完整藏文原文 · 德格版页 当前仅加载第 66 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཀྱང་གཞིག་ཏུ་མི་རུང་ངོ་། །ཁྱེད་ལ་སོགས་པ་བྱང་ཆུབ་སེམས་དཔའ་ལོབས་པ་དང་། སློབ་པ་དང་། སློབ་པར་འགྱུར་བའི་རྣམས་ཚུལ་ཁྲིམས་འདི་བཅུ་བསླབས་ལ་གུས་པར་བྱོས་ཏེ་རྟག་པར་གཟུངས་སུ་གཟུང་བའི་རིགས་སོ། །གསལ་བར་ནི་ལེའུ་བརྒྱད་ཁྲི་པའི་ནང་
D256.066.0079b01.01ནས་རྒྱ་ཆེར་བཤད་དོ། །སངས་རྒྱས་ཀྱིས་བྱང་ཆུབ་སེམས་དཔའ་རྣམས་ལ་བཀའ་སྩལ་པ། ཕས་ཕམ་པ་བཅུ་ནི་བཤད་ཟིན་ཏོ། །ལྟུང་བ་བཞི་བཅུ་རྩ་བརྒྱད་ནི་སངས་རྒྱས་ཀྱི་བུ་རྒྱལ་པོའི་གྲལ་ཐོབ་པའི་ཚེ་དང་། འཁོར་ལོས་བསྐོར་བའི་རྒྱལ་པོའི་གྲལ་ཐོབ་པའི་ཚེ་དང་། བློན་པོའི་
D256.066.0079b02.01གྲལ་ཐོབ་པའི་ཚེ་དང་། སྔར་བྱང་ཆུབ་སེམས་དཔའི་ཚུལ་ཁྲིམས་མནོད་པའི་རིགས་སོ། །འུང་ཏང་ལྷ་མ་སྲིན་ཐམས་ཅད་ཀྱང་རྒྱལ་པོའི་ལུས་དང་། བློན་པོའི་ལུས་ཀྱི་རིམ་གྲོ་དང་སྐྱབས་བྱེད་དོ། །སངས་རྒྱས་ཐམས་ཅད་ཀྱང་དགྱེས་སོ། །ཚུལ་ཁྲིམས་ཐོབ་ཟིན་ན་སྲི་ཞུ་དང་མི་
D256.066.0079b03.01འགལ་བའི་སེམས་དང་། སེམས་ལ་གུས་པར་བྱས་པའི་སེམས་བསྐྱེད་དེ། གྲལ་མཐོན་པོ་ན་འདུག་པའི་མཁན་པོ་དང་། སློབ་དཔོན་དང་། ཐེག་པ་ཆེན་པོ་ལ་ཚངས་པར་སྤྱོད་དུ་མཚུངས་པ་དང་། མཚུངས་པར་མཐོང་བ་དང་། ལས་འཐུན་པར་བྱེད་པ་མཐོང་ན་ལངས་ཏེ་བསུ་
D256.066.0079b04.01ལ་ཕྱག་འཚལ་ཏེ་ནད་དྲི་བའི་རིགས་སོ། །བྱང་ཆུབ་སེམས་དཔའ་སླར་དྲེགས་པའི་སེམས་དང་། ལེ་ལོའི་སེམས་དང་། གླེན་པའི་སེམས་བསྐྱེད་དེ། མ་ལངས། མ་བསུ། ཕྱག་མ་བྱས་ཏེ། ཇི་ལའང་ཆོས་བཞིན་དུ་ཞེ་ས་དང་། རི་མོ་དང་། བདག་གི་ལུས་དང་། ཡུལ་མཁར་
D256.066.0079b05.01དང་། ཕོ་སྨོས་དང་། ནོར་རིན་པོ་ཆེ་བདུན་ལ་སོགས་ཏེ་ནོར་རོ་ཅོག་བཙོངས་ལ་དགོས་སོ་ཅོག་མ་སྦྱར་ཏེ། དེ་ལྟར་མ་ནུས་ན་ལྟུང་བའོ། །སངས་རྒྱས་ཀྱི་བུ་ལ་ལ་ཆེད་ཀར་ཆང་འཐུང་ན་ཆང་གི་ཉེས་པ་སྐྱེས་ཏེ། དགེ་བའི་བསོད་ནམས་གྲངས་མེད་པ་སྟོར་ཏོ། །ལ་ལ་ཞིག་གིས་བདག་
D256.066.0079b06.01གིས་ལུས་དང་ལག་གིས་ཆང་སྣོད་བླངས་ཏེ་མི་ཕ་རོལ་པོ་ལ་བྱིན་ཏེ་བླུད་ན་ཚེ་རབས་ལྔ་བརྒྱའི་བར་དུ་ལག་པ་མེད་པར་འོང་ན། བདག་འཐུང་བ་ལྟ་སྨོས་ཀྱང་ཅི་དགོས། འདི་ལྟ་སྟེ། མིའོ་ཅོག་ཐམས་ཅད་དང་། སེམས་ཅན་ཐམས་ཅད་ལ་ཆང་འཐུང་བར་བསྟན་དུ་མི་རུང་ངོ་། །བདག་
D256.066.0079b07.01