完整藏文原文 · 德格版页 当前仅加载第 77 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
བཏེག་ནས་སུ། །དཔྲལ་བར་ལེགས་པར་གཞག་ན་ནི། །ཁམས་གསུམ་བདག་པོ་རྒྱལ་བ་དག །མ་ལུས་ལུས་པ་མེད་པར་འགྲུབ། །དཔལ་རྡོ་རྗེ་རིན་ཆེན་གྱི་ཕྱག་རྒྱའོ། །ལག་པ་ཤིན་ཏུ་བརྐྱང་བ་ཡི། །མཛུབ་མོ་གཉིས་པའི་མདུད་པར་བཅིང་། །གུང་མོ་མཐེ་བོའི་རྩེ་མོ་ཅན། །
D366.077.0181b01.01རྡོ་རྗེའི་ཕྱག་རྒྱ་ཡོངས་སུ་བསྒྱུར། །ཡོངས་སུ་བསྒྱུར་ཏེ་བཏེག་ནས་ཀྱང་། །ཁྲོ་གཉེར་དུ་ནི་ལེགས་བཞག་ན། །རྒྱལ་སྲིད་ཐམས་ཅད་ལེགས་འགྲུབ་པ། །མ་ལུས་ལུས་པ་མེད་པར་འགྲུབ། །འདི་ཡིས་བསྲུང་བ་བྱས་ན་ནི། །རྡོ་རྗེ་ལས་ཀྱི་དཔལ་དང་འདྲ། །རྣལ་འབྱོར་དབང་ཕྱུག་རབ་
D366.077.0181b02.01བསྒྲུབས་པ། །མ་ལུས་ལུས་པ་མེད་པར་འགྱུར། །མ་མོ་དང་ནི་བྱད་མ་དང་། །མཁའ་འགྲོ་མ་ཡང་ལྷག་པར་འགྲུབ། །དུར་ཁྲོད་དངོས་གྲུབ་ཐམས་ཅད་དང་། །ལས་རྣམས་ཐམས་ཅད་བྱེད་པར་འགྱུར། །དཔལ་རྡོ་རྗེ་ཧེ་རུ་ཀའི་ཕྱག་རྒྱའོ། །མཐེ་བོ་དཔའ་བོའི་སྐྱིལ་མོ་ཀྲུང་། །
D366.077.0181b03.01མཛུབ་མོ་གཉིས་ཀྱི་རྩེ་མོ་དགུག །གུང་མོ་གཉིས་ནི་མཉམ་པར་སྦྱར། །ལྷག་མ་རྡོ་རྗེ་ཐལ་མོའི་འོད། །རྡོ་རྗེ་རིན་ཆེན་ཕྱག་རྒྱ་འདི། །རང་བྱུང་རྣམས་ཀྱི་དབང་བསྐུར་བའོ། །འཇིག་རྟེན་དབང་པོ་དམ་པ་ཀུན། །མ་ལུས་ལུས་པ་མེད་པར་འགྲུབ། །འདི་ཡིས་བསྲུང་བ་བྱས་
D366.077.0181b04.01ན་ནི། །རྣམ་པར་སྣང་མཛད་དཔལ་དང་འདྲ། །སངས་རྒྱས་ཀུན་གྱི་ཚེ་འགྲུབ་པ། །མ་ལུས་ལུས་པ་མེད་པར་འགྲུབ། །ཚེ་དང་ཡེ་ཤེས་དཔག་ཏུ་མེད་པ་རྣམ་པར་ངེས་པ་ཞེས་བྱ་བའི་ཕྱག་རྒྱའོ། །རྡོ་རྗེ་ཐལ་མོ་མཉམ་སྦྱར་ལ། །མཛུབ་མོ་བསྙམས་ཏེ་ཕྱི་རོལ་དགུག །
D366.077.0181b05.01མཐེ་བོ་གཉིས་ནི་རབ་ཏུ་བརྐྱང་། །རྡོ་རྗེ་ནོར་བུ་ཞེས་ཀྱང་བྱ། །དཔྲལ་བར་མྱུར་དུ་བཞག་པ་ནི། །བསམ་པ་ཐམས་ཅད་ཡོངས་རྫོགས་ཤིང་། །རྒྱལ་སྲིད་ཐམས་ཅད་རབ་སྒྲུབ་པ། །མ་ལུས་ལུས་པ་མེད་པར་འགྲུབ། །དཔལ་ནོར་བུ་རིན་པོ་ཆེ་དབང་བསྐུར་བའི་ཕྱག་རྒྱའོ། །སངས་
D366.077.0181b06.01རྒྱས་རིན་ཆེན་པདྨོ་དང་། །དེ་བཞིན་རྡོ་རྗེ་རིན་ཆེན་དང་། །ཡིད་བཞིན་ནོར་བུ་རིན་ཆེན་མཆོག །རྟ་མཆོག་རབ་ཏུ་འགྲུབ་པར་འགྱུར། །ཕྱག་རྒྱས་རབ་ཏུ་དབང་བསྐུར་བའི་ཕྱག་རྒྱ་ཤེས་པའོ། །སོར་མོ་ཕན་ཚུན་བསྣོལ་བ་ནི། །རྡོ་རྗེ་ཐལ་མོ་ཡིན་པར་བཤད། །སོར་མོ་
D366.077.0181b07.01