完整藏文原文 · 德格版页 当前仅加载第 66 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
མདོ་ཙམ་ཞིག་བཤད་ཀྱིས་བསླབ་ཅིང་གཟུངས་སུ་གཟུང་བའི་རིགས་སོ། །སངས་རྒྱས་ཀྱིས་སངས་རྒྱས་ཀྱི་བུ་རྣམས་ལ་བཀའ་སྩལ་པ། བདག་གིས་བསད་པ་དང་། མི་གཞན་གསོད་དུ་བཅུག་པ་དང་། ཐམས་ཅད་ཀྱིས་གསོད་པ་གསོད་པ་ལ་སྡོད་པ་གསོད་པ་མཐོང་ན་དགའ་བར་
D256.066.0077b01.01སེམས་པ། སྔགས་དང་། རྔད་མོ་བྱས་ཏེ་བསད་པ། གསད་པའི་རྒྱུ། གསད་པའི་རྐྱེན། གསད་པའི་ཆོས་བྱེད་པ། གསོད་པའི་ལས་བྱེད་པ་ལ་སོགས་ཏེ། སེམས་ཡོད་དོ་ཅོག་ལ་ཆེད་ཀར་གསད་དུ་མི་རུང་། འདི་ལྟ་སྟེ། བྱང་ཆུབ་སེམས་དཔའ་དེ་ནི་རྟག་པར་སྙིང་རྗེ་བ་དང་། སྲི་ཞུ་
D256.066.0077b02.01ཆེ་ཞིང་མི་འགལ་བའི་སེམས་རྟག་པར་གཡོས་ཏེ་བགས་ཀྱིས་སེམས་ཅན་ཐམས་ཅད་ཀྱི་ར་མདའ་དང་། འོར་བ་བྱ་བའི་རིགས་སོ། །བདག་གིས་རང་ཉམས་བྱས་ཏེ་སྙིང་ཚིམ་པར་སེམས་ཅན་བསད་ན། དེ་ནི་བྱང་ཆུབ་སེམས་དཔའི་ཕས་ཕམ་པའོ། །སངས་རྒྱས་ཀྱི་བུ་བདག་
D256.066.0077b03.01གིས་མ་བྱིན་པར་བླངས་སམ། ཕ་ལོག་པོ་མ་བྱིན་པར་ལེན་དུ་བཅུག་གམ། ཐབས་ཀྱིས་མ་བྱིན་པར་བླངས་སམ། མ་བྱིན་པར་ལེན་པའི་རྒྱུ། མ་བྱིན་པར་ལེན་པའི་རྐྱེན། མ་བྱིན་པར་ལེན་པའི་ལས་བྱེད་པ། སྔགས་སྒྱུ་མ་བྱས་ཏེ་ནོར་ཁྱེར་བ་ལ་སོགས་ཏེ། ལྷ་མ་སྲིན་དང་།
D256.066.0077b04.01བདག་པོ་ཡོད་པ་དང་། ཡང་བློའི་ནོར་རྫས་དང་། ནོར་རྫས་སོ་ཅོག་ལ་ཁབ་དང་། རྩྭ་ཉག་མ་གཅིག་ལ་ངས་ཆེད་ཀར་མ་བྱིན་པར་བླངས་སུ་མི་རུང་ངོ་། །བྱང་ཆུབ་སེམས་དཔའ་ནི་སངས་རྒྱས་ཀྱི་རང་བཞིན་སྐྱེད་ལ། སྲི་ཞུའི་ཡིད་དང་མི་འགལ་ཞིང་། བྱམས་ཞིང་སྙིང་རྗེ་བར་བྱས་ཏེ་རྟག་
D256.066.0077b05.01པར་སེམས་ཅན་ནོ་ཅོག་གི་ཡོན་ཏན་དང་བསོད་ནམས་བསྐྱེད་པའི་རིགས་སོ། །དེ་ལ་སླར་ལོག་པར་མིའི་ནོར་རྫས་མ་བྱིན་པར་བླངས་ན་བྱང་ཆུབ་སེམས་དཔའི་ཕས་ཕམ་པའོ། །སངས་རྒྱས་ཀྱི་བུ་བདག་མི་ཚངས་པར་སྤྱོད་དམ། གཞན་མི་ཚངས་པར་སྤྱོད་པར་བསྟན་ནམ། བུད་མེད་དོ་
D256.066.0077b06.01ཅོག་ལ་མི་ཚངས་པར་སྤྱོད་པར་བྱེད་པ་དང་། གཞན་ལ་མི་ཚངས་པར་སྤྱོད་པ་དང་། མི་ཚངས་པར་སྤྱོད་པའི་རྒྱུ་དང་། མི་ཚངས་པར་སྤྱོད་པའི་རྐྱེན་དང་། མི་ཚངས་པར་སྤྱོད་པའི་ཆོས་བྱེད་པ་དང་། མི་ཚངས་པར་སྤྱོད་པའི་ལས་བྱེད་པ་དང་། བྱོལ་སོང་དང་། ལྷ་དང་། ལྷ་མ་སྲིན་གྱི་
D256.066.0077b07.01