完整藏文原文 · 德格版页 当前仅加载第 74 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སོང་སྟེ། བུ་བསླངས་པ་དང་འདི་སྐད་ཅེས་སྨྲས་སོ། །བུ་ད་དུང་ཆུང་བས་གཡོག་ཀྱང་མི་ནུས་ལ་བདག་ཀྱང་དབུལ་བས་སླང་དུ་མེད་དོ། །རེ་ཞིག་སྐད་ཅིག་ནམ་སྐྱེས་ན་སྦྱིན་ནོ་ཞེས་སྨྲས་སོ། །དེ་ནས་ཆེར་སྐྱེས་ནས་ཤེས་རབ་དང་ལྡན་པར་གྱུར་ཏེ།
D341.074.0290a01.01ཕས་ཀྱང་ནོར་རྫས་ལག་ཏུ་གཏད་ནས་ཚོང་བྱེད་དུ་བཅུག་གོ། །དུས་གཞན་ཞིག་ན་ཡ་ཤེའི་ཀི་ཉིད་དེའི་དྲུང་དུ་སོང་སྟེ། ཆོས་བསྟན་ནས་སེམས་རྩེ་གཅིག་པ་ཡིད་ལ་བྱེད་དུ་བཅུག་སྟེ། དགེ་བའི་རྟོག་པ་བྱུང་ན་རྡེའུ་དཀར་རུ་ཞིག་ཞོག་ལ། མི་དགེ་བའི་རྟོག་པ་བྱུང་ན་རྡེའུ་ན་གུ་
D341.074.0290a02.01ཞིག་ཞོག་ལ་དུས་དུས་སུ་གང་མང་རྩིས་ཤིག་ཅེས་བསྒོའོ། །ཨུ་པ་གུབ་ཏས་ཀྱང་བསྒོ་བ་བཞིན་དུ་དགེ་བ་དང་མི་དགེ་བའི་རྟོག་པ་བྱུང་བ་ལས་རྡེའུ་བཞག་སྟེ་བརྩིས་ན། ཐོག་མ་ནི་རྡེའུ་ན་གུ་མང་རབ་ལ། དཀར་རུ་ཉུང་རབ་བོ་དེ་ནས་ཡང་བགས་ཀྱིས་དཀར་ནག་མཉམ་མོ། །
D341.074.0290a03.01དེ་ནས་ཡིད་ལ་བྱ་བ་མ་བཏང་བས་རྡེའུ་ན་གུ་ནི་མེད་ཀྱི། རྡེའུ་དཀར་རུ་འབའ་ཞིག་ཏུ་གྱུར་ཏེ། དགེ་བའི་རྟོག་པ་གྲུབ་ནས་འབྲས་བུ་དང་པོ་ཐོབ་པར་གྱུར་ཏེ། དེའི་ཚེ་གྲོང་ཁྱེར་དེ་ནས་སྨད་འཚོང་མ་ཞིག་གིས་བྲན་མོ་གཅིག་མངགས་ཏེ། ཨུ་པ་གུབ་ཏ་ལ་མེ་ཏོག་ཉོར་བཏང་
D341.074.0290a04.01ངོ་། །ཨུ་པ་གུབ་ཏ་རང་བཞིན་གྱིས་དྲང་བས་བྲན་མོ་དེ་ལ་མེ་ཏོག་རྒྱལ་བར་བྱིན་ཏེ། མ་རངས་པ་མེད་པར་བྱས་སོ། །བྲན་མོ་དེ་མེ་ཏོག་རྣམས་ཁྱེར་ཏེ། རྗེ་མོ་ལ་ཕུལ་བ་དང་། ངོ་མཚར་ཆེར་བཟུང་སྟེ། བྲན་མོ་ལ་འདི་སྐད་ཅེས་སྨྲས་སོ། །སྔར་མེ་ཏོག་ཉོས་པའི་རིན་
D341.074.0290a05.01དང་། དེང་ཉོས་པའི་རིན་འདྲ་ན། སྔར་ནི་ཅིའི་ཕྱིར་ཉུང་ལ་ད་ནི་ཅིའི་ཕྱིར་མང་སྔ་མའི་ཚེ་ན། ཁྱོད་ཀྱིས་ང་བསླུས་སམ། བྲན་མོས་སྨྲས་པ། དེང་གི་མེ་ཏོག་འཚོང་བའི་བདག་པོ་ངོ་མཚར་དུ་དྲང་ལ། དེ་སྟེ་གཡོ་སྒྱུ་མེད་པས་མང་དུ་ཁུགས་པ་ཡིན་ནོ། །སྐྱེས་བུ་དེ་གཟུགས་
D341.074.0290a06.01བཟང་ཞིང་མཛེས་པས། ཇོ་མོས་གཟིགས་ན་དགྱེས་པར་འགྱུར་རོ་ཞེས་སྨྲས་པ་དང་། སྨད་འཚོང་མས་དེ་འབོད་དུ་བཏང་ངོ་། །ཨུ་པ་གུབ་ཏ་དེར་འོང་དུ་མ་བཏུབ་ནས། ཡང་ནས་ཡང་བོས་ཀྱང་འགྲོར་མ་བཏུབ་བོ། །དེའི་ཚེ་སྨད་འཚོང་མ་རྒྱལ་བུ་ཞིག་དང་འདུས་ཏེ། རྒྱལ་བུ་
D341.074.0290a07.01