完整藏文原文 · 德格版页 当前仅加载第 87 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བྱས་པ། རྩེ་མོ་མུ་ཏིག་ལས་བྱས་པ། བཀྲ་བ། བལྟ་ན་སྡུག་པ། སྟོབས་དང་ལྡན་པ། གཟི་བརྗིད་དང་ལྡན་པ། དྲི་ཞིམ་པ། ཤིན་ཏུ་ཡིད་དུ་འོང་བ་གསུམ་སྐྱེས་སོ། །སྨྱུག་མའི་མདེའུ་དེ་རྣམས་ཟླ་བ་བཅུ་ལོན་པ་དང་གས་ཏེ། དེ་
D506.087.0296a01.01རྣམས་ཀྱི་དབུས་ནས་ཁྱེའུ་གཟུགས་བཟང་པོ་མཛེས་པ། བལྟ་ན་སྡུག་པ། ཁ་དོག་རྒྱས་པ། མཆོག་དང་ལྡན་པ་གསུམ་བྱུང་ངོ་། །དེ་ནས་ཁྱེའུ་དེ་རྣམས་ཕྱོགས་དེ་ཉིད་དུ་དེའི་དྲུང་ན་སྐྱིལ་མོ་ཀྲུང་བཅས་ཏེ་བསྒོམ་ཞིང་འཁོད་དོ། །ཇི་ཙམ་ན་ཞག་བདུན་ལོན་པའི་ཉིན་མོ་
D506.087.0296a02.01བྱང་ཆུབ་མངོན་པར་རྫོགས་པར་སངས་རྒྱས་ཏེ། གསེར་གྱི་ཁ་དོག་གི་ལུས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྤྲས་པ། འོད་འདོམ་གང་གིས་ཀུན་ནས་སྤྲས་པར་གྱུར་ཏོ། །སྨྱུག་མའི་མདེའུ་དེ་རྣམས་ཀྱང་ཁང་པ་བརྩེགས་མར་
D506.087.0296a03.01གྱུར་ཏོ། །ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པའི་གསང་བའི་གཟུངས་འདི་ཡང་ནམ་མཁའ་ལ་གསེར་གྱི་ཡི་གེར་སྣང་ངོ་། །རྒྱལ་པོ་ཆེན་པོ་བཞི་ཡང་སྟེང་ནས་གདུགས་འཛིན་ཅིང་མེ་ཏོག་གིས་གཏོར་ཏེ། འདི་སྐད་ཅེས་འཇིག་རྟེན་དུ་སངས་
D506.087.0296a04.01རྒྱས་བྱུང་ངོ་ཞེས་དབྱངས་སུ་སྒྲོགས་ཤིང་འདི་ལྟ་སྟེ། ཀླུའི་བདག་པོ་རྒྱལ་པོ་ཆན་པོ་གཙུག་གི་ནོར་བུ་ཞེས་བྱ་བ་དང་། གྲུལ་བུམ་གྱི་བདག་པོ་རྒྱལ་པོ་ཆེན་པོ་ནོར་བུའི་རྡོ་རྗེ་ཞེས་བྱ་བ་དང་། བྲང་འགྲོའི་བདག་པོ་རྒྱལ་པོ་ནོར་བུའི་འོད་ཅེས་བྱ་བ་དང་། གནོད་སྦྱིན་
D506.087.0296a05.01གྱི་བདག་པོ་རྒྱལ་པོ་ཆེན་པོ་ནོར་བུའི་རྡོ་རྗེ་ཞེས་བྱ་བ་འཁོར་གནོད་སྦྱིན་སྟོང་ཕྲག་དུ་མ་དང་། བཅོམ་ལྡན་འདས་དེ་དག་ལ་མཆོད་པ་བྱེད་དོ། །ས་ཕྱོགས་དེ་ཡང་རིན་པོ་ཆེ་སྣ་བདུན་གྱི་རང་བཞིན་དུ་གྱུར་ཏོ། །མེ་ཏོག་གི་ཤིང་ཐམས་ཅད་ཀྱང་རིན་པོ་ཆེའི་རང་བཞིན་དུ་གྱུར་ཏོ། །
D506.087.0296a06.01ལག་ན་རྡོ་རྗེ་དེའི་ཚེ་དེའི་དུས་ཀྱི་ཚེ་དྲང་སྲོང་སྨྱུག་མའི་མདེའུ་རྣམས་ལས་བྱུང་བ་བྱང་ཆུབ་མངོན་པར་རྫོགས་པར་སངས་རྒྱས་པ་གང་ཡིན་པ་དེ་དག་གཞན་ཞིག་ཡིན་སྙམ་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ལག་ན་རྡོ་རྗེ་དེ་དག་ནི་ཁང་པ་བརྩེགས་མའི་མཆོད་རྟེན་གྱི་དེ་བཞིན་གཤེགས་
D506.087.0296a07.01