完整藏文原文 · 德格版页 当前仅加载第 77 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་ལྟ་བུ་མེད། །སངས་རྒྱས་ཀུན་གྱི་རིན་ཆེན་ཆེ། །དབུ་རྒྱན་ཅན་ནི་བདེ་བའི་མཆོག །གཞན་གྱི་ནོར་མིན་འདི་མི་འཕྲོགས། །ལྷ་ཡི་ཆུ་འདིས་དག་པ་སྟེ། །མཐུ་དང་ངོ་བོ་ཉིད་དག་དང་། །རང་བཞིན་གྱིས་ནི་དེ་འགྲུབ་བོ། །ཐོད་པའི་ཕྲེང་བའི་དབུ་རྒྱན་དང་། །སངས་
D366.077.0168a01.01རྒྱས་གཙུག་གི་ནོར་བུ་ཅན། །ཀུན་ནས་ཉོན་མོངས་འཇིག་རྟེན་དབང་། །མི་མཇེད་ལ་སོགས་དེ་འགྲུབ་བོ། །རྡོ་རྗེ་སེམས་དཔའ་དཔལ་སྦྱོར་བ། །ལྷ་མོ་ཀུན་དང་འདུས་པ་ཡིས། །ཀུན་ཏུ་སྣ་ཚོགས་སྐལ་བཟང་པོ། །མཁའ་འགྲོ་མ་ནི་ཐམས་ཅད་འགྲུབ། །སངས་རྒྱས་རྡོ་རྗེ་པདྨ་
D366.077.0168a02.01འཛིན། །རྡོ་རྗེ་ཉི་མ་ཁམས་གསུམ་པ། །རྒྱས་བཏབ་རྨོངས་པས་བསླང་ནས་ནི། །ལས་རྣམས་ཀུན་ལ་སྦྱོར་བར་བྱེད། །ཕྱག་རྒྱ་འདི་ཡིས་བཏབ་པ་ནི། །འདོད་པ་བཞིན་དུ་འགྲོ་འོང་ལྡིང་། །ལྷ་མོ་ཀུན་མཆོག་དཔལ་དང་ལྡན། །རྡོ་རྗེ་སེམས་དཔའ་རབ་ཏུ་འགྲུབ། །མཆོག་ཏུ་དགའ་
D366.077.0168a03.01བ་ལ་རབ་ཏུ་སྦྱོར་བ་སྐལ་བ་བཟང་པོ་དཔལ་རྡོ་རྗེ་སེམས་དཔའ་བདེ་བའི་མཆོག་རོལ་པ་ཞེས་བྱ་བ་མཆོག་གི་ཕྱག་རྒྱའོ། །གཡས་དང་གཡོན་གྱི་སྦྱོར་བ་ཡིས། །བདེ་བའི་ཆ་ལུགས་གར་བྱེད་ཅིང་། །སེམས་དཔའི་སྐྱིལ་མོ་ཀྲུང་བཅས་ནས། །དཔུང་རྣམས་ཐམས་ཅད་རབ་ཏུ་འཇོམས། །
D366.077.0168a04.01དཔལ་རྡོ་རྗེ་སེམས་དཔའི་སྐྱིལ་མོ་ཀྲུང་ངོ་། །ཟླ་བའི་ཁ་དོག་འཛུམ་པའི་ཞལ། །དངོས་གྲུབ་ཐམས་ཅད་དག་པ་དང་། །པདྨའི་འདོད་ཆགས་རྣམ་དག་ཕྱིར། །བརླ་ཡི་དབུས་ནི་དམར་ལ་དཀར། །ཕྱག་མཆོག་ལོ་མ་སྔོན་པོ་འདྲ། །དེ་བཞིན་བདེ་བའི་དབང་ཕྱུག་དང་། །བདེ་བར་རེག་
D366.077.0168a05.01པའི་དབང་ཕྱུག་པས། །དཀར་ཞིང་སེར་བའི་བརླ་དང་ལྡན། །ལྷ་རྫས་སྣ་ཚོགས་ཁ་དོག་མཆོག །འབར་བ་སྣ་ཚོགས་འཁྲིགས་པའི་འོད། །པདྨ་སྣ་ཚོགས་ལ་གནས་པ། །ཐམས་ཅད་དག་པར་རབ་ཏུ་གནས། །སངས་རྒྱས་པདྨ་ལ་སོགས་མཆོག །རིན་ཆེན་སྣ་ཚོགས་
D366.077.0168a06.01རྒྱན་དང་གོས། །སངས་རྒྱས་ཐམས་ཅད་འདུས་པ་ཡིན། །མི་མཇེད་ལ་སོགས་བརྒྱན་པ་བཞིན། །བྱ་བ་དང་ནི་བཟློག་པ་དང་། །འཕྲོག་པ་དག་ཀྱང་ལྷག་པར་མཛོད། །བདག་ལ་འཁྱུད་པའི་ཕྱག་རྒྱ་ཡིས། །ཡན་ལག་ཐམས་ཅད་འཕྲོག་པར་འགྲུབ། །ཕྱག་རྒྱ་འདི་ཡིས་བཏབ་
D366.077.0168a07.01