完整藏文原文 · 德格版页 当前仅加载第 77 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
རྣལ་འབྱོར་བདེ་མཆོག་སྒྱུ་མས་སྤྲུལ། །དམ་ཚིག་དག་ལ་འཇུག་ཏུ་གསོལ། །ཉོན་མོངས་ཀུན་ལས་རྒྱལ་བར་མཛོད། །མ་ལུས་པ་དག་མནབས་སུ་གསོལ། །ཉོན་མོངས་ཐམས་ཅད་བསལ་བར་མཛོད། །གླུ་འདི་དག་ནི་བླངས་པ་ཡིས། །རྡོ་རྗེ་ཐམས་ཅད་མཉམ་སྦྱོར་བ། །
D366.077.0172b01.01མཁའ་འགྲོ་སྒྱུ་མ་བདེ་བའི་མཆོག །གདོན་མི་ཟ་བར་འགྲུབ་པར་འགྱུར། །དཔལ་ཧེ་རུ་ཀའི་རྡོ་རྗེའི་ཕྱག་རྒྱ་ཞེས་བྱའོ། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །འདོད་ཆགས་ཐམས་ཅད་རྣམ་དག་ཕྱིར། །པདྨའི་ཕྱག་རྒྱ་དཔལ་
D366.077.0172b02.01དུ་གནས། །མི་འགྱུར་དམ་པ་གྲུབ་པའི་ཕྱིར། །ཤེལ་སྒོང་ཤིན་ཏུ་དག་པ་འདྲ། །འདོད་ཆགས་ཐམས་ཅད་བསལ་བའི་ཕྱིར། །འབར་བ་སྣ་ཚོགས་འཁྲིགས་པའི་འོད། །སངས་རྒྱས་ཚེ་ནི་རིན་ཆེན་སྤྲས། །གོས་དང་སྣ་ཚོགས་རྒྱན་གྱིས་བརྒྱན། །སངས་རྒྱས་ཐམས་ཅད་
D366.077.0172b03.01འདུས་པ་ཡིས། །བདེ་བ་ཅན་བཞིན་དམ་པར་འགྱུར། །གར་སྟབས་རྣམ་པ་སྣ་ཚོགས་ཀྱིས། །ཡོངས་སུ་བསྒྱུར་ཞིང་གར་བྱས་པས། །པདྨོའི་མཚན་མཆོག་པདྨོར་བཅས། །ཕྱག་ནི་རྒྱ་རྣམས་འཁོར་ལོ་བསྐོར། །སངས་རྒྱས་རྡོ་རྗེ་པདྨ་འཛིན། །རྡོ་རྗེ་ཉི་མ་ཁམས་གསུམ་པ། །པདྨ་
D366.077.0172b04.01སྒྱུ་མས་རྣམ་སྦྱངས་ནས། །སངས་རྒྱས་བྱང་ཆུབ་སྒྲུབ་པར་མཛད། །འདུལ་བའི་ཐབས་ནི་སྣ་ཚོགས་པའོ། །སྐལ་བ་བཟང་པོ་དཔལ་པདྨ་གར་གྱི་དབང་ཕྱུག་ཅེས་བྱ་བའི་ཕྱག་རྒྱའོ། །གཡས་དང་གཡོན་པའི་སྦྱོར་བ་ཡིས། །སྐྱིལ་མོ་ཀྲུང་ནི་ཕྱེད་མར་གནས། །རྒྱལ་པོའི་སྐྱིལ་
D366.077.0172b05.01མོ་ཀྲུང་བཅས་ནས། །སྡུག་བསྔལ་ཐམས་ཅད་སེལ་བར་བྱེད། །དཔལ་པདྨ་རྒྱལ་པོ་གནས་པ་ཞེས་བྱ་བའི་ཕྱག་རྒྱའོ། །བསྙེམས་པའི་ལག་པ་གཡོན་པ་ཡིས། །པདྨ་དམར་པོ་ཅི་བདེར་བཟུང་། །རང་གི་སྙིང་གར་འདྲེན་པའི་ཚུལ། །པདྨ་འདབ་མ་ཁ་འབྱེད་པའོ། །བསྙེམས་པའི་
D366.077.0172b06.01ལག་པ་གཡོན་པ་ཡིས། །པདྨ་སྔོན་པོ་ཅི་བདེར་བཟུང་། །རང་གི་སྙིང་གར་འདྲེན་ཚུལ་གྱིས། །བུད་མེད་ཕྱག་རྒྱ་བཅིང་བར་བྱ། །བསྙེམས་པའི་ལག་པ་གཡོན་པ་ཡིས། །པདྨོ་དཀར་པོ་ཅི་བདེར་བཟུང་། །འཁོར་ལོའི་ཕྱག་རྒྱ་བཅིངས་ནས་ནི། །ཆོས་ཀྱི་འཁོར་ལོ་རབ་ཏུ་བསྐོར། །
D366.077.0172b07.01