完整藏文原文 · 德格版页 当前仅加载第 66 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་མནོས་ལ་ཆེད་ཀར་སེམས་བསྐྱེད་དེ། འཕགས་པའི་ཚུལ་ཁྲིམས་བཤིག་ན་སྦྱིན་བདག་གོ་ཅོག་གི་ཡོན་བླང་དུ་མི་རུང་ངོ་། །གཅིག་ཏུ་ནི་རྒྱལ་པོའི་ཁབ་ཀྱིས་རིས་ལ་ཡང་འགྲོར་མི་རུང་། རྒྱལ་པོའི་ཆུ་ལ་ཡང་འཐུང་དུ་མི་རུང་སྟེ། འདྲེ་ཆེན་པོ་ལྔ་སྟོང་གིས་རྟག་པར་དེའི་མདུན་བཅད་
D256.066.0089a01.01ནས་འདྲེ་ན་རེ་དགྲ་ཆེན་པོ་ཁྱིམ་དང་། མཁར་དང་། ཡུལ་གྱི་ནང་དུ་འོངས་སོ་ཞེས་ཟེར་ཏེ། དེ་རྣམས་ཀྱིས་ཁོར་མོར་མི་དེའི་རྗེས་ཕྱགས་སོ། །འཇིག་རྟེན་ན་རེ་ཡང་སངས་རྒྱས་ཀྱི་ཆོས་ཀྱི་ནང་དུ་འགྲོའོ་ཞེས་ཟེར་ཏེ་མིག་གིས་མཐོང་དུ་འོང་མི་དགའོ། །ཚུལ་ཁྲིམས་བཤིག་པ་ནི་བྱོལ་སོང་དང་མཚུངས།
D256.066.0089a02.01ཤིང་དུམ་དང་མཚུངས་ཏེ། དྲང་པོའི་ཚུལ་ཁྲིམས་བཤིག་ན་ལྟུང་བའོ། །སངས་རྒྱས་ཀྱི་བུ་སེམས་གཅིག་ཏུ་བརྟུལ་ཏེ་རྟག་པར་གཟུངས་སུ་བཟུང་སྟེ་ཁ་ཏོན་དུ་ཡང་ཀློག་གོ། །པགས་པ་བཤུས་ཏེ་ནི་ཤོག་ཤོག་བྱས། ཁྲག་ཕྱུང་བས་ནི་སྣག་ཚར་བྱས། རུས་པ་བཅག་སྟེ་སྨྱིག་གུར་བྱས་ལ་སངས་
D256.066.0089a03.01རྒྱས་ཀྱི་ཚུལ་ཁྲིམས་ཀྱི་ཡི་གེ་བྲིའོ། །ཤིང་གི་ཤུན་པ་དང་། ཐོད་ཀར་ལ་བྲིས་ཏེ་རྟག་པར་རིན་པོ་ཆེ་སྣ་བདུན་དང་། རིན་མེད་པའི་སྤོས་དང་། མེ་ཏོག་ལ་སོགས་པ་རིན་པོ་ཆེ་སྣ་ཚོགས་ཀྱི་གཟེབ་དང་སྣོད་བྱས་ཏེ། ནང་དུ་ཆོས་ཀྱི་ཡི་གེ་ཚུལ་ཁྲིམས་ཀྱི་གླེགས་བམ་གཞུག་གོ། །དེ་ལ་ཆོས་ཀྱི་བཞིན་
D256.066.0089a04.01དུ་རི་མོ་མ་བྱས་ན་ལྟུང་བའོ། །སངས་རྒྱས་ཀྱི་བུ་རྟག་པར་སེམས་རྒྱ་ཆེར་བསྐྱེད་དེ། ཡུལ་མཁར་དང་ཁང་ཁྱིམ་མོ་ཅོག་ཏུ་ཕྱིན་ཏེ། སེམས་ཅན་ནོ་ཅོག་ནི་མཐོང་ན་ཁྱེད་ལ་སོགས་པ་སེམས་ཅན་ནོ་ཅོག་ཐམས་ཅད་དཀོན་མཆོག་གསུམ་ལ་ཕྱོགས་ཤིང་ཚུལ་ཁྲིམས་བཅུ་ནོས་ཤིག་ཅེས་བསྒོ་བའི་
D256.066.0089a05.01རིགས་སོ། །བྱོལ་སོང་གི་ཁམས་ཤིག་ནའང་སེམས་ལ་བསམ་ཁར་སྨྲས་ཏེ། ཁྱོད་ནི་བྱོལ་སོང་ན་བྱང་ཆུབ་སེམས་དཔའི་སེམས་སྐྱེད་ཅིག་ཅེས་བསམ་ཞིང་བྱའོ། །བྱང་ཆུབ་སེམས་དཔའ་ནི་རི་ལུང་དབྱེ་ཐང་ག་ལ་གནས་ཀྱང་རུང་སྟེ། སེམས་ཅན་ནོ་ཅོག་ཀུན་བྱང་ཆུབ་སེམས་དཔའི་སེམས་
D256.066.0089a06.01སྐྱེ་བར་བྱོས་ཤིག །བྱང་ཆུབ་སེམས་དཔའ་སེམས་ཅན་མ་བསྟན་མ་བཅོས་ན་ལྟུང་བའོ། །སངས་རྒྱས་ཀྱི་བུ་རྟག་པར་བསྟན་ཅིང་བཅོས་པའི་སྙིང་རྗེ་ཆེན་པོ་བསྐྱེད་ནས་ཆོས་བྱེད་པ་དང་། ཡ་རབས་ལ་སོགས་པ་སྦྱིན་བདག་དང་། འདུ་བ་མང་པོའི་ནང་དུ་འགྲེང་ལ་གོས་སྐྱ་བོ་གྱོན་ཏེ་ཆོས་བཤད་
D256.066.0089a07.01