上座部佛教 · 论藏

上座部《双论》（巴利原文）

Yamaka · SuttaCentral Mahāsaṅgīti Pali root

完整原文 · 原生段落SuttaCentral YA

完整巴利原文 · 稳定分页　当前仅加载第 37 阅读页；保留 Bilara 原生段落标识，每页最多 120 段。

218.1

Pañcavokāraṁ upapajjantānaṁ acakkhukānaṁ kāmāvacarā cavantānaṁ asaññasattānaṁ tesaṁ tattha rūpāyatanaṁ nirujjhittha, no ca tesaṁ tattha cakkhāyatanaṁ nirujjhati. Sacakkhukānaṁ cavantānaṁ tesaṁ tattha rūpāyatanañca nirujjhittha cakkhāyatanañca nirujjhati.

ya3.2.2:218.1

219.1

Yassa yattha cakkhāyatanaṁ nirujjhati tassa tattha manāyatanaṁ nirujjhitthāti?

ya3.2.2:219.1

220.1

Suddhāvāse parinibbantānaṁ tesaṁ tattha cakkhāyatanaṁ nirujjhati, no ca tesaṁ tattha manāyatanaṁ nirujjhittha. Itaresaṁ sacakkhukānaṁ cavantānaṁ tesaṁ tattha cakkhāyatanañca nirujjhati manāyatanañca nirujjhittha.

ya3.2.2:220.1

221.1

Yassa vā pana yattha manāyatanaṁ nirujjhittha tassa tattha cakkhāyatanaṁ nirujjhatīti?

ya3.2.2:221.1

222.1

Pañcavokāraṁ upapajjantānaṁ acakkhukānaṁ kāmāvacarā cavantānaṁ arūpānaṁ tesaṁ tattha manāyatanaṁ nirujjhittha, no ca tesaṁ tattha cakkhāyatanaṁ nirujjhati. Sacakkhukānaṁ cavantānaṁ tesaṁ tattha manāyatanañca nirujjhittha cakkhāyatanañca nirujjhati.

ya3.2.2:222.1

223.1

Yassa yattha cakkhāyatanaṁ nirujjhati tassa tattha dhammāyatanaṁ nirujjhitthāti?

ya3.2.2:223.1

224.1

Suddhāvāse parinibbantānaṁ tesaṁ tattha cakkhāyatanaṁ nirujjhati, no ca tesaṁ tattha dhammāyatanaṁ nirujjhittha. Itaresaṁ sacakkhukānaṁ cavantānaṁ tesaṁ tattha cakkhāyatanañca nirujjhati dhammāyatanañca nirujjhittha.

ya3.2.2:224.1

225.1

Yassa vā pana yattha dhammāyatanaṁ nirujjhittha tassa tattha cakkhāyatanaṁ nirujjhatīti?

ya3.2.2:225.1

226.1

Sabbesaṁ upapajjantānaṁ acakkhukānaṁ cavantānaṁ tesaṁ tattha dhammāyatanaṁ nirujjhittha, no ca tesaṁ tattha cakkhāyatanaṁ nirujjhati. Sacakkhukānaṁ cavantānaṁ tesaṁ tattha dhammāyatanañca nirujjhittha cakkhāyatanañca nirujjhati. (Cakkhāyatanamūlakaṁ.)

ya3.2.2:226.1

227.1

Yassa yattha ghānāyatanaṁ nirujjhati tassa tattha rūpāyatanaṁ nirujjhitthāti? Āmantā.

ya3.2.2:227.1

228.1

Yassa vā pana yattha rūpāyatanaṁ nirujjhittha tassa tattha ghānāyatanaṁ nirujjhatīti?

