完整藏文原文 · 德格版页 当前仅加载第 87 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་དང་། རི་རབ་བོ། གདོང་དང་པོ་ནི་ཞི་བའོ། །གདོང་གཡས་པ་ནི་ནག་པོ་ཆེན་པོ་དང་འདྲ་བའོ། །གདོང་གཡོན་པ་ནི་མིའི་སེང་གེའི་དབྱིབས། ཤིང་པ་ལ་ཤའི་ཁ་དོག་ལྟ་བུའོ། །གདོང་གོང་མ་ནི་བཞིན་བསྒྱུར་བ་པདྨའི་སྟན་ལ་སྐྱིལ་མོ་ཀྲུང་ཕྱེད་ཀྱིས་འདུག་པ་བྱའོ། །དེའི་འོག་ཏུ་དུང་
D506.087.0306a01.01ཅན་མ་བྲི་སྟེ། ལག་པ་བརྒྱད་པ་པུས་མོ་བཙུགས་ནས་བཅོམ་ལྡན་འདས་ལ་མཆོད་པའི་ལས་ལ་མངོན་པར་བརྩོན་པ་བྱའོ། །ལག་ན་རྡོ་རྗེའི་འོག་ཏུ་དཔལ་ལྷ་མོ་ཆེན་མོ་པུས་མོ་བཙུགས་ནས་ནོར་བུ་རིན་པོ་ཆེ་སྣ་ཚོགས་ཀྱི་སྣོད་བཅོམ་ལྡན་འདས་དེ་བཞིན་གཤེགས་པ་ལ་དབུལ་བ་བྱའོ། །དཔལ་ལྷ་མོ་
D506.087.0306a02.01ཆེན་མོའི་རྒྱབ་ཏུ་ཕོ་ཉ་མོ་བཞིན་འཛུམ་པ་ལག་པ་བཞི་པ། རྒྱན་སྣ་ཚོགས་ཀྱིས་བརྒྱན་པ། མཚོན་ཆ་སྣ་ཚོགས་འཛིན་པ་བྱའོ། །དུང་ཅན་མའི་རྒྱབ་ཏུ་མེ་ཏོག་སོ་གོས་དཀར་པོ་གྱོན་པ། མེ་ཏོག་ཐོགས་ནས་བཅོམ་ལྡན་འདས་ལ་གྱེན་དུ་བལྟ་བ་བྱའོ། །སངས་རྒྱས་བཅོམ་ལྡན་འདས་ཀྱི་སྤྱན་སྔར་རིན་
D506.087.0306a03.01པོ་ཆེ་སྣ་བདུན་གྱི་ཁ་དོག་ཅན་གྱི་པདྨ་འདབ་མ་བརྒྱད་པ། སྡོང་བུ་ནི་བཻ་ཌཱུརྱ། སྙིང་པོ་ནི་གསེར་ལས་བྱས་པ་བྱའོ། །དེའི་སྟེང་དུ་འཛམ་བུ་ཆུ་བོའི་གསེར་གྱི་འཁོར་ལོ་ཤིན་ཏུ་རྣམ་པར་ཕྱེ་བ་ལྟེ་བ་དང་བཅས་པ། ཀུན་ནས་འབར་བ། ཤིན་ཏུ་རྣམ་པར་བཀྲ་བ་བྲི་བར་བྱའོ། །པདྨ་དེའི་དྲུང་དུ་རྒྱལ་པོ་ཆེན་པོ་
D506.087.0306a04.01བཞི་ཡ་ལད་དང་། གོ་ཆ་དང་ཚེམ་ཚེམ་བགོས་པ། རྒྱན་ཐམས་ཅད་ཀྱིས་བརྒྱན་པ་བྲི་བར་བྱའོ། །པདྨ་དེའི་དྲུང་དུ་རྫིང་བུ་རིན་པོ་ཆེ་སྣ་ཚོགས་ཀྱིས་བརྒྱན་པ་བྱའོ། །རྫིང་དེའི་འགྲམ་དུ་རིག་པ་འཛིན་པ། ལག་པ་ན་པོག་ཕོར་དང་། མེ་ཏོག་གི་མགོ་ལྕོགས་ཐོགས་ལ་ལག་པ་ཅིག་ཤོས་ན་བགྲང་
D506.087.0306a05.01ཕྲེང་ཐོགས་ཏེ། པུས་མོ་བཙུགས་ནས་དེ་བཞིན་གཤེགས་པ་ལ་གྱེན་དུ་བལྟ་བ་བྱའོ། །ཁང་པ་བརྩེགས་མའི་གན་དུ་ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་ལ་སོགས་པ་ནམ་མཁའི་དཀྱིལ་ན་བཅོམ་ལྡན་འདས་ལ་མེ་ཏོག་སྣ་ཚོགས་ཀྱིས་མཆོད་པ་བྱེད་པ་བྱའོ། །དེ་ལ་སོགས་པ་སྐུ་
D506.087.0306a06.01གཟུགས་ཀྱི་ཆོ་ག་རྣམས་བྱའོ། །དེ་ནས་རིག་པ་འཛིན་པས་གོས་དཀར་པོ་བགོས་ཏེ། ཟས་དཀར་གསུམ་ཟབས་ཚེས་བརྒྱད་ནས་ཚེས་{བཅྭ་,བཅོ་}ལྔ་ཉའི་བར་དུ་སྐུ་གཟུགས་ཀྱི་མདུན་དུ་བཟླས་བརྗོད་འབུམ་ཚང་བར་བྱའོ། །དེ་ནས་སྐུ་གཟུགས་འགུལ་ཞིང་བདག་ཉིད་འབར་བར་མཐོང་བར་འགྱུར། སྒྲིབ་པ་
D506.087.0306a07.01