完整藏文原文 · 德格版页 当前仅加载第 74 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་དུ་འོངས་ནས། གླང་པོ་ཆེ་ཅུང་ཟད་ཅིག་ཞིག་པ་དེ་མཐོང་ནས་དེ་འདི་སྙམ་དུ་བསམས་སོ། །འདི་ནི་བྱང་ཆུབ་སེམས་དཔའི་བཅིབས་པའི་ཐེག་པ་ཡིན་ཏེ། འདི་ལྟར་ཞིག་པར་གྱུར་གྱི་བདག་གིས་སླར་གསོ་སྙམ་བསམས་ནས།
D341.074.0281a01.01འཇིམ་པ་ཞིག་སྦྱར་ཏེ་བསྐུས་པའི་སྟེང་དུ་ལྡོང་རོས་ཀྱིས་བསྐུས་ནས་འདི་སྐད་ཅེས་སྨོན་ལམ་བཏབ་བོ། །བདག་མ་འོངས་པའི་དུས་སུ་རྟག་ཏུ་ཆོ་རིགས་བཙུན་ཞིང་ལོངས་སྤྱོད་ཟད་མི་ཤེས་པ་དང་ལྡན་པར་ཤོག་ཤིག་ཅེས་སྨོན་ལམ་བཏབ་བོ། །མི་དེ་ཚེ་འཕོས་ནས་མཐོ་
D341.074.0281a02.01རིས་ཀྱི་ལྷར་སྐྱེས་ཏེ། ལྷ་ལས་ཚེའི་དུས་བྱས་ནས་མིའི་འཇིག་རྟེན་དུ་སྐྱེས་ཏེ། རྟག་ཏུ་ཆོ་རིགས་བཙུན་པ་དང་། ལོངས་སྤྱོད་དང་ལྡན་ཞིང་། བྱད་གཟུགས་འཕགས་པར་བཟང་སྟེ། གསེར་གྱི་གླང་པོ་ཆེ་རྟག་ཏུ་བསྲུངས་པར་གྱུར་ཏོ། །བཅོམ་ལྡན་
D341.074.0281a03.01འདས་ཀྱིས་ཀུན་དགའ་བོ་ལ་བཀའ་སྩལ་པ། དེའི་ཚེ་དེའི་དུས་ན་གླང་པོ་ཆེ་གསོས་པའི་མི་དེ་ནི་ད་ལྟར་དགེ་སློང་གླང་པོ་སྐྱོང་ཡིན་ནོ། །དེའི་ཚེ་གླང་པོ་ཆེ་གསོས་པ་དེ་ཚུན་ཅད་ལྷ་དང་མིའི་ནང་ན་ལོངས་སྤྱོད་ཆེན་པོ་དང་ལྡན་པར་གྱུར་ཏོ། །དཀོན་མཆོག་གསུམ་ལ་
D341.074.0281a04.01གུས་ཤིང་བསྟི་སྟང་བྱས་པས་ད་ལྟར་ང་དང་ཕྲད་ནས་བསྟན་པ་ལ་རབ་ཏུ་བྱུང་སྟེ། སེམས་ཀྱི་དྲི་མ་ཀུན་ཟད་དེ། དགྲ་བཅོམ་པར་གྱུར་ཏོ། །ཚེ་དང་ལྡན་པ་ཀུན་དགའ་བོ་དང་། འཁོར་མང་པོ་རྣམས་བཅོམ་ལྡན་འདས་ཀྱིས་གསུངས་པ་འདི་ཐོས་ནས་ཐམས་ཅད་
D341.074.0281a05.01ཀྱིས་དོན་རྟོགས་ཤིང་ཁོང་དུ་ཆུད་དེ། ལ་ལ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཡང་ཐོབ་པར་གྱུར་ཏོ། །ཁ་ཅིག་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས་
D341.074.0281a06.01སོ། །བཅོམ་ལྡན་འདས་ཀྱིས་གསུངས་པ་ལ་འཁོར་མང་པོ་མངོན་པར་དགའ་ནས་རྗེས་སུ་ཡི་རང་ངོ་། །གླང་པོ་སྐྱོང་གི་ལེའུ་སྟེ་བཞི་བཅུ་གཉིས་པའོ།། །།བམ་པོ་བཅུ་གཉིས་པ། འདི་སྐད་བདག་གིས་ཐོས་པའི་དུས་གཅིག་ན།
D341.074.0281a07.01