完整藏文原文 · 德格版页 当前仅加载第 83 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
སྔ་དྲོའི་དུས་སུ་ནི། །ཤར་ཕྱོགས་སུ་ནི་ཁ་བལྟས་ལ། །ཞི་བའི་སེམས་ཀྱིས་ཞི་བ་བྱ། །མཆོད་ཡོན་འབྲུ་དང་བཅས་པ་ཡི། །དྲི་ཞིམ་པ་ཡི་ཆུས་བྱུགས་ལ། །རང་གི་ལྷ་ཡི་སྙིང་པོ་བརྗོད། །ལས་ཐམས་ཅད་པའི་ཆུ་དང་ནི། །རྡོ་རྗེ་གནོད་སྦྱིན་སྔགས་ཀྱིས་བསང་། །ལས་
D461.083.0052b01.01རྣམས་ཐམས་ཅད་བུམ་པ་དང་། །མཆོད་ཡོན་གཡོན་དུ་གཞག་པར་བྱ། །བུད་ཤིང་བསྲེག་རྫས་གཡས་སུ་བཞག །དེ་ནས་ཨོཾ་བཛྲ་ཡཀྵ་ཧཱུྃ། །ཞེས་པས་མེ་ནི་སྦར་བ་སྟེ། །རླུང་ཡབ་ཀྱིས་ནི་མེ་སྦར་རོ། །ཨོཾ་ཛྭ་ལ་ཛྭ་ལ་ཧཱུྃ། དེ་ནི་མེ་སྦར་སྙིང་པོ་ཡིན། །དེ་ནས་ཧཱུྃ་
D461.083.0052b02.01གིས་ཐབ་བསྐྱེད་ལ། །དེ་དབུས་རྃ་ལས་གྲུ་གསུམ་མེ། །ཨོཾ་ལས་པདྨ་ལ་གནས་པ། །རྃ་ལས་བྱུང་བའི་མེ་ལྷ་ནི། །སྐུ་མདོག་དཀར་པོ་རྒྱན་དང་ལྡན། །འབར་བའི་ཕྲེང་བས་རབ་ཏུ་བརྒྱན། །གསུས་ཁྱིམ་ཆེ་ལ་ཕྲེང་བ་གཡོན། །གུཎྜེ་འཛིན་པའི་རྡོ་རྗེ་མེ། །
D461.083.0052b03.01རང་ལྷའི་རྣལ་འབྱོར་དང་ལྡན་པས། །ཐུགས་ཀའི་ས་བོན་འོད་ཟེར་གྱིས། །མེ་ལྷ་ཡེ་ཤེས་སེམས་དཔའ་བཀུག །བཀུག་ཅིང་དབང་དུ་བྱ་བའོ། །དེ་ནས་དབང་ནི་བསྐུར་བ་དང་། །སྐུ་གསུང་ཐུགས་བྱིན་བརླབ་པའོ། །དེ་ནས་མཆོད་ཡོན་ཕུལ་ནས་ནི། །མཆོད་
D461.083.0052b04.01པ་ལྔས་ནི་རབ་མཆོད་དོ། །(སྒག་,སྒེག་)མོ་ལ་སོགས་མཆོད་པས་མཆོད། །ཨོཾ་ཨགྣ་ཡེ་ཧ་བྱ་ཀ་བྱ་བ་ཧ་ན་ཡེ་ཧ་བྱ་ཏི་ཡ་ན་ཡེ་སྭཱ་ཧཱ། ཞེས་པས་བསྲེག་རྫས་རྣམས་དབུལ་བྱ། །དེ་ནས་དབུལ་བའི་རིམ་པ་ནི། །འབར་བའི་མེ་ལ་ཡམ་ཤིང་སྟེ། །དེ་ནས་མར་དང་དེ་འོག་
D461.083.0052b05.01ཏིལ། །དེ་ནས་འབྲས་ཆན་ལ་སོགས་པའོ། །དེ་ནས་བསྟོད་དེ་ལས་བཅོལ་ལོ། །དེ་ནས་མེ་ཡི་དབུས་རང་གིས། །ལྷག་པའི་ལྷ་ཉིད་རིམ་པ་བཞིན། །དབང་བསྐུར་བ་དང་བསམ་པར་བྱ། །སྐུ་གསུང་ཐུགས་སུ་བྱིན་གྱིས་བརླབས། །དེ་ཡང་མཆོད་ཡོན་ཞབས་
D461.083.0052b06.01བསིལ་ཕུལ། །མཆོད་པ་རྣམ་པ་ལྔ་དག་དང་། །སྒེག་མོ་ལ་སོགས་པ་རྣམས་དབུལ། །དེ་ནས་ཕྱག་ན་རྡོ་རྗེ་ནི། །གོས་སྔོན་ལྕེ་ལ་ཧཱུྃ་བསམས་ལ། །ཨོཾ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཤཱནྟིཾ་ཀུ་རུ་སྭཱ་ཧཱ། སྔ་མའི་རིམ་པ་བཞིན་དུ་བྱ། །བསྲེག་རྫས་རེ་རེ་ལ་བདུན་བདུན། །
D461.083.0052b07.01