完整藏文原文 · 德格版页 当前仅加载第 99 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
སྤུན་དང་གཟུངས་མ་ཡིས། །རྒྱལ་བའི་རྒྱལ་བ་ཡིན་ཞེས་བརྗོད། །དུས་གསུམ་ཀུན་གྱི་སྲས་ཆེན་པོ། །དུས་གསུམ་ཀུན་གྱི་སྤྱད་པ་སྤྱོད། །ཁམས་གསུམ་ཀུན་གྱི་སྒྲོལ་བ་བོ། །སྒྲོལ་བ་མཆོག་གི་སྤྱད་པ་སྤྱོད། །ཤིན་ཏུ་རྣལ་འབྱོར་སྐལ་ལྡན་པ། །དམ་ཚིག་སྡོམ་ལ་
D836.099.0011b01.01གནས་པ་དང་། །མཚན་མ་མེད་པའི་ཆུ་འཐུང་ཞིང་། །ཇི་ལྟར་བསྒོ་བའི་ལས་བྱེད་པ། །ཀུན་ལ་ཕྱད་པར་རབ་གྲགས་ཡིན། །ཕྱི་རབས་འདྲེན་པའི་གདུང་འཛིན་པ། །སྒྱུ་འཕྲུལ་དྲ་བའི་ས་ལ་གནས། །དེ་བཞིན་གཤེགས་པའི་སྐུ་དང་གསུང་དང་ཐུགས་ཀྱི་གསང་བ་དེ་
D836.099.0011b02.01ཁོ་ན་ཉིད་ལས་མཆོད་ཡོན་དམ་པ་དང་སྙིང་རྗེའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་གསང་བ་རྡོ་རྗེ་བཀོད་པའི་རྒྱན་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་གནས་པར་མཛད་དོ། །མཛད་ནས་སྣྲེལ་ཞི་དང་བྱ་བྱེད་ཡན་མན་མང་པོ་མི་
D836.099.0011b03.01འགོག་པ་ལ་སྙོམས་པར་ཞུགས་སོ། །དེ་ནས་ཡང་ལས་ལ་ལྟོས་པ་རང་ཐད་ཀྱི་སྡུག་བསྔལ་རྣམས་མི་གཡོ་བའི་ཏིང་ངེ་འཛིན་གྱིས་འཇོག་པར་མཛད་དོ། །དེ་ནས་ཡང་མུ་སྟེགས་རྟག་པར་ལྟ་བ་ཐེར་ཟུག་པ་ལ་རྟག་པ་ཐེར་ཟུག་གི་ཆ་ལུགས་ཀྱིས་འདུལ་བར་མཛད་དོ། །ཆད་པ་
D836.099.0011b04.01ཕྱིས་མི་འདོད་ཅེས་བྱ་བ་ལ་ཆ་ལུགས་དེས་མཉམ་པ་ལ་འཛུད་པར་མཛད་དོ། །མཛད་ནས་རབ་ཏུ་འགོག་པའི་དཀའ་ཐུབ་ཀྱིས་མྱུར་བ་བདེ་བ་ལ་གནས་པར་མི་སྟེར་བ་རྣམས་ལ་དཀའ་ཐུབ་འགྱུར་བ་ཆེན་པོའི་ཚུལ་གྱིས་འདུལ་དབང་ཆེན་པོ་མཛད་དོ། །དྲག་ཤུལ་གྱི་བཙན་
D836.099.0011b05.01ཐབས་ལ་དགའ་བ་དེ་ཐགས་ཟངས་རིས་ཀྱི་ཆ་ལུགས་ཀྱིས་འདུལ་བར་མཛད་དོ། །གཞན་ལ་སྙིང་རྗེར་མ་གྱུར་པའི་ཕྱོགས་གཅིག་པའི་ས་རྒྱལ་རྣམས་ལ་ཡིད་བཞིན་གྱི་ཏིང་ངེ་འཛིན་གྱིས་འདུལ་བར་མཛད་དོ། །གླིང་བཞིའི་དགེ་སྡིག་ཆ་མི་ཤེས་པ་ལ་འཁོར་ལོས་སྒྱུར་བ་
D836.099.0011b06.01ཆེན་པོར་མཛད་ནས་འདུལ་བར་མཛད་དོ། །སྦྲེབས་པ་ཆེན་པོ་དང་གཏུབ་པ་ཆེན་པོ་དང་། བཙོ་བ་དང་རབ་ཏུ་སོ་ཐམ་ཐམ་ཆེ་ཆུང་རྣམས་གཉེན་པོ་དང་ཟངས་ཁ་དང་། གཤེད་པོ་ཆེན་པོའི་ཚུལ་གྱིས་འདུལ་བར་མཛད་དོ། །དེ་དག་ཀྱང་ཆོས་མཉམ་པ་ཆེན་པོ་བྱང་
D836.099.0011b07.01