完整藏文原文 · 德格版页 当前仅加载第 83 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དཔྱད། །བཟང་ངན་ལྟས་རྣམས་ཡོངས་སུ་བཤད། །རིག་པ་ལེགས་པར་སྤངས་པ་ཡིས། །བ་ཡི་ལྕི་བས་རབ་གཏུམས་ལ། །དང་པོར་གཉིས་སུ་ཤེས་པར་བྱ། །རིང་དུ་བྱེ་བྲག་མེད་པ་ཡིས། །བཅོམ་ལྡན་སྔོན་དུ་བཞག་བྱས་ཏེ། །དང་པོར་མཆོད་པས་ཡང་དག་མཆོད། །
D461.083.0064b01.01དམོད་དག་ཡོངས་སུ་བཙུགས་པ་ཡིས། །ཤེས་རབ་བཅུ་གསུམ་བདག་ཉིད་ཅན། །དམར་པོ་གོས་ཀྱིས་བརྒྱན་བྱས་ཏེ། །ཁྲུས་དག་ལེགས་པར་བྱས་པ་དང་། །དྲི་ཡིས་ལེགས་པར་བྱུགས་བྱས་ལ། །དཔྲལ་བར་ཐིག་ལེ་དམར་པོ་གདབ། །མེ་ཏོག་དྲི་ཞིམ་དམར་པོ་
D461.083.0064b02.01ཉིད། །དེ་ཡི་ལག་ཏུ་སྦྱིན་པར་བྱ། །དེ་ཡིས་དེ་ལ་བླང་བར་བྱ། །དེ་ཉིད་དངོས་པོ་གསལ་བྱ་སྟེ། །བཟང་ངན་ལྟས་སུ་ངེས་པར་སྟོན། །སྤྱིར་ན་སྣ་ཚོགས་གདོན་ལ་ནི། །འབར་བ་ཆེན་པོའི་སྔགས་བཟླས་བྱ། །གུ་གུལ་ནག་པོའི་དུད་པ་དག །དེ་ཡི་སྣ་རུ་བདུག་བྱས་ལ། །
D461.083.0064b03.01ཡུངས་ཀར་གུ་གུལ་མེ་ཏོག་དང་། །དེ་ཡི་སྙིང་པོས་བསྲེག་པར་བྱ། །དེ་ཡིས་ནད་པ་གང་ཡིན་པ། །བགེགས་དང་ངེས་པར་བྲལ་བར་འགྱུར། །སྲིན་ལག་ཉིད་ལ་སྐུད་པ་ནི། །སྔོན་པོས་ཡང་དག་བསྡམ་པར་བྱ། །སྤྱི་བོའི་སྐྲ་ལ་སྲད་བུ་གང་། །བཅིངས་པས་སྔགས་
D461.083.0064b04.01ནི་ངེས་པར་བཟླས། །འཁྲུག་པའི་སྡེ་དག་རྒྱལ་འདོད་ན། །ཁམས་གསུམ་རྣམ་རྒྱལ་སྙིང་པོ་ཡིས། །འབུམ་དུ་བཟླས་པས་བསྙེན་པ་བྱ། །དེ་ནས་ཨ་མྲའི་ལོ་མ་ལས། །ཡུང་བས་ཡོངས་སུ་བྲིས་བྱས་ལ། །གི་ཝང་གིས་ནི་རབ་ཏུ་བསྐུ། །ཅོད་པན་སྤྱི་བོར་གཏུམས་
D461.083.0064b05.01བྱས་ལ། །རང་ཉིད་སྐུ་རུ་བསྒོམ་བྱས་ལ། །ལག་པ་གཡས་པས་ཡུངས་ཀར་དང་། །སྐེ་ཚེ་ཐལ་བར་སྦྱར་བྱས་ལ། །སྔགས་བཟླས་སྡིགས་མཛུབ་ཕྱར་བ་ཡིས། །ཡོངས་སུ་བྲིས་བར་སྔ་རྒྱལ་འགྱུར། །རྣལ་འབྱོར་པ་ཡིས་བདག་ཉིད་ལ། །འཆི་བབ་བསླུ་བ་ཡང་
D461.083.0064b06.01དག་བྱ། །བདག་གི་རྒྱུད་ལ་འཆི་ལྟས་ནི། །ཕྱི་ནང་བཅུ་གཉིས་ཡང་དག་ལྡན། །བདག་གི་བྲང་ལ་ཤ་མཚན་དག །དམར་པོ་བྱུང་བར་གྱུར་པ་ན། །སུམ་ཅུ་གཉིས་ཞག་འཆི་འགྱུར་བས། །རིག་པའི་རྒྱལ་པོའི་སྔགས་ཀྱིས་སུ། །ཏིལ་ལ་སྲེག་བླུགས་སྟོང་དུ་ནི།
D461.083.0064b07.01