完整藏文原文 · 德格版页 当前仅加载第 77 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་བླ་ན་མེད། །སངས་རྒྱས་དམ་པ་ཀུན་གྱི་མཆོག །སངས་རྒྱས་ཀུན་གྱི་བརྡ་ཡིས་བཤད། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་བདེ་བའི་མཆོག །སངས་རྒྱས་ཐམས་ཅད་མཉམ་སྦྱོར་བ། །སྦྱོར་བའི་དབང་ཕྱུག་བདེ་
D366.077.0185b01.01ཆེན་པོ། །ཁྲག་ནི་མེ་ཏོག་ཡིན་པར་བཤད། །མདངས་ནི་བདུག་པ་ཡིན་པར་བཤད། །ཤ་ཆེན་དག་ནི་མར་མེ་སྟེ། །ཐལ་མོ་དག་ནི་སྤོས་སུ་བཤད། །ཆང་ནི་སྒེག་མོ་ཡིན་པར་བཤད། །རབ་ཏུ་མྱོས་པ་སྦྲང་རྩིའོ། །བུ་རམ་ཆང་ནི་མྱོས་བྱེད་གསུངས། །རྒུན་ཆང་དག་ནི་བདུད་
D366.077.0185b02.01རྩི་ཡིན། །བདུད་རྩི་ལམ་གྱི་ཡན་ལག་བརྒྱད། །སངས་རྒྱས་ཀུན་གྱི་བརྡ་ཡིན་ནོ། །རྒུན་དང་སྦྲང་རྩི་མཆོག་ཏུ་དཔའ། །ཚྭ་ནི་འདོད་ཆགས་སྲ་བ་ཡིན། །སྐྱུར་པོའི་ཁུ་བ་གཡོན་ཅན་ཡིན། །ཀམྦྷི་ལ་ནི་བྲན་མོར་བཤད། །ཆུར་བ་ཟླ་བ་ཉ་བ་ཡིན། །ཤ་ནི་སྨན་གྱི་མཆོག་
D366.077.0185b03.01ཡིན་ཏེ། །དབང་ཕྱུག་དམ་པ་ཀུན་གྱི་མཆོག །སངས་རྒྱས་ཀུན་གྱི་བརྡ་ཡིས་བཤད། །དངོས་གྲུབ་ཆེན་པོ་ཀུན་གྱི་མཆོག །ཆང་ནི་ར་ས་ཡ་ནར་བཤད། །ཟས་ནི་ཚེ་ཞེས་བྱ་བར་བཤད། །བཟའ་བ་སྣ་ཚོགས་གྲུབ་པ་ནི། །ཤ་དང་ཆང་དུ་ལྡན་པ་དག །དགའ་བའི་ལོངས་
D366.077.0185b04.01སྤྱོད་སྐལ་བཟང་པོ། །ཚེ་ཡི་དམ་པ་ཡིན་པར་བཤད། །ཨ་མྲ་རྒུན་འབྲུམ་པ་ན་ས། །ན་ལི་ཀེ་ར་ཨ་རུ་ཀ །འབྲས་བུ་ཆེན་པོའི་ཁྱད་པར་དག །བདུད་རྩིའི་འབྲས་བུ་ཡིན་པར་བཤད། །ཨ་མྲ་སྨིན་པ་གྲོལ་བར་བཤད། །དེ་བཞིན་བདེ་བར་ཉལ་བ་དང་། །བདེ་བས་རབ་
D366.077.0185b05.01ཏུ་རྨོངས་པ་དག །སངས་རྒྱས་ཀུན་གྱི་བརྡ་ཡིན་ནོ། །འབྲས་བུ་ཆེན་པོ་པ་ན་ས། །རྒུན་འབྲུའི་ཁུ་བ་ཁུ་བའི་མཆོག །ན་ལི་ཀེ་རའི་དངོས་གྲུབ་ཆེ། །དམ་ཆོས་འབྲས་བུ་ཨ་རུ་ཀ །གླུ་ཡི་ཚིག་ཏུ་བརྗོད་པར་བཤད། །དར་དིར་དག་ནི་སིལ་སྙན་ཡིན། །སངས་
D366.077.0185b06.01རྒྱས་བརྡ་ཡི་ཕྱག་རྒྱ་ཡིས། །གར་ནི་རྣམ་པར་རོལ་པར་བཤད། །རྡོ་རྗེ་སེམས་དཔའ་དཔལ་སྦྱོར་བའི། །གླུ་དང་སིལ་སྙན་གར་བྱེད་པ། །བརྡ་ཡི་དམ་པར་བཤད་པ་ནི། །སངས་རྒྱས་ཀུན་གྱི་རྣམ་སྤྲུལ་པའོ། །རབ་ཏུ་ཞི་བའི་སིལ་སྙན་གླུ། །དུར་ཁྲོད་གླུ་དང་སིལ་སྙན་
D366.077.0185b07.01