完整藏文原文 · 德格版页 当前仅加载第 99 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་རྣལ་འབྱོར་ཆེན་མོས་རབ་ཏུ་བརྩོན་པ་མཛད། རབ་ཏུ་བརྩོན་པའི་ཡིད་ཀྱིས་སྤྲོད་པ་དང་འཁྱུད་པ་དང་གྱད་ཀྱི་དགྱེས་པ་དང་མགུ་བ་བླ་ན་མེད་པས་ཕན་ཚུན་དུ་དགའ་བ་སྤྱད་དོ། །དེ་ནས་དེ་བཞིན་ཉིད་ཀྱི་དབྱིངས་ནས་སྐུ་དང་གསུང་དང་
D836.099.0010a01.01ཐུགས་རྡོ་རྗེ་ལས་འདི་གསུངས་སོ། །ཨོྃ་ཧཱུྃ་ཡེ་ཤེས་རྣལ་འབྱོར་མཆོག་ལྡན་པས། །སྐལ་བཟང་མཆོག་གི་དངོས་གྲུབ་སྩོལ། །རབ་ཏུ་རྨོངས་པ་བསལ་ཕྱིར་འགོག་པ་ཀུན་སློང་བ། །རྣལ་འབྱོར་བ་དེ་མཆོག་གཉིས་སུ་མེད་པ་འདི་དག་ཤིན་ཏུ་ངོ་མཚར་ཆེ། །རིན་
D836.099.0010a02.01ཆེན་ཡིད་བཞིན་གཟུངས་ནི་ཀུན་གྱི་དབང་ལྡན་པ། །ཚངས་མའི་མདངས་ལྡན་གཟུངས་མ་དྲངས་ཏེ་དེ་བརྩོན་པས། །གྲུབ་པར་འགྱུར་བ་འདི་ལ་དགའ་སྤྱོད་ཨ་ལ་ལ། །ཤིན་ཏུ་སྲིད་པ་འདི་དག་བཞིན་དུ་སྤྱད་པས་འགྲུབ་པར་གསུངས་པས་ས་ལ་གནས་པས་ཀུན་པས་
D836.099.0010a03.01འཕགས། །རྒྱལ་བ་ཀུན་གྱི་ནང་ན་ཀུན་དུ་བཟང་པོ་རྒྱལ་བ་ཀུན་པས་འཕགས། །དེ་ཡང་ཀུན་དུ་བཟང་མོ་ཡིན་ཞེས་སྔོན་གྱི་རྒྱལ་བ་ཀུན་གྱིས་གསུངས། །མཚན་མ་ཀུན་བྲལ་རབ་ཏུ་དགའ་སྦྱོར་མི་གཏོང་བས། །སེམས་དཔའ་རྡོ་རྗེ་ཉིད་ཀྱང་དེ་ཡིན་རྒྱལ་བ་ཀུན་གྱིས་གསུངས། །
D836.099.0010a04.01ཚངས་པ་མཆོག་གི་གླུ་འདི་དག །བརྩོན་པར་བྱེད་ཅིང་ལེན་པ་ནི། །དཀའ་ཐུབ་རྣལ་འབྱོར་ཏིང་འཛིན་ཏེ། །ཚངས་པ་མཆོག་གི་དྲོ་གཅིག་གིས། །གདོན་མི་ཟ་བར་འགྲུབ་པར་གསུངས། །ཞེས་བརྗོད་དོ། །དེ་བཞིན་གཤེགས་པ་ཐམས་ཅད་རབ་ཏུ་བརྩོན་པ་ཆེན་
D836.099.0010a05.01པོས་གཅིག་གི་རང་བཞིན་དུ་གྱུར་པར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་ཞེས་བྱ་བའི་ལེའུ་སྟེ་དྲུག་པའོ།། །།དེ་ནས་དུས་གསུམ་གྱི་སྟོན་པ་ཐམས་ཅད་བདེ་བར་གཤེགས་པའི་རང་བཞིན་ཏེ་རབ་ཏུ་མཆོད་པ་ཆེན་པོས་
D836.099.0010a06.01མཉེས་ཤིང་མ་རིག་པ་བརྒྱད་ཁྲི་བཞི་སྟོང་འདུལ་བར་མཁྱེན་ཏོ། །མཁྱེན་ནས་མ་རིག་པ་གྲོལ་བར་མཛད་པ་དང་ཞེ་སྡང་རྣམ་པར་གྲོལ་བར་དགྱེས་ཏེ། དེ་དག་མཉམ་པ་ཆེན་པོའི་རང་བཞིན་གྱིས་འདུལ་བའི་ཐབས་སུ་སྒྲོལ་བ་དང་། དབང་གི་རིགས་ཀྱི་སྦྱོར་
D836.099.0010a07.01