完整藏文原文 · 德格版页 当前仅加载第 74 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་བདེན་པ་ཡིན་གྱིས་{བརྫུན་,རྫུན་}པ་མ་ཡིན་ནོ། །བདེན་པར་ཅིར་མངོན། སྨྲས་པ་རྒྱ་མཚོའི་ཆུ་མང་མོད་ཀྱི། གདོན་མི་ཟ་བར་སྐམ་པའི་དུས་ཡོད་དོ། །བསྐལ་པ་མེས་འཇིག་ཏུ་ཉེ་བ་ན་ཉི་མ་གཉིས་ཤར་ཏེ་ཆུ་མིག་དང་ལྟེང་ཀ་ཀུན་བསྐམས་སོ། །ཉི་མ་གསུམ་
D341.074.0145a01.01ཤར་བ་ན། ཆུ་བྲན་ཐམས་ཅད་བསྐམས་སོ། །ཉི་མ་བཞི་ཤར་བ་ན་ཆུ་བོ་ཐམས་ཅད་བསྐམས་སོ། །ཉི་མ་ལྔ་ཤར་བ་ན་རྒྱ་མཚོ་ཆེན་པོ་ཡང་སྔ་མ་ལས་འགྲིབ་བོ། །ཉི་མ་དྲུག་ཤར་བ་ན་སུམ་ཉིས་འགྲིབ་བོ། །ཉི་མ་བདུན་ཤར་བ་ན་རྒྱ་མཚོ་ཆེན་པོ་ཡང་བསྐམས་ཏེ།
D341.074.0145a02.01རི་རབ་ལྷུན་པོ་ཡང་རྙིལ་རྡོ་རྗེའི་མཐའ་ལ་ཐུག་པའི་བར་དུ་ཚིག་ཅིང་འབར་བར་འགྱུར་རོ། །གང་ཞིག་ཤིན་ཏུ་དད་པའི་སེམས་ཀྱིས་ཆུ་སྙིམ་པ་གང་ཙམ་སངས་རྒྱས་ལ་མཆོད་དམ། དགེ་འདུན་ལ་ཕུལ་ལམ། ཕ་མ་ལ་ཕུལ་ལམ། དབུལ་ཕོངས་ལ་བྱིན་ནམ། གཅན་
D341.074.0145a03.01གཟན་ལ་བྱིན་ན། བསོད་ནམས་འདི་ནི་བསྐལ་པ་དུ་མར་ཡང་མི་ཟད་དེ། དེ་བས་ན་རྒྱ་མཚོའི་ཆུ་ནི་ཉུང་གིས། སྙིམ་པ་གང་གི་ཆུ་ནི་མང་བར་རིག་པར་བྱའོ། །དེ་ནས་རྒྱ་མཚོའི་ལྷ་རབ་ཏུ་དགའ་སྟེ། དེས་དགེ་བསྙེན་དེ་ལ་རིན་པོ་ཆེ་མང་དུ་ཕུལ་ནས། རིན་པོ་ཆེ་དམ་པ་དག་
D341.074.0145a04.01སངས་རྒྱས་དང་དགེ་འདུན་ལ་ཡང་བསྐུར་རོ། །དགེ་བསྙེན་དང་ཚོང་པ་རྣམས་རིན་པོ་ཆེས་ཆོག་པར་གྱུར་ནས། ཕྱིར་ཡང་བདེ་བར་ཡུལ་དུ་ཕྱིན་ཏོ། །དེའི་ཚེ་དགེ་བསྙེན་དེ་དང་། ཚོང་པ་ལྔ་བརྒྱ་ཙམ་སངས་རྒྱས་གང་ན་བ་དེར་འོངས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་
D341.074.0145a05.01ཕྱག་འཚལ་ཏེ། སོ་སོ་ནས་རིན་པོ་ཆེ་ཐོགས་པ་དང་། རྒྱ་མཚོའི་ལྷས་བསྐུར་བ་ཡང་སངས་རྒྱས་དང་དགེ་འདུན་ལ་ཕུལ་ཏེ། དེ་དག་པུས་མོ་ས་ལ་བཙུགས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ཀྱང་སྟོན་པའི་བསྟན་པ་ལ་རབ་
D341.074.0145a06.01ཏུ་འབྱུང་ངོ་ཞེས་སྨྲས་པ་དང་། བཅོམ་ལྡན་འདས་ཀྱིས་དགེ་བསྙེན་དག་ལེགས་པར་འོངས་སོ་ཞེས་བཀའ་སྩལ་པ་དང་། སྐྲ་དང་ཁ་སྤུ་རང་བྱི་སྟེ། ཆོས་གོས་གྱོན་པའི་དགེ་སློང་དུ་གྱུར་ཏོ། །དེ་ལ་བཅོམ་ལྡན་འདས་ཀྱིས་ཅི་རིགས་པའི་ཆོས་བསྟན་ཅིང་ཕྱིས་འདོད་པ་ཀུན་ཟད་དེ།
D341.074.0145a07.01