི་སྨྱུང་བུ་སྟོང་ཕྲག་བརྒྱས་བསྐལ་པ་གཅིག་གཉིས་ཀྱི་བར་དུ་ལུས་ཀྱི་ཆུ་བ་དང་། རྣ་བའི་རྩ་བར་བཙུགས་ཀྱང་ཐ་མར་
D256.066.0086a05.01ཁྲིམས་དྲལ་བའི་སེམས་ཀྱིས་རོལ་མོ་སྙན་པ་ལ་མི་མཉན་པར་སྨོན་ཏོ། །ཡང་གཅིག་ཏུ་སྨོན་ལམ་འདི་ལྟར་སྨོན་ཏོ། །བསྐལ་པ་སྟོང་ཕྲག་བརྒྱའི་བར་དུ་རལ་གྲིས་སྣ་བཅད་ཅིང་གཞོགས་ཀྱང་ཁྲིམས་དྲལ་བའི་སེམས་ཀྱིས་སྤོས་སོ་ཅོག་ལ་མི་སྣོམ་པར་སྨོན་ཏོ། །ཡང་
D256.066.0086a06.01གཅིག་ཏུ་སྨོན་ལམ་འདི་ལྟར་སྨོན་ཏོ། །བསྐལ་པ་བརྒྱ་སྟོང་གི་བར་དུ་ལྕེ་རལ་གྲིས་བཅད་གཏུབས་ཀྱང་ཁྲིམས་དྲལ་བའི་སེམས་ཀྱིས་མིའོ་ཅོག་གི་ཁ་ཟས་གཙང་མའོ་ཅོག་ལ་མི་བཟའ་བར་སྨོན་ཏོ། །ཡང་གཅིག་ཏུ་སྨོན་ལམ་འདི་ལྟར་སྨོན་ཏོ། །སྟ་རེ་རྣོན་པོས་
D256.066.0086a07.01