完整藏文原文 · 德格版页 当前仅加载第 66 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་ཕྱིར་ལུས་དང་བསྔོས་ཏེ་ཆོས་གསོལ་ལོ། །དེ་ལྟར་མ་བྱས་ན་ལྟུང་བའོ། །སངས་རྒྱས་ཀྱི་བུ་གང་ལ་ཡང་རུང་སྟེ། ཚུལ་ཁྲིམས་དང་མདོ་སྡེ་འཆང་བའི་ཁང་ཁྱིམ་ཆེན་པོའི་ནང་ན་ཆོས་འཆད་པ་ཡོད་ན་བྱང་ཆུབ་སེམས་དཔའ་གསར་དུ་སློབ་པ་ཚུལ་ཁྲིམས་ཀྱི་གླེགས་བམ་ཁྱེར་
D256.066.0080b01.01ཏེ། ཆོས་ཀྱི་མཁན་པོའི་གནས་སུ་སོང་ལ་གསོལ་ཏེ། དྲི་ཞིང་མནོད་པའི་རིགས་སོ། །ལ་ལ་ཞིག་རི་དང་། ཚལ་དང་། ཤིང་གི་དྲུང་དང་། དགེ་འདུན་གྱི་ས་དང་། ཁྱིམ་གྱི་ནང་དང་། ཆོས་འཆད་དོ་ཅོག་གི་སར་བྱིན་པར་བྱས་ཏེ། མཉན་ཅིང་འདོད་དོ། །དེའི་གནས་སུ་
D256.066.0080b02.01སོང་སྟེ་མ་མཉན། མ་མནོས་ན་ལྟུང་བའོ། །སངས་རྒྱས་ཀྱི་བུ་སེམས་ནི་ཐེག་པ་ཆེན་པོ་དང་འགལ་ཞིང་རྟག་པར་སངས་རྒྱས་ཀྱི་ཡི་གེ་དང་། ཚུལ་ཁྲིམས་ལ་འདུག་ཀྱང་ཁར་སྨྲ་ན་སངས་རྒྱས་ཀྱིས་བཤད་པ་མ་ཡིན་ཞེས་ཟེར་ན། རྟག་པར་ཐེག་པ་ཆུང་ངུ་རྣམ་གཉིས་དང་། མུར་
D256.066.0080b03.01འདུག་གི་ཆོས་ལ་ལྟ་ཞིང་ལོག་པར་ལྟ་བའོ་ཅོག་གི་ཚུལ་ཁྲིམས་དང་། ཆོས་ཀྱི་ཡི་གེ་གཟུངས་སུ་བཟུང་ན་ལྟུང་བའོ། །སངས་རྒྱས་ཀྱི་བུ་མི་ནད་ཀྱིས་བཏབ་བོ་ཅོག་རྟག་པར་རིམ་གྲོ་བྱས་ཏེ། གསོས་ལ་སངས་རྒྱས་དང་མཚུངས་པར་བྱས་ན་དགེ་བའི་བསོད་ནམས་རྣམ་པ་བརྒྱད་
D256.066.0080b04.01ཀྱི་ནང་ན་ནད་པ་ལ་ལྟ་ཞིང་གསོས་པའི་དགེ་བའི་བསོད་ནམས་ནི་བསོད་ནམས་ཀྱི་དམ་པའོ། །ཕ་མ་དང་། མཁན་པོ་དང་། དགེ་འདུན་དང་། སློབ་མའམ། དབང་པོ་མ་ཚང་བ་ནད་དོ་ཅོག་གིས་བཏབ་ཅིང་ཉོན་མོངས་ན་ཀུན་ཀྱང་གསོས་ཏེ་སོས་པར་བྱའོ། །དེ་ལ་བྱང་ཆུབ་
D256.066.0080b05.01སེམས་དཔའ་སེམས་ཅན་ལ་ལྟ་གཤེ་ཞིང་ངན་སེམས་ཀྱིས་དགེ་འདུན་གྱི་ཁྱིམ་དང་། ཡུལ་མཁར་དུ་མ་ཕྱིན་པ། དབྱེ་དང་། རི་ལུང་དང་། མཁར་དང་། ཚལ་ན་ནད་པ་འདུག་པ་མཐོང་སྟེ་ར་མདའ་དང་། རིམ་གྲོ་མ་བྱས་ན་ལྟུང་བའོ། །སངས་རྒྱས་ཀྱི་བུ་རལ་གྲི་དང་། མདའ་
D256.066.0080b06.01གཞུ་དང་། མདུང་དང་། སྟ་རེ་ལ་སོགས་ཏེ་ཐབ་མོའི་སྤྱད་མཚོན་ཆ་དང་། སེམས་ཅན་གསོད་པའི་སྤྱད་དང་འདྲ་བ་རྒྱ་རྒྱ་མོ་ལ་སོགས་པ་འཆང་དུ་མི་རུང་ངོ་། །བྱང་ཆུབ་སེམས་དཔའ་ནི་ཕ་མ་གཞན་གྱིས་བསད་ཀྱང་ཤ་མི་གླན་ན། སེམས་ཅན་ཐམས་ཅད་གསད་པ་ལྟ་སྨོས་ཀྱང་
D256.066.0080b07.01