完整藏文原文 · 德格版页 当前仅加载第 99 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
འཕྲོག་པར་བྱེད་མ་དང་། རབ་ཏུ་གཅིག་ཏུ་ཟབ་མོ་དང་། རྡོ་རྗེ་སྲིན་མོའི་ཆ་བྱད་ཆེན་མོ་དང་། སྔོ་གནག་ཆེན་མོ་དང་། ལྗང་ནག་ཆེན་མོ་དང་། བེ་ཅོན་ཆེན་མོ་དང་། ཞི་བ་བུམ་སྣ་ཆེན་མོ་དང་། ལས་ལ་གྲུབ་པ་མོ་དང་། བཀའ་ཉན་པར་བྱེད་མ་དང་། ཚམ་ངམ་གྱི་
D836.099.0033b01.01གཟུགས་དང་། དྲག་ཤུལ་མ་དང་། ཉུལ་བ་མོར་ཚུལ་སྟོན་མ་དེ་དག་ལ་སོགས་པ་མ་དང་སྲིང་མོ་བུ་མོ་རྣམས་རབ་ཏུ་གུས་པར་བཀའ་ཉན་ཏེ། རྡོ་རྗེ་བྲན་མོར་བཀའ་ཉན་ཏེ། །རྡོ་རྗེ་བྲན་མོར་དམ་བླངས་ནས། །ཅི་འདོད་ལས་རྣམས་བདག་ཅག་བགྱིད། །ཅེས་མནའ་
D836.099.0033b02.01བོར་ཏེ་འཇིགས་པའི་གཟུགས་དང་། མཚོན་ཆ་དང་། གནས་པའི་གཞིར་བཅས་ཏེ་ཕྱིའི་སྣམ་བུ་ལ་གནས་པའི་ལས་བྱེད་པར་གནས་སོ། །དེ་དག་གི་དཀྱིལ་འཁོར་བསྒྲུབ་པ་བཤད་དེ། དཀྱིལ་འཁོར་ཕྱི་རོལ་གྲུ་བཞིར་བཅས། །དབུས་སུ་ཟླ་གམ་རཀྟར་བཅས། །
D836.099.0033b03.01བཱ་སུ་ཏྭཱ་ཡི་མཎྜ་ལ། །དྲི་ཆུ་རཀྟའི་ཚོམ་བུར་བྲི། །ཧྲཱིཿལས་དབུས་སུ་{བཅྭ་,བཅོ་}བརྒྱད་གཟུགས། །ཡང་ན་དབུ་གསུམ་ཕྱག་དྲུག་པ། །ཐོད་པ་བྷན་དྷ་དམར་ཆེན་བཀང་། །བརྒྱད་དམ་ཉི་ཤུ་དགུ་རུ་ལྡན། །ཡང་ན་ལྔ་དང་ལྡན་པ་ལ། །ལྔ་པའི་ཡི་གེས་བྱིན་གྱིས་བརླབ། །
D836.099.0033b04.01ཟད་འཕྲོ་ཕུད་དང་ལྡན་པ་ལ། །ཨུཙྪུཥྚ་ཡི་སྔགས་ཀྱིས་བཟླས། །ཐོད་པ་དམར་བླུགས་བཏུང་བྱ་ཞིང་། །མིང་ངམ་བྷྱོ་འམ་རུ་ལུ་ཡིས། །མངོན་སུམ་ཕྱིན་པར་བོས་ནས་ནི། །ཁ་ནས་རཀྟས་རབ་གཏོར་ཏེ། །ཧེ་རུ་ཀ་ཡི་ལས་རྣམས་ཀུན། །གོང་ནས་འབྱུང་བའི་ལས་
D836.099.0033b05.01བཞིན་བྱ། །སྒེག་མོ་ན་ཆུང་དེ་དག་ལ། །དབང་གི་ཆགས་པས་འདོད་སྤྱད་དེ། །ཏ་མ་ལ་ཡི་ཕུར་བུས་གདབ། །ཅི་འདོད་ལས་རྣམས་གྲུབ་པར་སྦྱིན། །ཆགས་དང་གསོད་དང་རྒྱགས་པ་ཆེ། །མཉམ་པ་ཉིད་ཀྱི་ཏིང་འཛིན་གྱིས། །ཙཽ་ར་ཀ་རའི་འཁོར་རྣམས་ཀྱང་། །བཞི་
D836.099.0033b06.01ཡི་ལས་ལ་འཇུག་པར་ནི། །མིང་ཙམ་འཛིན་པའི་རྣལ་འབྱོར་པས། །བསྐུལ་ན་རྩེ་གཅིག་ལས་རྣམས་འགྲུབ། །དེ་ནས་ཀུན་དུ་བཟང་མོ་ཆེན་མོས་མིང་ཙམ་དུ་ཆོས་ཐམས་ཅད་གནས་པར་མཁྱེན་ཏོ། །གསང་བ་སྒྱུ་འཕྲུལ་ཆེན་པོ་འདི་བསྡུ་བ་ཆེན་པོ་མཛད་དོ། །
D836.099.0033b07.01