完整藏文原文 · 德格版页 当前仅加载第 83 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་སྟག་གི་པགས་པ་ཡིས། །སྨད་ནི་ཡོངས་སུ་དཀྲིས་པ་ཡིན། །དེ་སྟེངས་གདན་ནི་རབ་གནས་པ། །གཙོ་བོ་ཉིད་ལ་ཉི་ཟླ་ཡིས། །ཕྲག་པ་ཉིད་ལ་འཁོར་བར་རྒྱུ། །ཚངས་པ་དབང་པོ་ལྷ་ཆེན་གཉིས། །ཞབས་ཀྱིས་ཡོངས་སུ་མནན་པ་
D461.083.0044a01.01ཡིན། །ཤར་གྱི་ལྷ་ཆེན་རྣམ་རྒྱལ་ཉིད། །ཀེང་རུས་སྟེང་ན་བཞུགས་པ་བཞིན། །གཞན་ཡང་དེ་ལྟར་གནས་པ་ཡིན། །ས་བོན་གནས་པ་གང་ཡིན་པ། །སྒྲ་དང་བཅས་པ་ཤེས་པར་བྱ། །དང་པོ་གཙོ་བོ་སྐྱེད་བྱེད་གང་། །ཧཱུྃ་ལས་ངེས་པར་རྫོགས་
D461.083.0044a02.01བྱ་ཞིང་། །གཞན་རྣམས་འདི་ལས་འབྱུང་བར་བསམ། །ཧཱུྃ་མྃ་བྃ་ཨྃ། ཡྃ་བྃ་ཌྃ་བྷྃ། པྲྃ་མྃ་སྃ་ཤྃ། པྲྃ་ཤྃ་རྃ་མྃ། དེ་དག་ལས་བྱུང་སྔགས་པ་ཡིས། །འོད་དང་བཅས་པར་བདེ་གཤེགས་ཀྱི། །ཞལ་ནས་འབྱུང་བར་ཡང་དག་ལྡན། །དེ་ལས་རགས་
D461.083.0044a03.01པ་གང་ཞིག་གི། །འབར་འཕྲོ་ངེས་པར་བསྐྱེད་པར་བྱ། །དང་པོ་ཀུན་ཀྱང་གཅིག་པ་ཡིས། །བྃ་ལས་གྱུར་པ་སྣ་ཚོགས་པ། །ཡང་དག་པར་ནི་སྐྱེད་པར་བྱེད། །དེ་འོག་ཀྃ་ལས་རབ་བསྐྱེད་པས། །སྐམ་པོར་ཡོངས་སུ་བརྟག་པ་ཡིན། །དེ་དག་རབ་རྫོགས་
D461.083.0044a04.01སྔགས་པ་ཡིས། །སྐུ་རུ་ཡོངས་སུ་རྫོགས་བྱས་ལ། །བདག་གིས་རྣལ་འབྱོར་ཡང་དག་འགྲུབ། །དེ་ནས་སྔགས་པ་བློ་ལྡན་པས། །རིགས་སུ་ངེས་པ་གང་ཡིན་པ། །ཐབས་འདི་ལ་ནི་འཇུག་པར་བྱ། །ཀུན་ལ་འཇུག་པར་གྱུར་པ་ཡི། །ཁྱབ་པའི་བདག་པོ་ཆེན་
D461.083.0044a05.01པོ་ནི། །རིགས་ཀྱི་གཙོ་བོས་སྤྱི་ལ་ཁྱབ། །མདུན་ནི་རྡོ་རྗེའི་རིགས་ཡིན་ཏེ། །ལྷ་མིན་ལ་སོགས་ངེས་པར་འཇིག །གཡས་པ་ཉིད་ན་གང་གནས་པ། །རིན་ཆེན་རིགས་སུ་ངེས་པ་སྟེ། །ཤ་ཟ་ལ་སོགས་ངེས་པར་འཇིག །རྒྱབ་ན་གནས་པ་གང་ཡིན་པ། །པདྨའི་
D461.083.0044a06.01རིགས་སུ་ཡང་དག་ལྡན། །ནོར་ལ་སོགས་པ་གང་དགོད་པ། །རེ་བ་བཞིན་དུ་སྐོང་བར་བྱེད། །གཡོན་ན་ངེས་པར་གནས་པ་གང་། །ལས་ཀྱི་རིགས་སུ་ངེས་པ་ལས། །ཀླུ་དང་གནོད་སྦྱིན་ལ་སོགས་པ། །མ་རུངས་པ་རྣམས་ཡོངས་སུ་འཇིག །གཞན་ཡང་ལྷག་
D461.083.0044a07.01