完整藏文原文 · 德格版页 当前仅加载第 74 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
དང་བསྡོས་སུ་ཡང་མི་ནུས་པས། བདག་ཅག་གི་ནང་ན་མི་གང་ནུས་པ་གཅིག་ཅིག་ཚོལ་དུ་བཏང་ངོ་། །གལ་ཏེ་མི་དེས་མཐོང་བར་གྱུར་ན། གདོད་བདག་ཅག་སྦྲན་པར་བྱས་ན་ལེགས་སོ་ཞེས་སྨྲས་པ་དང་། མི་ཞིག་ལ་འདི་སྐད་ཅེས་སྨྲས་སོ། །ཁྱོད་སྲོག་དང་བསྡོས་ཏེ་ཀུན་དུ་
D341.074.0172a01.01ཚོལ་དུ་སོང་ཅིག །གལ་ཏེ་རྙེད་ན་ངེད་སྤྱི་ལས་ནོར་བཀལ་ཏེ་མང་དུ་སྦྱིན་ནོ། །གལ་ཏེ་ཁྱོད་མ་འཁོར་ན་ཡང་ཁྱོད་ཀྱི་བུ་དང་། ཆུང་མ་ལ་སྦྱིན་ནོ་ཞེས་སྨྲས་ཏེ། མི་དེས་ཀྱང་འདི་སྙམ་དུ་བདག་ནི་མི་མང་པོ་འདི་ལྟ་བུའི་ཕྱིར་ལུས་དང་སྲོག་ཡལ་ཡང་བླའོ་སྙམ་བསམས་ནས། འགྲོ་བའི་ཡོ་བྱད་
D341.074.0172a02.01བཤམས་ཏེ། རི་ནགས་ཚལ་ཉམ་ང་བ་ཀུན་དུ་ཚོལ་དུ་སོང་སོང་བ་ལས་ཡུན་རིང་ཞིག་ལོན་པས་ཤིན་ཏུ་ཉམ་ཐག་ནས། དབྱར་ཚ་བའི་དུས་སུ་བྱེ་མ་ཚ་བ་པུས་མོ་ནུབ་ཙམ་ཞིག་ཏུ་ཕྱིན་པ་དང་ངལ་ཆད་དེ། སྐོམ་གྱིས་གདུངས་པས་སྲོག་ཆད་ལ་ཐུག་པས་འདི་སྐད་ཅེས་སྨྲས་སོ། །སྙིང་རྗེ་དང་ལྡན་
D341.074.0172a03.01པ་སུ་ཞིག་བདག་འདི་ལྟར་སྡུག་སྡུག་པའི་ལུས་དང་སྲོག་གི་སྐྱབས་སུ་འགྱུར་བ་ཡོད་དམ་ཞེས་སྨྲས་པ་དང་། དེའི་ཚེ་ན་རི་དེ་ལ་གཅན་གཟན་ཀུན་ཏ་ཞེས་བྱ་བ་ལུས་ཀྱི་སྤུའི་མདོག་གསེར་གྱི་ཁ་དོག་ལྟ་བུ་ལ་སྤུའི་ཐོག་མ་ལ་གསེར་གྱི་འོད་འབྱུང་བ་ཞིག་ཡོད་པ་དེས་རྒྱང་མ་ནས་མི་དེས་སྨྲས་པའི་ཚིག་
D341.074.0172a04.01ཐོས་ནས། ཤིན་ཏུ་སྙིང་བརྩེ་བའི་སེམས་སྐྱེས་ཏེ། གང་ན་ཆུ་མིག་གྲང་མོ་ཡོད་པའི་ནང་དུ་ལུས་བཅུག་ནས་མི་དེའི་དྲུང་དུ་འོངས་ཏེ། མི་དེ་ལ་པང་པས་འཁྱུད་ནས་ཅུང་ཟད་ཉམས་བརྟས་པ་དང་། ཆུ་འགྲམ་དུ་ཁྲིད་དེ་བཀྲུས་ཏེ་ཤིང་ཏོག་བསྡུས་ཏེ་ཟར་བཅུག་གོ། །དེ་ནས་མི་དེ་སོར་ཆུད་
D341.074.0172a05.01ནས་འདི་སྙམ་དུ་སེམས་སོ། །གཅན་གཟན་འདི་ནི་རྒྱལ་པོས་འདོད་པ་ཁོ་ན་ཡིན་ནོ། །བདག་སྲོག་དང་བྲལ་བ་ལས་སྲོག་གི་སྐྱབས་བྱས་ཏེ། དྲིན་གཟོ་བ་{ཆུང་ཟད་,ཅུང་ཟད་}ཀྱང་མ་བྱས་པར་འདི་ལ་གསོད་པའི་སེམས་ཅི་ལྟར་ཡང་བསྐྱེད། །གལ་ཏེ་མ་རྙེད་ན་ནི་རྔོན་པ་དེ་དག་གཉེན་དང་བཅས་སུ་དེ་དག་
D341.074.0172a06.01ཐམས་ཅད་གྱོད་ལས་ཐོགས་པར་འགྱུར་རོ་སྙམ་བསམས་ནས། མི་དགའ་ཞིང་འདུག་པ་ལས་གཅན་གཟན་གྱིས་ཁྱོད་ཅིའི་ཕྱིར་འདི་ལྟར་མི་དགའ་ཞེས་དྲིས་ན། མཆི་མ་བླགས་ནས་རྒྱས་པར་སྨྲས་པ་དང་། ཀུན་ཏས་འདི་ལ་ཁྱོད་མི་དགའ་མ་བྱེད་ཅིག །ངའི་པགས་པ་འདི་ཤིན་
D341.074.0172a07.01