完整藏文原文 · 德格版页 当前仅加载第 77 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱ། །ལོ་མ་ཡུངས་མར་ཟས་སུ་བཟའ། །མགོ་བསྐུས་དེ་བཞིན་འབྲས་བུ་ཡིས། །ཕྱོགས་མཚམས་ནམ་མཁའ་ས་བཅིངས་ན། །བསྲུང་བ་ཀུན་གྱི་བླ་མེད་པའོ། །དཔལ་དོན་ཐམས་ཅད་གྲུབ་པ་ཞེས་བྱ་བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བ། །མ་མཆུ་
D366.077.0188b01.01སོ་ཡིས་ལེགས་མནན་ནས། །དཔལ་ལྡན་གཡོན་དུ་འགྱིང་དང་བཅས། །གསལ་བར་ཕྱོགས་སུ་འཁོར་ལོའི་ཚུལ། །བླ་འོག་ཏུ་ནི་བྱིན་བརླབས་ན། །གནས་གསུམ་དག་ནི་རྒྱས་འདེབས་སོ། །གཞུག་དཀའ་བདག་ཉིད་ངན་པའི་རྣམས། །སངས་རྒྱས་ཀུན་གྱི་ངོ་བོར་
D366.077.0188b02.01འགྲུབ། །ཐམས་ཅད་ཀྱི་མཆོག་གནས་ཀྱི་དབང་ཕྱུག་བྱིན་གྱིས་བརླབས་པ་དཔལ་སྐལ་བ་བཟང་པོ་ཞེས་བྱ་བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བ། །ལྷ་མོ་ཀུན་དང་འདུས་པ་ཡིས། །ཀུན་ཏུ་སྣ་ཚོགས་སྐལ་བཟང་པོ། །བདེ་བར་རབ་ཏུ་འགྲུབ་པར་འགྱུར། །རྒྱ་
D366.077.0188b03.01འདིས་བཏབ་མ་ཐག་ཏུ་ནི། །སངས་རྒྱས་ཀུན་གྱིས་བྱིན་བརླབས་འགྱུར། །ཤིན་ཏུ་བྱིན་གྱིས་བརླབས་འགྱུར་ལས། །སངས་རྒྱས་ཀུན་དང་ཕྲད་པར་འགྱུར། །སངས་རྒྱས་ཀུན་དང་མཉམ་སྦྱོར་བས། །སངས་རྒྱས་ཀུན་དང་མཉམ་པར་འགྱུར། །སངས་རྒྱས་ཀུན་དང་
D366.077.0188b04.01མཉམ་པས་ན། །སངས་རྒྱས་ཐམས་ཅད་རབ་ཏུ་འགྲུབ། །སངས་རྒྱས་ཐམས་ཅད་མཉམ་སྦྱོར་བ། །དཔལ་སྐལ་བ་བཟང་པོའི་དམ་ཚིག་ཅེས་བྱ་བའི་བསྲུང་བའོ། །རྡོ་རྗེ་སེམས་དཔའ་དཔལ་སྦྱོར་བ། །སངས་རྒྱས་ཀུན་བདག་སྦྱོར་ལྡན་པས། །ཕྱོགས་སུ་ལེགས་པར་
D366.077.0188b05.01འཁོར་ལོའི་ཚུལ། །བླ་དང་འོག་ཏུ་བྱིན་བརླབས་ནས། །འདི་ཡིས་བསྲུང་བ་བྱས་ན་ནི། །ཁམས་གསུམ་དག་ནི་མ་ལུས་པར། །གཞུག་དཀའ་བདག་ཉིད་ངན་པ་རྣམས། །སངས་རྒྱས་ཀུན་གྱིས་བྱིན་བརླབས་འགྱུར། །ཐམས་ཅད་ཀྱི་མཆོག་གནས་ཀྱི་དབང་ཕྱུག་དཔལ་ཞེས་བྱ་
D366.077.0188b06.01བའི་ཕྱག་རྒྱའོ། །རྡོ་རྗེ་སེམས་དཔའ་དཔལ་སྦྱོར་བ། །ཧེ་རུ་དཔལ་གྱིས་རྣམ་སྤྲུལ་པས། །ཐམས་ཅད་ཀུན་ཏུ་ཀུན་གྱི་བདག །ཐམས་ཅད་བསྲུང་བ་མི་འགྱུར་ཆེ། །རིམས་དང་དུག་དང་དབྱིག་དུག་ནད། །མཁའ་འགྲོས་གཙེ་དང་གདོན་རྣམས་དང་། །བདུད་དང་ངན་ཁྲིད་ཐམས་
D366.077.0188b07.01