完整藏文原文 · 德格版页 当前仅加载第 66 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
རང་འཐུང་བ་ལྟ་སྨོས་ཀྱང་ཅི་དགོས་ཏེ། བདག་ཆེད་ཀར་འཐུངས་པ་དང་། ཕ་རོལ་པོ་ལ་བདར་བ་ནི་ལྟུང་བའོ། །སངས་རྒྱས་ཀྱི་བུ་ཤ་ཆེད་ཀར་ཟོས་པ་དང་། ཤའོ་ཅོག་བཟར་མི་རུང་སྟེ། ཟོས་ན་སྙིང་རྗེ་ཞིང་བྱམས་པའི་རང་བཞིན་གྱི་ས་བོན་ཆད་པས་སེམས་ཅན་
D256.066.0080a01.01ཐམས་ཅད་ཀྱིས་མཐོང་ནས་འཇིགས་ནས་སྤོང་ངོ་། །དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་སེམས་ཅན་གྱི་ཤ་བཟར་མི་རུང་ངོ་། །ཤ་ཟོས་པ་ནི་སྡིག་གྲངས་མེད་དེ་ཤ་ཟོས་ན་ལྟུང་བའོ། །སངས་རྒྱས་ཀྱི་བུ་དཀུ་བ་རྣམ་ལྔ་བཟར་མི་རུང་ངོ་། །སྒོག་པ་དང་། བཙོང་དང་།
D256.066.0080a02.01རྒྱ་སྒོག་དང་། རི་སྒོག་རྣམས་དང་། ཤིང་ཀུན་དང་། འདི་རྣམ་ལྔ་ཁ་ཟས་སོ་ཅོག་གི་ནང་དུ་བཟར་མི་རུང་ངོ་། །ལ་ལ་ཞིག་ཆེད་ཀར་ཟོས་ན་ལྟུང་བའོ། །སངས་རྒྱས་ཀྱི་བུ་སེམས་ཅན་ཐམས་ཅད་ཀྱིས་ཚུལ་ཁྲིམས་བརྒྱད་དང་། ཚུལ་ཁྲིམས་ལྔ་དང་། ཚུལ་ཁྲིམས་བཅུ་དང་།
D256.066.0080a03.01རྩ་བ་རྣམ་པ་བཞི་བཤིག་པ་དང་། ལོག་པ་བདུན་དང་། གནོད་པ་བརྒྱད་ཀྱི་ཚུལ་ཁྲིམས་བཤིག་པའི་སྡིག་བྱེད་པ་མཐོང་ན་མཐོལ་ཚངས་བྱེད་དུ་གཞུག་པའི་རིགས་སོ། །དེ་ལས་བྱང་ཆུབ་སེམས་དཔའ་མ་བསྟན་ཏེ་མཐོལ་ཚངས་བྱེད་དུ་མ་བཅུག་ན། ལྷན་ཅིག་འདུག་འདུག་
D256.066.0080a04.01ཅིང་ཚངས་པར་སྤྱོད་དུ་མཚུངས་པའི་དགེ་འདུན་གྱི་རྣམས་གཅིག་ཏུ་ཚོགས་ཏེ་ཚུལ་ཁྲིམས་བཤད་པའི་ཚེ་སྡིག་དངོས་སུ་བྱུང་གིས་ཉེས་པ་མཐོལ་ཚངས་བྱེད་དུ་ཆུག་ཤིག །མ་བཅུག་ན་ལྟུང་བའོ། །སངས་རྒྱས་ཀྱི་བུ་མཁན་པོ་ཐེག་པ་ཆེན་པོ་ལ་ལྷན་ཅིག་ཏུ་ལྟ་བ་ལྷན་ཅིག་ཏུ་ལས་
D256.066.0080a05.01བྱེད་པ། དགེ་འདུན་གྱི་ཁང་ཁྱིམ་དང་། མཁར་དུ་འོངས་པ་མཐོང་ན་རྒྱང་གྲགས་སྟོང་གི་ལམ་ན་ཚུར་འོངས་ན་ནི་བསུ། འགྲོ་བ་ནི་བསྐྱལ་ཅིང་ཕྱག་འཚལ་ཏེ། བཀུར་སྟི་དང་། རི་མོ་དང་། ཉིན་གཅིག་ཅིང་དུས་གསུམ་དུ་རི་མོ་བྱ། ཉི་མ་གཅིག་གི་ཟན་དུ་གསེར་སྲང་གསུམ་གྱི་ཁ་
D256.066.0080a06.01ཟས་དང་། ཁྲི་སྟན་དང་། ཆོས་ཀྱི་མཁན་པོ་ཅི་འདོད་དོ་ཅོག་དགོས་ཀྱང་ཀུན་སྦྱོར་ཏེ་བྱིན་ལ་རྟག་པར་ཆོས་ཀྱི་མཁན་པོ་གཉེར་ཏེ། དུས་གསུམ་དུ་ཆོས་བཤད་དེ། ཉིན་གཅིག་ཅིང་དུས་གསུམ་དུ་ཕྱག་གུས་པར་འཚལ་ལ་ཁྲོ་བའི་སེམས་དང་། མྱ་ངན་གྱི་སེམས་མི་སྐྱེ་བར་བགྱིས་སོ། །
D256.066.0080a07.01