完整藏文原文 · 德格版页 当前仅加载第 83 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
མདུན་དུ་ངེས་པར་གནས་པ་ལས། །ཆེ་ཆུང་དེ་ཉིད་འབྱོར་པ་ཡིས། །ཡོན་ཉིད་ཁས་དག་ལེན་དུ་གཞུག །ཐལ་མོ་བདག་གིས་བཟུང་བྱས་ལ། །སེམས་བསྐྱེད་ལ་སོགས་རྒྱས་པར་བརྗོད། །སྣང་བ་སྣ་ཚོགས་ངེས་པ་ལས། །རིགས་ནི་རྗེས་སུ་གཟུང་བར་བྱ། །མེ་
D461.083.0049b01.01ཏོག་སྔོན་པོའི་ཕྲེང་བ་ཡིས། །སྔགས་བརྗོད་པས་ནི་བོར་བར་བྱ། །དེ་ལྟར་ལྷ་ཚོགས་རབ་བསྟན་ནས། །བུམ་པའི་ཆུ་ཡིས་སློབ་མ་ལ། །དབང་བསྐུར་སློབ་དཔོན་བདག་ཉིད་ཀྱིས། །བྱིན་པ་བུམ་པའི་དབང་ཡིན་ཏེ། །རགས་པ་རྣམ་པར་དག་པར་འདོད། །དེ་ནས་ཕྱག་རྒྱ་
D461.083.0049b02.01བཅས་པ་ལས། །བྱང་ཆུབ་སེམས་ལྡན་མཉམས་པས། །བདག་དང་གཞན་རྣམས་གང་རུང་བས། །བདེ་བ་མངོན་དུ་རབ་སྦྱར་ནས། །བསམ་པས་ཡང་དག་སྦྱར་བྱས་ཏེ། །ཐབས་དང་ཤེས་རབ་ཕྱག་རྒྱ་ཡིས། །དེ་ཡི་ཁ་རུ་སྦྱིན་པར་བྱ། །དེ་དག་གསང་བའི་དབང་
D461.083.0049b03.01ཡིན་ཏེ། །དེ་འོག་རྣམ་པར་དག་པ་ཡིན། །དེ་ནས་བདག་ཉིད་དངོས་པོ་གང་། །བུ་མོ་མདོག་བཟང་སྔོན་མོ་ལ། །གར་དང་ལྡན་པའི་ཡངས་པས་བསྐྱོད། །ཆོ་གས་ཡང་དག་བཟུང་བྱས་ལ། །ཐབས་གཉིས་རབ་ཏུ་བསྐྱོད་པ་ཡིས། །སྣ་ཚོགས་དངོས་པོ་སྣང་བ་
D461.083.0049b04.01ཡིས། །དེ་འོག་སོར་བཞི་གཞལ་བྱས་ནས། །ཤེས་རབ་གཉིས་ལ་མནན་པ་ཡིས། །བདེ་བ་དཔག་ཏུ་མེད་པ་མྱོང་། །དེ་མྱོང་སྐད་ཅིག་རྫོགས་པ་ཡིས། །དཔེ་ལ་བལྟས་པ་ཡིན་པར་བསྟན། །དེ་ཡིས་ཤེས་རབ་ཡེ་ཤེས་ཀྱི། །དབང་ཉིད་མངོན་པར་རྫོགས་པར་
D461.083.0049b05.01འགྱུར། །དེ་རྫོགས་སེམས་ཉིད་དག་པ་དེ། །བཞི་པ་ཆོས་ཉིད་མངོན་རྟོགས་དབང་། །མེད་པར་མངོན་པར་སྣང་བར་འགྱུར། །དེ་ཡིས་སྤྱི་ལ་ཁྱབ་གནས་ཏེ། །རང་ལ་ཡོད་བཞིན་ངེས་པར་སྤངས། །ཨོཾ་ཨཱ་ཁི་བཱི་ར་ཧཱུྃ། ཨོཾ་ཡ་ཐཱ་ཀུ་ལ་ཏ་ཐཱ་ཨ་ཧྃ། སངས་རྒྱས་ཀུན་
D461.083.0049b06.01གྱི་ཕྱག་བརྙན་འབར། །དེ་ཉིད་དུ་ནི་སློབ་མ་འགྲུབ། །དར་ལ་སོགས་པ་སྔོན་པོ་ཡིས། །སློབ་མ་ཉིད་ལ་དབང་བསྐུར་ལ། །སྔགས་འདི་ཡིས་ནི་བྱིན་རླབས་ལ། །དང་པོ་གཉིས་སྦྱར་དར་བཟུང་ནས། །སྔགས་ཀྱིས་ཡང་དག་བསྐོན་པར་བྱ། །མཁའ་ལྡིང་སྔོན་པོ་འདབ་རྒྱས་
D461.083.0049b07.01