完整藏文原文 · 德格版页 当前仅加载第 77 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིས་བསྟན། །བརྡ་ཡི་ཕྱག་རྒྱ་འདི་རྣམས་ཀྱིས། །དཀྱིལ་འཁོར་སྦྱོར་བས་ངེས་པ་ནི། །གྲོགས་པོ་མཁས་པར་བཅས་པ་ཡིས། །དངོས་གྲུབ་ཐམས་ཅད་འགྲུབ་པར་འགྱུར། །བརྡ་ཡི་ཕྱག་རྒྱ་ཤེས་པའོ། །རྗེས་སུ་ཆགས་པར་བྱའོ་ཞེས། །ཆ་ལུགས་ཤེས་པ་བཞིན་
D366.077.0187b01.01བྱེད་ཅིང་། །དངོས་གྲུབ་ཀུན་ལ་རྗེས་ཆགས་པ། །མི་འགྱུར་དམ་པ་འགྲུབ་པར་འགྱུར། །ཀུན་ཏུ་ཀུན་ནས་ཐམས་ཅད་ནི། །བདག་ཉིད་རྟག་ཏུ་རྣམ་པ་ཀུན། །ལས་ཀྱི་དངོས་གྲུབ་རབ་འབྱམ་དག །མ་ལུས་པར་ནི་མྱུར་དུ་འགྲུབ། །རྗེས་སུ་ཆུད་པར་བྱའོ་ཞེས། །ཆ་ལུགས་
D366.077.0187b02.01ཤེས་པ་བཞིན་བྱེད་པས། །སྐུ་གསུང་ཐུགས་ཀྱི་རྡོ་རྗེ་མཆོག །ཆོ་འཕྲུལ་དག་ནི་སྟོན་པར་བྱེད། །རྗེས་སུ་ཆུད་པར་བྱའོ་ཞེས། །ཆ་ལུགས་ཤེས་པ་བཞིན་བྱེད་པས། །མཁའ་འགྲོ་སྒྱུ་མ་བདེ་བའི་མཆོག །མ་ལུས་ལུས་པ་མེད་པར་འགྲུབ། །རྗེས་སུ་སྦྱང་བར་བྱའོ་ཞེས། །
D366.077.0187b03.01ཆ་ལུགས་ཤེས་པ་བཞིན་བྱེད་པས། །སྒྲིབ་སྦྱང་ཐམས་ཅད་དངོས་གྲུབ་རྣམས། །མ་ལུས་ལུས་པ་མེད་པར་འགྲུབ། །རྗེས་སུ་ཡི་རང་བྱའོ་ཞེས། །ཆ་ལུགས་ཤེས་པ་བཞིན་བྱེད་པས། །བུད་མེད་ལ་སོགས་རིན་ཆེན་མཆོག །མཆོད་པའི་ལས་ཀུན་མྱུར་དུ་འགྲུབ། །རྗེས་
D366.077.0187b04.01སུ་གཞོམ་པར་བྱའོ་ཞེས། །ཆ་ལུགས་ཤེས་པ་བཞིན་བྱེད་པས། །རྟུལ་ཕོད་ལས་རྣམས་ཐམས་ཅད་ནི། །མ་ལུས་ལུས་པ་མེད་པར་འགྲུབ། །ཡེ་ཤེས་ཀྱི་ཕྱག་རྒྱ་ཤེས་པའོ། །རྡོ་རྗེ་སེམས་དཔའ་དཔལ་སྦྱོར་བ། །དབྱིབས་དང་གཟུགས་ནི་ཅི་འདྲར་ལྡན། །ཐམས་ཅད་
D366.077.0187b05.01བདག་ཉིད་རྒྱར་སྦྱོར་བས། །མི་འགྱུར་དམ་པ་འགྲུབ་པར་འགྱུར། །ཀུན་ཏུ་ཀུན་ནས་ཐམས་ཅད་ནི། །བདག་ཉིད་རྟག་ཏུ་རྣམ་པ་ཀུན། །པྲ་སེ་ན་ཡི་དངོས་གྲུབ་མཆོག །མ་ལུས་ལུས་པ་མེད་པར་འགྲུབ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་
D366.077.0187b06.01མཆོག་གིས། །ཡང་དག་བདེན་པ་ཚུལ་བཞིན་དུ། །མཐོང་བ་དང་ནི་ཐོས་པར་བྱེད། །ས་ཆུ་མེ་རླུང་ནམ་མཁའ་དང་། །ཁམས་རྣམས་ཀུན་ནི་ཐམས་ཅད་ལས། །ཐམས་ཅད་མཐོང་ཞིང་ཐོས་པར་བྱེད། །རྣམ་པར་ཤེས་པ་ཀུན་འགྲུབ་ཅིང་། །ཀུན་ཏུ་ཐམས་ཅད་ཀུན་གྱི་བདག །
D366.077.0187b07.01