完整藏文原文 · 德格版页 当前仅加载第 77 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
ཐད་ཀ་དེ་བཞིན་གྱེན་དུ་འདེབས། །འདི་དག་བཟློག་པའི་ཕྱག་རྒྱ་སྟེ། །གནས་གསུམ་དག་ནི་བཟློག་པར་བྱ། །ངེས་པར་བཟློག་པ་ཐམས་ཅད་ཀྱི་ཕྱག་རྒྱའོ། །ཐམས་ཅད་འདེབས་དང་ངེས་པར་འདེབས། །ཀུན་འདེབས་གྱེན་དུ་འདེབས་པའི་གར། །འདི་དག་
D366.077.0191a01.01འཕྲོག་པའི་ཕྱག་རྒྱ་སྟེ། །གནས་གསུམ་དག་ཀྱང་འཕྲོག་པར་བྱེད། །འཕྲོག་པ་ཐམས་ཅད་ཀྱི་ཕྱག་རྒྱའོ། །ཀུན་ཏུ་ཀུན་ནས་ཐམས་ཅད་ཀྱི། །རྟག་ཏུ་བདག་ཉིད་རྣམ་པ་ཀུན། །མདའ་གཞུའི་དཔྱད་ཀྱི་ཕྱག་རྒྱའི་མཆོག །མི་འགྱུར་དམ་པ་འགྲུབ་པར་འགྱུར། །དགྲ་ཆ་
D366.077.0191a02.01ཐམས་ཅད་ཀྱི་ཕྱག་རྒྱ་ཤེས་པའོ། །སྲིན་ལག་གཉིས་ཀྱི་ནང་དུ་ནི། །མཐེ་བོ་ལེགས་པར་གཞག་པར་བྱ། །དེ་ནས་ཁུ་ཚུར་བཅངས་ནས་ནི། །མཛུབ་མོ་ལེགས་པར་དགུག་པར་བྱ། །རྡོ་རྗེ་ཁུ་ཚུར་དཔལ་གྱི་རྒྱ། །རྡོ་རྗེ་སེམས་དཔའ་དཔལ་ལ་གནས། །ལས་ཀྱི་དངོས་གྲུབ་
D366.077.0191a03.01རབ་འབྱམ་རྣམས། །མ་ལུས་པར་ནི་མྱུར་དུ་འགྲུབ། །དཔལ་རྡོ་རྗེ་ཁུ་ཚུར་གྱི་ཕྱག་རྒྱའོ། །རྡོ་རྗེ་ཁུ་ཚུར་ལེགས་བཅངས་ལ། །བདག་གིས་མཐེ་བོའི་ནང་དུ་གཞུག །ཞི་བའི་ལས་རྣམས་རབ་གྲུབ་པས། །མ་ལུས་ལུས་པ་མེད་པར་འགྲུབ། །དེ་བཞིན་གཤེགས་པ་ཐམས་ཅད་ཀྱི་
D366.077.0191a04.01ཁུ་ཚུར་རོ། །རྡོ་རྗེ་ཁུ་ཚུར་ལེགས་བཅངས་ལ། །མཐེའུ་ཆུང་གཉིས་ནི་རབ་བརྐྱང་ནས། །མཁའ་འགྲོའི་ལས་རྣམས་ཐམས་ཅད་ནི། །མ་ལུས་ལུས་པ་མེད་པར་འགྲུབ། །དཔལ་རྡོ་རྗེ་ཧེ་རུ་ཀའི་ཁུ་ཚུར་གྱི་ཕྱག་རྒྱའོ། །བརྡེག་པའི་ཁུ་ཚུར་བཅངས་པ་ལས། །མཐེ་བོ་དག་ལ་གུང་
D366.077.0191a05.01མོ་བཞག །དཔལ་པདྨོའི་ཁུ་ཚུར་གྲུབ་པ་སྟེ། །ཐམས་ཅད་དག་པའི་ལས་ལ་སྦྱར། །དཔལ་པདྨོའི་ཁུ་ཚུར་རོ། །ཁུ་ཚུར་རྡོ་རྗེ་རིན་ཆེན་མཆོག །འབེབས་པ་ཐམས་ཅད་ཡོངས་རྫོགས་པ། །རང་དོན་ལས་རྣམས་གྲུབ་པ་ནི། །མ་ལུས་ལུས་པ་མེད་པར་འགྲུབ། །དཔལ་རྡོ་རྗེ་རིན་
D366.077.0191a06.01པོ་ཆེའི་ཁུ་ཚུར་གྱི་ཕྱག་རྒྱའོ། །རྡོ་རྗེ་ཁུ་ཚུར་དཔལ་བཅངས་ལ། །སོར་མོ་ཐམས་ཅད་ཡོངས་སུ་བཟུང་། །རྟུལ་ཕོད་ལས་རྣམས་ཐམས་ཅད་ནི། །མ་ལུས་ལུས་པ་མེད་པར་འགྲུབ། །ལས་ཐམས་ཅད་ཀྱི་ཕྱག་རྒྱ་ཤེས་པའོ། །རྐང་པ་བརྐྱང་དང་གནོན་པ་དང་། །བསྐུམ་ནས་
D366.077.0191a07.01