完整藏文原文 · 德格版页 当前仅加载第 83 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་སྦྱིན་གཙོ་ལ་ཕྱག་འཚལ་བསྟོད། །དྲག་པོར་གྱུར་པ་འདུལ་བའི་ཕྱིར། །སྡིགས་མཛུབ་རྩེ་ལ་འོད་བྱུང་བས། །གདུག་པ་ཐམས་ཅད་ཀུན་འདུལ་བ། །ཐོགས་མེད་རྡོ་རྗེ་ཁྱོད་ལ་བསྟོད། །ཕྲིན་ལས་བཅོལ་ཞིང་གཤེགས་སུ་གསོལ། །ཏིང་འཛིན་
D461.083.0054a01.01བསྡུས་ཏེ་ལྟ་བ་གསོ། །རྫས་རྣམས་ཐམས་ཅད་བསྡུས་ནས་ནི། །མེ་ཡི་ལྷ་ལ་དབུལ་ཞིང་བསྟོད། །ཡི་གེ་བརྒྱ་པས་ལྷག་ཆད་བཀང་། །ཏིང་འཛིན་བསྡུས་ཏེ་སྤྱོད་ལམ་བྱ ། །ལག་ན་རྡོ་རྗེ་གོས་སྔོན་པོ་ཅན་རྡོ་རྗེ་མེ་ལྕེའི་རྒྱུད་ལས་སྦྱིན་སྲེག་གི་ཆོ་གའི་ལེའུ་སྟེ་དགུ་
D461.083.0054a02.01པའོ།། །།ལག་ན་རྡོ་རྗེ་གོས་སྔོན་གྱིས། །བཅོམ་ལྡན་མགོན་ལ་འདི་སྐད་གསོལ། །གང་དག་ཀླུ་ཡིས་ཟིན་པ་ལ། །ཐབས་དེ་གང་ལགས་གསུང་དུ་གསོལ། །ཀུན་མཁྱེན་གཙོ་བོས་བཀའ་སྩལ་པ། །ང་ཡི་སྦྱོར་བ་འདི་ཉིད་ལ། །བརྟེན་ནས་ཀླུ་རྣམས་གདུལ་བར་
D461.083.0054a03.01བྱ། །ནུབ་ཕྱོགས་དྲང་པོའི་ས་དག་ལ། །ཟབས་སུ་མི་གང་བརྐོས་བྱས་ལ། །དེ་སྟེངས་སྔར་ནི་བུ་མོ་གང་། །སྟོན་མོ་བཅུ་གཉིས་བྱས་པ་ཡི། །རིགས་ལྡན་ཁ་དོག་སྔོན་པོ་འམ། །རིགས་བཞི་ཡང་དག་ལྡན་པ་ཡིས། །འོ་མས་ཁྲུས་བྱས་ཐིག་ལེ་བྱུག །གོས་དག་
D461.083.0054a04.01དམར་པོ་བསྐོན་བྱས་ལ། །ཆོ་ག་རབ་འབྲིང་ཐ་མ་ཡི། །དབང་སྡུད་ཁ་ལ་མེ་འབར་བའི། །བུ་མོ་ལ་ནི་ཡོངས་སུ་བསྔགས། །རྒྱན་ཆ་ལྔ་ཡིས་རྒྱན་བཏགས་ལ། །རྐང་པ་བརྒྱུད་མར་ལོང་བཏགས་ལ། །ལག་པ་བརྒྱུད་མར་དབང་བསྒྱུར་དུ། །ཡང་དག་གནས་པས་
D461.083.0054a05.01ཕྱག་རྒྱ་བཅས། །ཀླུ་ཡི་མིང་མཚན་གང་ཡིན་པའི། །དངོས་པོ་གང་ལ་རབ་སྦྱར་ནས། །གཙོ་བོ་ཀུན་འབྱུང་མཆོག་ཉིད་ལས། །འཁོར་རྣམས་བརྒྱད་ཀྱིས་ངེས་པར་བསྐོར། །ནུབ་ཏུ་དངོས་པོ་རྟེན་བྱེད་པ། །གྲུ་བཞི་པ་དག་རབ་ཏུ་གདགས། །དེ་ཉིད་ས་རུ་བདག་ཐོབ་སྟེ། །
D461.083.0054a06.01དེ་སྟེང་ཅི་ནུས་སྦྱོར་བ་བསྒྲུབ། །དེ་ཐོབ་རབ་ཏུ་བྲལ་བ་ལས། །དེ་ཡི་ཕྱོགས་སུ་མི་ལྟ་ཞིང་། །དྲག་པོ་ཆེན་པོའི་སྔགས་བཟླས་བྱ། །དེ་ཉིད་བདག་གིས་མཐོང་བ་ལས། །ལེགས་སོ་སྙམ་པའི་ཚིགས་བཅད་བརྗོད། །དེ་ནས་ས་ཕྱོགས་རབ་དབེན་པར། །བདག་གིས་
D461.083.0054a07.01