完整藏文原文 · 德格版页 当前仅加载第 87 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་མིག་ཐོབ་པར་འགྱུར། ནོར་བུ་རྣམ་དག་སྤྱོད་པ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར། རིག་འཛིན་ཐམས་ཅད་ཀྱི་འཁོར་ལོས་སྒྱུར་བར་འགྱུར། དེ་བཞིན་གཤེགས་པ་ཐམས་ཅད་མཐོང་བར་འགྱུར། བཟླས་བརྗོད་བྱས་པ་ཙམ་གྱི་མོད་ལ་དམྱལ་བ་དང་། དུད་འགྲོའི་སྐྱེ་གནས་
D506.087.0306b01.01ལས་ཐར་བར་འགྱུར། འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཐམས་ཅད་སྤངས་པར་འགྱུར་རོ། །སེར་སྣའི་དྲི་མ་དང་བྲལ་བར་འགྱུར། བསོད་ནམས་ཐམས་ཅད་དང་ལྡན་པར་འགྱུར། བདེ་བ་ཐམས་ཅད་དང་ལྡན་པར་འགྱུར། དགེ་བའི་རྩ་བ་ཐམས་ཅད་ཡང་
D506.087.0306b02.01དག་པར་གཟུང་བར་འགྱུར། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་དབུགས་འབྱིན་པར་འགྱུར། ལྷ་ཐམས་ཅད་ཀྱིས་ཡང་དག་པར་གཟུང་བར་འགྱུར། གནོད་སྦྱིན་དང་། སྲིན་པོ་དང་། ཡི་
D506.087.0306b03.01དགས་དང་། ཤ་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་ཐམས་ཅད་ཀྱིས་ཀྱང་བསྲུང་བར་འགྱུར། རྒྱལ་པོའི་ཕོ་བྲང་ཐམས་ཅད་དུ་མཆོད་པའི་འོས་སུ་འགྱུར། འཇིག་རྟེན་ཐམས་ཅད་ལ་དབང་བསྐུར་བར་འགྱུར།
D506.087.0306b04.01ཡོན་ཏན་དང་ཕ་རོལ་ཏུ་ཕྱིན་པ་ཐམས་ཅད་ཡོངས་སུ་གཟུང་བར་འགྱུར། དེ་ལ་སོགས་པ་ཡོན་ཏན་གྱི་ཁྱད་པར་ཐོབ་པར་འགྱུར། མཐོང་བ་ཙམ་མམ། བཟླས་བརྗོད་བྱས་པ་ཙམ་མམ། བཀླགས་པ་ཙམ་གྱིས་ཡོན་ཏན་དང་། ཕན་ཡོན་འདི་དག་ཡོངས་སུ་གཟུང་བར་འགྱུར་ན་ཆོ་ག་ལྷག་པར་མང་
D506.087.0306b05.01དུ་བྱེད་པ་ལྟ་སྨོས་ཀྱང་ཅི་དགོས། གང་ཞིག་ཀློག་པར་བྱེད་པ་དང་། འདོན་པར་བྱེད་པ་དང་། བཟླས་བརྗོད་ལ་མངོན་པར་བརྩོན་པར་བྱེད་པ་དང་། སྒྲུབ་པར་བྱེད་པ་དང་། ཕྱག་རྒྱའི་ཚོགས་སྒྲུབ་པར་བྱེད་པ་དང་། རིག་སྔགས་སྒྲུབ་པར་བྱེད་པ་དང་། རས་ཟུང་སྒྲུབ་པར་བྱེད་པའི་སེམས་ཅན་
D506.087.0306b06.01དེ་ནི་དེ་བཞིན་གཤེགས་པ་ཁོ་ནར་བརྗོད་པར་བྱ་སྟེ། མཆོད་པའི་འོས་སུ་འགྱུར། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་ཕྱག་བྱ་བའི་འོས་སུ་འགྱུར་རོ། །སེམས་ཅན་དེ་ནི་དེ་བཞིན་གཤེགས་པ་དང་མཚུངས་པར་བལྟ་བར་བྱ། ཤེས་པར་བྱ། དེ་བཞིན་གཤེགས་
D506.087.0306b07.01