完整藏文原文 · 德格版页 当前仅加载第 74 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་དེད་དཔོན་ལོང་བའི་གན་དུ་སོང་ནས། དེད་དཔོན་དེ་ལ་འདི་སྐད་ཅེས་བསྒོའོ། །རྒྱལ་བུ་རྒྱ་མཚོར་འགྲོ་འདོད་དེ། ངེད་ཀྱིས་འགྲོར་མི་རུང་བའི་གྲོས་དེ་ལྟ་ཞིག་བཏབ་ན་མ་ཉན་གྱིས། རྒྱལ་བུ་རྒྱ་མཚོར་འགྲོ་བའི་ས་མཁན་དུ་ཁྱོད་སོང་ཤིག །ཅེས་བཀའ་སྩལ་
D341.074.0241a01.01པ་དང་། དེད་དཔོན་གྱིས་འདི་སྐད་ཅེས་གསོལ་ཏོ། །བདག་རྒས་འཁོགས་པའི་སྟེང་དུ་མིག་གཉིས་ཀྱང་མདོངས་མོད་ཀྱིས། ང་རྒྱལ་པོས་བཀའ་སྩལ་ན། བཀའ་མི་བཅག་གོ་ཞེས་གསོལ་ཏོ། །རྒྱལ་པོའི་ཕོ་བྲང་དུ་འོངས་ནས། ངའི་བུ་དང་རྒྱ་མཚོར་འགྲོ་ཕོད་པ་སུ་ཡོད་ཅེས་
D341.074.0241a02.01དྲིས་པ་དང་། རྒྱལ་བུ་སྡིག་དོན་ཡང་བདག་ཕུ་བོའི་གཡོག་ཏུ་འགྲོའོ་ཞེས་གསོལ་ཏོ། །རྒྱལ་པོས་བསམས་པ། གཞན་སོང་བ་བས་ནུ་བོ་སོང་ན་ཕན་སྙམ་ནས། ནུ་བོ་ཡང་འགྲོ་བར་གནང་ངོ་། །དེ་ནས་རྒྱལ་བུས་གསེར་སྲང་སུམ་སྟོང་ཞིག་ཕྱུང་ནས། སྲང་སྟོང་ནི་
D341.074.0241a03.01གྲུ་ཟོང་དུ་བྱས། སྲང་ཉིས་སྟོང་ནི་འཕྲལ་དུ་དགོས་པའི་ཡོ་བྱད་དུ་སྦྱར་ཏེ་ཆས་ནས། རྒྱལ་པོ་དང་བཙུན་མོ་ལ་སོགས་པ་ཐམས་ཅད་ཀྱིས་བསྐྱལ་ལོ། །དེ་ནས་རྒྱ་མཚོའི་ངོགས་སུ་ཕྱིན་ནས་གྲུར་ཞུགས་ནས་ཐག་པ་བདུན་གྱིས་བརྟོད་ནས། རླུང་ཕྱོགས་དང་སྦྱར་ཏེ་འགྲོ་བའི་ཚོང་
D341.074.0241a04.01པ་རྣམས་ལ་འདི་སྐད་ཅེས་སྨྲས་སོ། །རྒྱ་མཚོའི་ནང་ན་བགེགས་རྣམ་པ་སྣ་ཚོགས་ཡོད་དེ། སྔ་ཕྱིར་འདོང་བ་ནི་རབ་ཏུ་མང་ན། ཕྱིར་འཁོར་བ་ནི་ཉུང་རབ་བོ། །དེ་ལས་ཐེ་ཙོམ་ཟ་བ་ཞིག་ཡོད་ན་ཕྱིར་དེང་ཤིག །གལ་ཏེ་ལུས་དང་། སྲོག་ལ་མི་ལྟ་ནས། ཕ་མ་
D341.074.0241a05.01དང་། བུ་དང་། ཆུང་མ་དང་། གཉེན་བཤེས་དག་ལ་ཡང་མ་ཆགས་ཏེ། རིན་པོ་ཆེའི་གླིང་དུ་ཕྱིན་ཏེ། ཕྱིར་ཡང་བདེ་བར་འཁོར་ན་བུ་ཚ་རབས་བདུན་ཚུན་ཅད་ནོར་གྱིས་མི་བྲེལ་བར་འགྱུར་རོ། །ཞེས་བསྒོ་ནས་ཐག་པ་གཅིག་བཅད་དོ། །དེ་བཞིན་དུ་ཉི་མ་བདུན་གྱི་བར་དུ་
D341.074.0241a06.01ཉིན་རེ་ལན་རེ་དེ་སྐད་བསྒོ་ནས། ཐག་པ་རེ་རེ་བཅད་དེ་རླུང་ཕྱོགས་སུ་བབ་པ་ལ་གཡོར་ཤིང་བསྒྲེངས་ཏེ། མགྱོགས་ཁྱད་མདའ་བཞིན་སོང་ངོ་། །དེ་ནས་རིན་པོ་ཆེའི་གླིང་དུ་ཕྱིན་ནས། རྒྱལ་བུ་རིན་པོ་ཆེ་བརྟག་པ་ལ་ཤིན་ཏུ་མཁས་པས། རིན་པོ་ཆེ་བཟང་ངན་དང་། མང་
D341.074.0241a07.01