完整藏文原文 · 德格版页 当前仅加载第 74 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་མྱ་ངན་ལས་འདས་ནས། ཡུལ་ཨན་ཏ་ཞེས་བྱ་བ་ན། དགེ་སློང་བསོད་སྙོམས་པ་དགོན་པ་ལ་གནས་པར་དགའ་བ། སྤྱོད་ལམ་དང་ལྡན་པ་ཞིག་ཡོད་དོ། །དགེ་སློང་བསོད་སྙོམས་པ་ནི་སངས་རྒྱས་ཀུན་གྱིས་བསྔགས་ཀྱིས། ཕལ་གྱི་
D341.074.0183a01.01ནང་ན་གནས་པ་མ་ཡིན་ནོ། །དེ་ཅིའི་ཕྱིར་ཞེ་ན། དགེ་སློང་བསོད་སྙོམས་པ་ནི་འདོད་པ་ཉུང་ཞིང་ཆོག་ཤེས་པ་སྟེ། ཅི་ཡང་མི་སོགས་ཤིང་། ཟ་ཅིག་པ། བླ་གབ་མེད་པ། ཆོས་གོས་གསུམ་པ་ལ་སོགས་སྤྱོད་དོ། །བཙུན་པའོ། །གཙོ་བོའོ། །དགེ་འདུན་
D341.074.0183a02.01གྱི་ནང་ན་གནས་པའི་དགེ་སློང་ནི། འདོད་པ་མང་བ། ཆོག་མི་ཤེས་པ། སེར་སྣ་བྱེད་པ། ཅི་ལ་ཡང་ཆགས་པས་གྲགས་པ་ཆེན་པོ་ཐོབ་པར་མི་འགྱུར་རོ། །དགེ་སློང་བསོད་སྙོམས་པ་དེ་ཡོན་ཏན་སྤྱོད་པར་ལྡན་ཏེ། དགེ་སློང་གི་འབྲས་བུ་ཐོབ་ནས། མངོན་པར་
D341.074.0183a03.01ཤེས་པ་དྲུག་དང་། རིག་པ་གསུམ་དང་། རྣམ་པར་ཐར་པ་བརྒྱད་ལ་གནས་ཏེ། སྤྱོད་ལམ་ཀུན་མཛེས་པས་ཀུན་ཏུ་གྲགས་པར་གྱུར་ཏོ། །དེའི་ཚེ་ཡུལ་ཨན་ཏ་ཞེས་བྱ་བ་ན། དགེ་བསྙེན་དཀོན་མཆོག་གསུམ་ལ་ཤིན་ཏུ་དད་པ། སྲོག་མི་གཅོད་པ། མ་བྱིན་པར་
D341.074.0183a04.01མི་ལེན་པ། འདོད་པས་ལོག་པར་མི་གཡེམ་པ། {བརྫུན་,རྫུན་}དུ་མི་སྨྲ་བ། སྨྱོ་བའི་ཁུ་བ་ཆང་མི་འཐུང་བའི་ཁྲིམས་ལྔ་བསྲུང་བ། ཡོན་ཏན་དང་ལྡན་པ་ཞིག་ཡུལ་དེ་ན་འདུག་པ་ལས། དགེ་བསྙེན་དེས་དགེ་སློང་བསོད་སྙོམས་པ་དེ། ཚེ་གཅིག་གི་བར་དུ་འཚོ་བ་
D341.074.0183a05.01སྦྱར་བའི་བསོད་ནམས་ནི་མྱོང་བར་འགྱུར་རོ་སྙམ་ནས། གལ་ཏེ་བདག་གིས་ཁྱིམ་དུ་སྤྱན་དྲངས་ཏེ། ལམ་དུ་གྲང་བ་དང་ཚ་བས་ཉོན་མོངས་ཏེ། བསྒོམ་པའི་བར་ཆད་དུ་ཡང་འགྱུར་ལ། ཕྱིས་རྣམ་པར་སྨིན་པ་མྱོང་བ་ན་ཡང་། བདག་གིས་བསམས་ཤིང་དོན་དུ་གཉེར་
D341.074.0183a06.01དགོས་པ་ཐོབ་པར་འགྱུར་རོ། །གལ་ཏེ་འཚོ་བ་གནས་སུ་བསྐྱལ་ན། ཕྱིས་རྣམ་པར་སྨིན་པ་ཡང་དོན་དུ་གཉེར་མི་དགོས་པར་ཐོབ་པར་འགྱུར་རོ་སྙམ་བསམས་ནས། དགེ་བསྙེན་དེ་དད་པའི་སེམས་ཀྱིས་ཞལ་ཟས་རོ་བརྒྱ་དང་ལྡན་པའི་དྲི་བསུང་དང་། ཁ་དོག་ཏུ་ལྡན་
D341.074.0183a07.01