完整藏文原文 · 德格版页 当前仅加载第 99 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲག་འཐུང་ལས་ཀྱི་སྐུ་གསུང་ཐུགས། །དབུ་གསུམ་ཕྱག་དྲུག་ཞབས་བཞིར་བགྲད། །ལྗང་ནག་འཇིགས་པ་ཆེན་པོའི་སྐུ། །ལས་ཀྱི་རྒྱལ་ཅིང་ཁྲོས་མ་དང་། །མ་ཧཱ་སུ་ཁའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་
D836.099.0016a01.01གསུམ་མ་ལུས་རྔུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །སྟོང་ཁམས་རྣམ་པ་མང་པོ་རྣམས། །སྐུ་ཡི་དཀྱིལ་འཁོར་ཆེན་པོར་བསྡུས། །རྡོ་རྗེ་བྷན་བྷར་ལྡན་པ་ཡིས། །ཁྲག་ཆེན་པོ་ཡང་འཁྲུག་ཅིང་གསོལ། །འཇིགས་པ་རི་རལ་པ་གྱེན་དུ་འཁྱིལ། །
D836.099.0016a02.01བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲ་དྲག་པོས་སྲོག་ཆགས་བརྒྱལ། །སྤྱུགས་པས་བསོད་ནམས་ལུས་འཇིག་ཅིང་། །ཡུམ་ཆེན་མོ་དང་མཉམ་པར་སྦྱོར། །རྒྱ་གྲམ་དབྱུག་པ་རྡེའུ་ཆུང་དང་། །ཏྲི་ཤཱུལ་ཞིང་ཆོན་
D836.099.0016a03.01རྒྱུ་ཞགས་འདྲེན། །ཚེམས་རྣོན་སྟི་ར་ཟ་བྱེད་ཆེ། །སྟབས་གླུ་ཕྱག་རྒྱ་སྔགས་ཆིག་གིས། །ཞིང་བཅུ་གསོད་ཅིང་ཚུལ་བཞིན་དུ། །ཕྲིན་ལས་དཀྱིལ་འཁོར་ཉིད་ལ་མཆོད། །ཧ་ཧ་ཧ་ས་ནི་དགྱེས་པར་མཛད། །ཧེ་ཧེ་ཧེ་ས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་
D836.099.0016a04.01ཆར་ཆེན་འབེབས། །ཕཊ་ཕཊ་ཕཊ་ཀྱིས་ཟ་བྱེད་ཆེ། །ཞབས་བཞི་བདུད་བཞི་སྒྲོལ་ཞིང་གནོན། །གཞལ་ཡས་ལྗང་ནག་ཆེན་པོར་ནི། །འཇིག་རྟེན་ཁམས་གསུམ་གྱུར་པ་སྟེ། །ཀླུ་ཆེན་རྒྱལ་པོ་མང་པོ་རྣམས། །ཁྱད་པར་ཆེན་པོའི་སྐུ་ལ་བརྒྱན། །སྲོག་ཆགས་
D836.099.0016a05.01ཆེན་པོའི་པགས་ཆེན་ཡང་། །ཚམ་ངམ་ཆེན་པོའི་ན་བཟར་གསོལ། །ཅིར་ཡང་སྒྱུར་བའི་གཟུགས་ཆེན་པོ། །ཆེའོ་ཆེའོ་དཔལ་ཆེན་པོ། །སངས་རྒྱས་སྐུ་ཡང་ཆེམ་ཆེམ་གསོལ། །སྲོག་ཆགས་གཞན་ལྟ་སྨོས་ཅི་དགོས། །འཇིགས་བྱེད་སྐུ་སྟེ་ཆོ་འཕྲུལ་བ། །
D836.099.0016a06.01དྲག་ཤུལ་གསུང་གི་ང་རོ་ཡིས། །གསོད་ཅིང་འཐུང་བའི་ཚོགས་ཆེན་པོ། །སྙིང་རྗེ་མངན་སེམས་ཁྲག་ཆེན་དང་། །གསོད་ཅིང་སྦྱོར་བའི་མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཁྲག་འཐུང་འབར་བ་མ་གཏོགས་པར། །གཅིག་ཀྱང་གསོན་པར་
D836.099.0016a07.01