完整藏文原文 · 德格版页 当前仅加载第 83 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་ཕྲེང་བས་ཡོངས་སུ་བརྒྱན། །རིན་ཆེན་སྣ་ལྔའི་ཕྱེ་མ་དང་། །དྲི་ཡི་ཕྱེ་མ་སྣ་ཚོགས་པ། །ཕུར་མ་བྱས་པས་གདགས་པར་བྱ། །སྲོག་སྙིང་འོ་མས་བྲི་བྱས་ལ། །དེ་ཡི་མིང་རུས་ཁྲག་གིས་བྲི། །འབྲུ་དག་དཀར་པོའི་སྟེང་བཙུགས་པས། །དེ་ཉིད་ལ་ནི་ཆགས་པར་
D461.083.0061b01.01འགྱུར། །དཀྱིལ་འཁོར་ཁྲུ་གང་གྲུ་བཞི་པ། །འཕང་དུ་སོར་གཉིས་ངེས་པ་ལས། །གོང་དུ་བསྟན་པའི་སྦྱོར་བ་ཡིས། །ཡོངས་སུ་བྱུགས་པར་བྱས་པ་ལས། །མཆོད་པ་ལྔ་ཡིས་རབ་མཆོད་ལ། །བདག་ཉིད་སྡོམ་པར་ཡང་དག་གནས། །ཟས་སུ་དཀར་གསུམ་བཟའ་བྱས་ཤིང་། །
D461.083.0061b02.01ཆང་ལ་སོགས་པ་བཏུང་མི་བྱ། །གཏོར་མ་ཆ་གཅིག་བསྙེན་པར་གནས། །ཆ་གཉིས་ཉིན་མཚན་དུས་གཉིས་སུ། །བསམ་པའི་སྦྱོར་བས་ཡོངས་སུ་གཏང་། །དང་པོའི་གཏོར་མ་དེ་ཉིད་ལ། །ཡུངས་ཀར་ཉིད་ཀྱང་བླུགས་བྱས་ལ། །བཟླས་པས་གྲངས་སུ་ཐིམ་པར་བྱ། །དེ་ཡི་མིང་རུས་
D461.083.0061b03.01གང་ཡིན་པས། །སྙིང་པོ་དག་ལ་རེ་རེ་ཞིང་། །ཡང་དག་པ་རུ་མཉེས་པར་བྱ། །རང་གིས་མ་ཉེས་གང་ཡིན་པའི། །ཚིག་བཏོན་པ་ཡིས་དྲག་པོར་བོད། །ཤིན་ཏུ་གདུག་སེམས་རབ་འབར་བས། །དང་པོ་སྙིང་རྗེ་ཆེན་པོ་བསྐྱེད། །འདི་ལ་རྟགས་ཀྱིས་སྦྱོར་བ་དང་། །བརླག་པར་བགྱི་བའི་
D461.083.0061b04.01བསྐུལ་མ་གདབ། །རིང་དུ་འཚོ་ན་སྙིང་རྗེ་སྤང་། །མྱུར་དུ་ཁྱོད་ཀྱིས་བསྒྲལ་དུ་གསོལ། །དེ་དག་ལ་སོགས་ཚིག་དག་གིས། །དེ་ལ་ཚིག་ཀྱང་དྲག་པོར་བརྗོད། །དེ་ནས་གནས་གང་ཡིན་པར་ནི། །དང་པོའི་གཏོར་མ་བརྡབ་པར་བྱ། །དང་པོ་དང་ནི་བར་དག་དང་། །ཐ་མར་ཕྱོགས་སྐྱོང་
D461.083.0061b05.01སྲུངས་མ་ལ། །འོ་དོད་བོད་པས་གཏོར་མ་གཏང་། །སྔགས་རྣམས་བླ་མའི་ལུང་ལས་ནི། །ཡོངས་སུ་ཤེས་པར་བྱ་བ་ནི། །ཨོཾ་བཻ་ཤྲ་པ་ཎཱ་ཡེ་ཧཱུྃ། ཨཱ་མུ་ཏྃ་ཁ་ཏ་བ་ཏས་ས་ག་རུ། དེ་ལས་ཡོངས་སུ་བྱུང་བས་ནི། །ཡང་དག་པ་རུ་ཤེས་པར་བྱ། །མཚན་མོ་མགྱོགས་པ་ཞེས་བྱ་
D461.083.0061b06.01བའི། །སྲོག་ཆགས་གང་དག་ཤི་བ་ཡི། །རུས་པ་ལ་ནི་སྔགས་བཟླས་ལ། །དེ་ཡི་ཁང་རྩར་གཞུག་པར་བྱ། །དེ་ཡིས་ལྟས་ངན་སྣ་ཚོགས་པ། །ཡང་དག་པ་རུ་འབྱུང་བ་ཡིན། །གྲུབ་པའི་རྟགས་སུ་བསྟན་པ་ནི། །སྐྱེས་པ་མདའ་གཞུ་པ་དག་ནི། །ཡང་ཡང་རྨིས་པར་གྱུར་པ་
D461.083.0061b07.01