完整藏文原文 · 德格版页 当前仅加载第 99 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་པ་ལ། །ཤིན་ཏུ་དགྱེས་པ་ཆེན་པོར་སྟོན། །ཁྲག་འཐུང་འབར་མ་མ་གཏོགས་པར། །གཅིག་ཀྱང་གསོན་པར་མི་མཛད་དེ། །དེ་བཞིན་ཐུགས་དམ་ཉིད་པས་ན། །གསད་པའི་རྒྱུ་ལ་ཤིན་ཏུ་དགྱེས། །ཧཱུྃ་ཧཱུྃ་ཧཱུྃ། ཧ་ཧ་ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཧ་
D836.099.0014b01.01ཧ་ཧ་ས། དུ་རུ་རཀྟ། ཀ་ཀ་ཀར་མ། ཡོ་གི་ནི། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུྃ། རིན་ཆེན་རིགས་ཆེན་ཡོན་ཏན་སྐུ། །རིན་ཆེན་ཁྲག་འཐུང་ཆེན་པོ་སྟེ། །དབུ་གསུམ་ཕྱག་དྲུག་ཞབས་བཞིར་བགྲད། །སྟི་ར་ཆེ་ཆུང་གདན་ལ་བཞུགས། །བདུད་བཞི་
D836.099.0014b02.01སྟེང་དུ་བརྐྱང་བསྐུམ་པ། །ཉོན་མོངས་ལྔ་དག་ཚར་གཅོད་ཅིང་། །མཐེའུ་ཆུང་སྲིན་ལག་རྩེ་གཉིས་ཀྱིས། །ཨ་མྲྀ་ཏ་ལ་སོགས་པ་ཡི། །བདུད་རྩི་ཟིལ་དངར་ཆེན་པོ་དག །དང་བའི་སྐུ་ལ་རབ་བརྒྱན་ཅིང་། །སྔོ་གནག་འཇིགས་པ་ཆེན་པོའི་སྐུ། །རིན་ཆེན་ཁྲོས་
D836.099.0014b03.01པའི་རྒྱལ་མོ་དང་། །མ་ཧཱ་སུ་བའི་ཚུལ་དུ་འཁྲིལ། །རྣམ་པར་ཐར་པའི་ཞལ་གསུམ་གྱིས། །ཁམས་གསུམ་མ་ལུས་རྔུབ་ཅིང་གསོལ། །ཐུགས་དམ་སྙིང་རྗེ་ཆེན་པོ་ཡིས། །ཡོན་ཏན་དཀྱིལ་འཁོར་ཆེན་པོར་བསྡུས། །རྡོ་རྗེ་བྷན་དྷར་ལྡན་པ་ཡིས། །
D836.099.0014b04.01ཁྲག་ཆེན་པོ་དག་འཁྲུག་ཅིང་གསོལ། །འཇིགས་པའི་རལ་པ་གྱེན་དུ་འཁྱིལ། །བསྐལ་པའི་མེ་དཔུང་ཆེན་པོའི་དབུས། །གཤོག་སྒྲ་དྲག་པོས་སྟོང་གསུམ་གཡོ། །རྐན་སྒྲས་ཡོན་ཏན་རིགས་ཀུན་བརླག །སྤྱུགས་པས་བསོད་ནམས་ལུས་འཇིག་
D836.099.0014b05.01ཅིང་། །ཡུམ་ཆེན་མོ་དང་མཉམ་པར་སྦྱོར། །སྟེ་རའི་གློ་སྙིང་འབྱིན་ཅིང་གསོལ། །དགྲ་སྟ་ཏྲི་ཤཱུལ་རྒྱུ་འདྲེན་ཞགས། །ཕྱག་ན་བསྣམས་ཤིང་ཁྲག་འཐུང་བ། །རིན་ཆེན་ཀུན་དུ་བཟང་མོ་དང་། །རོལ་པའི་ཚུལ་དུ་མཉམ་སྦྱོར་ཞིང་། །སྟབས་གླུ་ཕྱག་
D836.099.0014b06.01རྒྱ་སྔགས་ཚིག་གིས། །ཐམས་ཅད་ཐམས་ཅད་གཅོད་པར་མཛད། །རོལ་པ་ཆེན་པོའི་ཚུལ་བཞིན་དུ། །ཁྲག་ཆེན་པོ་ཡང་ཞལ་གྱིས་འཇིབ། །ཧ་ཧ་ཧས་ནི་དགྱེས་པར་མཛད། །ཧེ་ཧེ་ཧེས་ནི་ཡུམ་དང་རོལ། །ཧཱུྃ་ཧཱུྃ་ཧཱུྃ་གིས་ཆར་ཆེན་འབེབས། །
D836.099.0014b07.01