完整藏文原文 · 德格版页 当前仅加载第 99 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དུ་ཁྱབ་པ་ཀུན་དུ་སྦྱོར། །རྗེས་སུ་ཆགས་པ་དམ་ཚིག་མཆོག །དེ་ཕྱིར་ཀར་ཤམ་མདོག་དང་ལྡན། །བཅུ་དྲུག་བོང་ཚོད་རིང་བ་ལས། །ལུགས་སུ་བླུགས་པ་ལྟ་བུ་སྟེ། །ལུས་ལེགས་མཛེས་དང་ལྡན་པ་དང་། །དཔྲལ་བ་དབྱེས་ཆེ་ཀོས་ཀོ་ཕྲ། །ནུ་མ་ཆུང་
D836.099.0009a01.01ཞིང་སོར་མོ་རིང་། །ཡིད་ཙམ་བཟུར་ལ་མིག་དཀྱུས་རིང་། །དཀར་ཞིང་རྩ་དམར་མདངས་སུ་ཆགས། །སོ་དཀར་ཐགས་{བཟངས་,བཟང་}འཚམས་ཐུང་ཞིང་། །སྐད་སྦོམ་གདངས་དང་ལྡན་པ་ན་པ་ནི། །རྡོ་རྗེ་སེམས་དཔའི་གནས་མཆོག་སྟེ། །འདི་ལ་རྩེ་བར་བྱེད་པ་ནི། །རིགས་ཀྱི་
D836.099.0009a02.01རྡོ་རྗེ་གདོན་མི་ཟ། །ཚེ་འདི་ཉིད་ལ་འགྲུབ་པར་འགྱུར། །གནས་རབ་དབེན་པར་རབ་བརྟག་སྟེ། །ཤ་དཀར་མདངས་ལྡན་མདོག་དང་ལྡན། །ལུས་འབྲིང་ཟླུམ་པ་ཆ་བྱད་ཅན། །སོ་དཀར་ཐགས་དམ་མིག་དཀྱུས་ཟླུམ། །སྐད་ཕྲ་མདོག་དཀར་སྤྲོ་རིང་བ། །དཔྲལ་དབྱེས་ལ་
D836.099.0009a03.01སོགས་བཟང་གནས་པ། །རྨ་དག་གནས་པ་ལ་སོགས་ནི། །རྟག་པར་ཆོས་ལ་འདུད་པ་ཡིན། །ཚངས་པ་དབྱངས་ཀྱི་རིགས་ཅན་ཏེ། །འདི་ལ་བརྩོན་བྱས་བསྒྲུབ་པ་ཡིས། །དེ་བཞིན་རིགས་ཀྱི་ཏིང་འཛིན་ལ། །ཕན་ཚུན་དུ་ནི་དགའ་སྤྱད་ན། །ཚངས་པའི་སྔ་དྲོ་
D836.099.0009a04.01གཅིག་ཙམ་གྱིས། །གདོན་མི་ཟ་བར་འགྲུབ་པར་འགྱུར། །རྣལ་འབྱོར་སྦྱོར་བ་དགའ་བ་ནི། །སྦྱོར་བ་བརྩོན་པས་འགྲུབ་པར་གསུངས། །བུད་མེད་ཆ་ལུགས་ལེགས་པ་ནི། །བོང་ཚོད་མི་རིང་ལུས་ཕྲ་ཞིང་། །རྐང་ལག་ཆུང་ཞིང་སྐད་གསལ་བ། །མིག་ལེགས་ངོ་ཟླུམ་
D836.099.0009a05.01རྩ་དམར་ཆེ། །ལྷུན་དུ་ཆགས་ལ་མི་ཤེས་མེད། །ལུས་ལ་མཚན་གྱི་རྨ་འདྲས་བརྒྱན། །ཚིག་གསལ་རྨི་ལམ་ཉུང་བ་དང་། །སོ་དཀར་མཆུ་ལེགས་དད་པར་ལྡན། །ཆོས་སེམས་པ་ཡི་ཏིང་འཛིན་གྱིས། །གསང་བའི་མཁའ་ལ་ཉི་ཟླའི་འོད། །རྡོ་རྗེ་པདྨར་
D836.099.0009a06.01ལྡན་བྱས་ཏེ། །ཕན་ཚུན་དུ་ནི་དགའ་སྤྱད་ན། །འདོད་ཁམས་ལྷ་ཡི་སྐད་ཅིག་གིས། །འགྲུབ་པར་འགྱུར་བ་གདོན་མི་ཟ། །ལུས་ཟླུམ་བརྟུན་དང་ང་རྒྱལ་བཅས། །ཁོང་ན་ཚིག་རྣོན་སེམས་ལ་འཛིན། །བྱ་བར་དྲན་ལ་མི་གཏོང་ལྡན། །བསླབ་པ་བློ་རྟུལ་ཤ་རུས་
D836.099.0009a07.01