完整藏文原文 · 德格版页 当前仅加载第 74 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འདི་དག་ཐམས་ཅད་མགྲོན་དུ་མཆི་བར་བགྱིས་ཏེ། བདག་གིས་ཁྱིམ་བསྲུང་ངོ་ཞེས་སྨྲས་ནས། ཕས་ཀྱང་ཤིན་ཏུ་ལེགས་སོ་ལེགས་སོ། །ཁྱོད་ཀྱིས་ཁྱིམ་བསྲུང་ན། ཁྱོད་ཀྱི་མ་དང་མི་འདྲ་བ་མེད་དེ་སྟོར་བའམ། ཉེས་པ་བྱུང་གིས་མི་དོགས་སོ་ཞེས་སྨྲས་
D341.074.0184b01.01ནས། ཁྱིམ་གང་གི་མི་ཀུན་མགྲོན་དུ་འདོང་ངོ་། །བུ་མོས་ཀྱང་སྒོ་རྣམས་དམ་དུ་བཅད་དེ། གཅིག་པུ་ཁྱིམ་དུ་འདུག་གོ། །དེའི་ཉིན་པར་དགེ་བསྙེན་དེ་བྲེལ་བས་བསོད་སྙོམས་བསྐྱལ་བ་བརྗེད་ནས། དེའི་ཚེ་དགེ་སློང་དེ་འདི་སྙམ་དུ། ཉི་མ་ཡང་ཡོལ་ལ་ཁད་པ་
D341.074.0184b02.01དང་། ཁྱིམ་པ་ལ་དོན་མང་བས་བརྗེད་པ་ལྟ་སྲིད་དམ། ཟན་མི་ཟ་བའི་མི་རིགས་ཀྱི་ལེན་དུ་བཏང་ངོ་སྙམ་བསམས་ནས། དགེ་ཚུལ་དེ་བསོད་སྙོམས་ལེན་དུ་བཏང་ངོ་། །དགེ་ཚུལ་དེ་ལ་སློབ་དཔོན་གྱིས་བསྒོ་བ། ཁྱོད་སྤྱོད་ལམ་ཤིན་ཏུ་བསྡམས་ཏེ། བཅོམ་ལྡན་
D341.074.0184b03.01འདས་ཀྱིས་གསུངས་པ་ལྟར་གྲོང་ནས་བསོད་སྙོམས་ལོངས་ཤིག །ཅི་ལྟར་བུང་བ་རྣམས་མེ་ཏོག་གི་ཁ་དོག་དང་དྲི་བསུང་ལ་མི་གནོད་པ་བཞིན། ཆགས་པར་མ་བྱེད་པར་ཁྱིམ་ནས་བསོད་སྙོམས་ལོངས་ཤིག །གཟུགས་དང་། སྒྲ་དང་། དྲི་དང་། རོ་དང་།
D341.074.0184b04.01རེག་བྱ་ལ་མ་ཆགས་པར་དབང་པོ་རྣམས་སྲུངས་ཤིག །གལ་ཏེ་ཚུལ་ཁྲིམས་བསྲུངས་ན། གདོན་མི་ཟ་བར་འབྲས་བུ་ཐོབ་པར་འགྱུར་གྱིས། ལྷ་སྦྱིན་ལྟ་བུ་མདོ་སྡེ་མང་པོ་ཁ་ཏོན་ཤེས་ཀྱང་། ཉེས་པར་བྱས་ཏེ་ཚུལ་ཁྲིམས་ཉམས་ཏེ། མཚམས་མེད་པའི་
D341.074.0184b05.01སེམས་ཅན་དམྱལ་བར་སྐྱེས་སོ། །ཀོ་ཀ་ལི་ཀ་ལྟ་བུར་སྐུར་བ་འདེབས་ཤིང་ཚུལ་ཁྲིམས་ཉམས་པས། དེ་ཡང་སེམས་ཅན་དམྱལ་བར་སྐྱེས་སོ། །ཙུའུ་པན་ཏ་ལྟ་བུ་ཚིགས་སུ་བཅད་པ་གཅིག་ལས་མི་ཤེས་མོད་ཀྱིས། ཚུལ་ཁྲིམས་བསྲུངས་པས་དགྲ་
D341.074.0184b06.01བཅོམ་པར་གྱུར་ཏོ། །ཚུལ་ཁྲིམས་ནི་མྱ་ངན་ལས་འདའ་བའི་སྒོར་འཇུག་ཅིང་། ཤིན་ཏུ་བདེ་བའི་རྒྱུར་འགྱུར་ཏེ། དཔེར་ན་བྲམ་ཟེའི་ཆོས་ཀྱི་ཟླ་བ་གསུམ་མམ། ཟླ་བ་བཞིའི་བར་དུ་ཆོས་སྟོན་བྱེད་དེ། དེ་ཡང་བྲམ་ཟེ་མཁས་པ། རིག་པ་དང་ལྡན་པ། ཚུལ་
D341.074.0184b07.01