完整藏文原文 · 德格版页 当前仅加载第 83 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ན་གསུམ་གསུམ་དབུལ་བར་བྱ། །བཟླས་མཐར་སྦྱིན་སྲེག་བྱ་བར་གཅེས། །དེ་ལ་མར་གྱི་སྦྱིན་སྲེག་དབུལ། །ཡང་ན་མ་གྲུགས་ནས་དག་དང་། །ཡུངས་ཀར་མར་དང་སྦྱར་ལ་དབུལ། །སོ་བ་མར་དང་ཡུངས་ཀར་ལ། །སོགས་པས་ལས་ཀྱི་
D461.083.0053a01.01སྒྲིབ་པ་སྦྱང་། །དེ་ཕྱིར་ཉི་ཤུ་རྩ་གཅིག་གམ། །ཡང་ན་བརྒྱ་རྩ་བརྒྱད་དུ་དབུལ། །དེ་ནས་མཆོད་ཡོན་དང་འཐོར་འཐུང་ཕུལ་ལ་བསྟོད་པར་བྱའོ། །ཨོཾ་ཡེ་ཤེས་ཆེན་པོའི་ཁྱད་པར་ལས། །སྤྲུལ་པ་ཕྱག་ན་རྡོ་རྗེ་སྟེ། །མཐོན་མཐིང་སྐུ་འདྲ་འོད་ཟེར་འབར། །བདུད་འདུལ་
D461.083.0053a02.01ཁྲོ་གཏུམ་བརྗིད་པའི་ཞལ། །ཕྱག་གཡས་རྡོ་རྗེ་རྩེ་ལྔ་བསྣམས། །དྲིལ་བུས་གཡོན་གྱི་དཀུར་བརྟེན་འགྱིང་། །སྐུ་ནི་རྒྱན་དང་ན་བཟས་བརྒྱན། །ཕྱག་བརྙན་བྱེ་བའི་ཚོགས་ཀྱིས་བསྐོར། །དེ་ལ་བསྟོད་དེ་ཕྱག་འཚལ་ལོ། །དེ་ནས་ཡང་མེ་ལྷ་སྔ་མ་བཞིན་དུ་མཆོད་ལ་
D461.083.0053a03.01བསྟོད་དོ། །དྲག་པོ་མཎྜལ་གྲུ་གསུམ་ལ། །ཁྲུ་གང་ཚད་ལས་ཕྱེད་བརྐོས་ཏེ། །ལྷོ་ཕྱོགས་ཟུར་བསྟན་གསུམ་ནི་དོར། །བདུད་རྩི་ལ་སོགས་ནག་པོར་བྱ། །དེ་དབུས་རྡོ་རྗེ་སྟེང་སྦངས་ཏེ། །བར་དུ་མེ་རི་རྩེ་མོ་འཕགས། །བུད་ཤིང་གནག་ཅིང་གདུག་པའི་ཤིང་། །ཐབ་ཀྱི་
D461.083.0053a04.01ཚད་ལས་ཟོར་མཐོ་ཙམ། །ཡངས་ཤིང་དེ་མཐུན་བཅུ་གཉིས་ཚད། །མཆོད་རྫས་ནག་པོ་འབའ་ཞིག་གོ། །བསྲེག་རྫས་མར་ནག་རུས་ཁྲག་ཤ། །སྐྱེ་ཚེ་ཤང་ཚེ་ཡུངས་ཀར་དང་། །དེ་ལ་སོགས་པའི་མཐུ་རྫས་དང་། །དེ་རྣམས་རྫས་ལ་གཟུགས་བརྙན་བྱ། །མཆོད་རྫས་
D461.083.0053a05.01གཡས་ལ་བསྲེག་རྫས་གཡོན། །བྱིན་གྱིས་བརླབ་ཅིང་གཞག་པར་བྱ། །དགང་གཟར་བླུགས་གཟར་གཞན་དང་མཐུན། །ཡང་ན་ལག་པ་དག་གིས་བྱ། །དེ་གཉིས་རྡོ་རྗེ་དྲིལ་བུ་ཡང་། །མདུན་ཉིད་དུ་ནི་གཞག་པར་བྱ། །ལས་ཀྱི་བུམ་པས་ཐམས་ཅད་བསང་། །དུས་ནི་
D461.083.0053a06.01ནམ་ཕྱེད་ཉིན་ཕྱེད་བྱ། །ནག་པོ་རྒྱན་གོན་ལྷོ་ཕྱོགས་བལྟ། །གཡོན་བརྐྱང་འདུག་སྟེ་དྲག་ཏུ་བཟླས། །མཆེ་བ་གཙིགས་ཤིང་ཁྲོ་གཉེར་བསྡུས། །དང་པོ་བསྙེན་པ་སྔོན་སོང་བས། །མེ་བྲ་བརྟག་ཅིང་བགེགས་བཟློག་བྱ། །བཟང་ན་དེ་ནི་བྱ་མི་དགོས། །ཐབ་བསང་བྱ་ཞིང་བསྐྱེད་
D461.083.0053a07.01