完整藏文原文 · 德格版页 当前仅加载第 99 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་ལ་བརྙས། །དཀྱིལ་འཁོར་བ་ཡི་ལས་བྱས་པ། །སེམས་ཅན་དམྱལ་བ་ཆེན་པོ་སྟེ། །ཚེ་ཐུང་ནད་ཀྱིས་བཏབ་པ་དང་། །འཇིག་རྟེན་འདི་རུ་གནོད་པ་མང་། །ཤི་ནས་དམྱལ་བ་ངན་སོང་སྐྱེ། །དེ་བས་སྡོམ་པ་འདི་དག་ལས། །འདའ་བར་མཛད་པ་གང་ཡང་མེད། །
D836.099.0008b01.01འདི་ལས་འདས་པར་མི་བྱེད་པས། །ཚེ་འདི་ཉིད་ལ་རྒྱལ་བའི་སྐུ། །ལྷུན་གྱིས་གྲུབ་པའི་ས་ལ་གནས། །ཞེས་དེ་བཞིན་གཤེགས་པ་ཐམས་ཅད་ཉིད་ལ་ཉིད་དམ་ཚིག་ཆེན་པོའི་སྡོམ་པ་འདིས་ཤིན་ཏུ་བསྙེངས་པར་མཛད་དོ། །དེ་བཞིན་གཤེགས་པ་ཐམས་
D836.099.0008b02.01ཅད་ཀྱི་གསང་བའི་བདེ་བ་སྡོམ་པ་ཐམས་ཅད་ཀྱི་མཆོག་གི་ལེའུ་ཞེས་བྱ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀུན་དུ་བཟང་པོ་ཆེན་པོ་རྣལ་འབྱོར་མ་དང་བཅས་པ་དགོངས་པ་གཅིག་ཏུ་གནས་པར་མཛད་དོ། །རྣལ་འབྱོར་གྱི་དབང་ཕྱུག་ཆེན་པོ་སྤྱད་པ་མཆོག་
D836.099.0008b03.01དང་ལྡན་པའི་སྤྱོད་པ་མ་ལུས་པ་ཉིད་དང་ཟབ་མོའི་དོན་ཡིན་པར་མཁྱེན་ཏོ། །མཁྱེན་ནས་སྒྱུ་འཕྲུལ་ཆེན་མོའི་ཐབས་འདི་གསུངས་སོ། །ཨེ་མ་ཆོས་དབྱིངས་རྣམ་དག་སྤྱོད་ཡུལ་ལས། །སངས་རྒྱས་སེམས་ཅན་གཉིས་སྟོན་ཡ་མཚན་འཕྲུལ་ཆེན་ཡིན། །དེ་ཡང་ཡེ་ཤེས་
D836.099.0008b04.01ཚོགས་ལས་སྣ་ཚོགས་སྣང་མོད་ཀྱི། །བུད་མེད་ཀུན་གྱི་སྒྱུ་མ་ལས་ནི་རབ་ཏུ་སྤྲུལ་ཏེ་འཆར། །བདེན་གཉིས་སོ་སོར་སྣང་བ་ཉིད་ཀྱང་ཡུམ་གྱི་མཁའ་ཞེས་རྒྱལ་བས་གསུངས། །མ་ནོར་ལམ་ཆེན་སྒོམ་ན་ཀུན་དུ་བཟང་མོ་བསྒོམས་པས་ལམ་དུ་ཞུགས་པ་ཡིན། །སངས་
D836.099.0008b05.01རྒྱས་ཀུན་གྱི་དགོངས་པ་ཀུན་ཤེས་རབ་བུད་མེད་ལས་ནི་མཆོད་ཅིང་བསྙེན་པས་ཡེ་ཤེས་ཆེན་པོར་འགྲུབ་བོ། །དཀྱིལ་འཁོར་གདོན་པའི་ལས་ཀྱི་དངོས་གྲུབ་མཆོག་གི་ལ་རྡོ་རྗེ་གླུའི་དོན་དེ་ཉིད་ཀྱིས་གཉིས་སུ་མེད་པའི་དགོངས་པ་ལ་གསལ་བར་གྱུར་ཏེ། དེ་ནས་དེ་བཞིན་གཤེགས་
D836.099.0008b06.01པ་ཐམས་ཅད་ཀྱི་བདག་ཉིད་དཔལ་ཀུན་དུ་བཟང་པོས་ཐབས་དང་ཤེས་རབ་ཀྱི་ལོངས་སྤྱོད་འདི་གསུངས་སོ། །མངོན་སྤྱོད་ལས་ཀྱི་འཇུག་པ་ནི། །ཕན་ཚུན་དུ་ནི་དགའ་སྤྱོད་པ། །རྣལ་འབྱོར་སྡོམ་ལ་གནས་པ་ཡིན། །དེ་ལ་མཆོད་པ་དམ་པ་ནི། །སྦྱོར་བ་རབ་ཏུ་སྦྱོར་བ་སྟེ། །
D836.099.0008b07.01