ya3.2.2:228.1

229.1

Kāmāvacaraṁ upapajjantānaṁ aghānakānaṁ kāmāvacarā cavantānaṁ rūpāvacarānaṁ tesaṁ tattha rūpāyatanaṁ nirujjhittha, no ca tesaṁ tattha ghānāyatanaṁ nirujjhati. Saghānakānaṁ cavantānaṁ tesaṁ tattha rūpāyatanañca nirujjhittha ghānāyatanañca nirujjhati.

ya3.2.2:229.1

230.1

Yassa yattha ghānāyatanaṁ nirujjhati tassa tattha manāyatanaṁ nirujjhitthāti? Āmantā.

ya3.2.2:230.1

231.1

Yassa vā pana yattha manāyatanaṁ nirujjhittha tassa tattha ghānāyatanaṁ nirujjhatīti?

ya3.2.2:231.1

232.1

Kāmāvacaraṁ upapajjantānaṁ aghānakānaṁ kāmāvacarā cavantānaṁ rūpāvacarānaṁ arūpāvacarānaṁ tesaṁ tattha manāyatanaṁ nirujjhittha, no ca tesaṁ tattha ghānāyatanaṁ nirujjhati. Saghānakānaṁ cavantānaṁ tesaṁ tattha manāyatanañca nirujjhittha ghānāyatanañca nirujjhati.

ya3.2.2:232.1

233.1

Yassa yattha ghānāyatanaṁ nirujjhati tassa tattha dhammāyatanaṁ nirujjhitthāti? Āmantā.

ya3.2.2:233.1

234.1

Yassa vā pana yattha dhammāyatanaṁ nirujjhittha tassa tattha ghānāyatanaṁ nirujjhatīti?

ya3.2.2:234.1

235.1

Sabbesaṁ upapajjantānaṁ aghānakānaṁ cavantānaṁ tesaṁ tattha dhammāyatanaṁ nirujjhittha, no ca tesaṁ tattha ghānāyatanaṁ nirujjhati. Saghānakānaṁ cavantānaṁ tesaṁ tattha dhammāyatanañca nirujjhittha ghānāyatanañca nirujjhati. (Ghānāyatanamūlakaṁ.)

ya3.2.2:235.1

236.1

Yassa yattha rūpāyatanaṁ nirujjhati tassa tattha manāyatanaṁ nirujjhitthāti?

ya3.2.2:236.1

237.1

Suddhāvāse parinibbantānaṁ asaññasattā cavantānaṁ tesaṁ tattha rūpāyatanaṁ nirujjhati, no ca tesaṁ tattha manāyatanaṁ nirujjhittha. Itaresaṁ pañcavokārā cavantānaṁ tesaṁ tattha rūpāyatanañca nirujjhati manāyatanañca nirujjhittha.

ya3.2.2:237.1

238.1

Yassa vā pana yattha manāyatanaṁ nirujjhittha tassa tattha rūpāyatanaṁ nirujjhatīti?

ya3.2.2:238.1

239.1

Pañcavokāraṁ upapajjantānaṁ arūpānaṁ tesaṁ tattha manāyatanaṁ nirujjhittha, no ca tesaṁ tattha rūpāyatanaṁ nirujjhati. Pañcavokārā cavantānaṁ tesaṁ tattha manāyatanañca nirujjhittha rūpāyatanañca nirujjhati.

ya3.2.2:239.1

240.1

Yassa yattha rūpāyatanaṁ nirujjhati tassa tattha dhammāyatanaṁ nirujjhitthāti?

ya3.2.2:240.1

241.1

Suddhāvāse parinibbantānaṁ tesaṁ tattha rūpāyatanaṁ nirujjhati, no ca tesaṁ tattha dhammāyatanaṁ nirujjhittha. Itaresaṁ sarūpakānaṁ cavantānaṁ tesaṁ tattha rūpāyatanañca nirujjhati dhammāyatanañca nirujjhittha.

ya3.2.2:241.1

242.1

Yassa vā pana yattha dhammāyatanaṁ nirujjhittha tassa tattha rūpāyatanaṁ nirujjhatīti?

ya3.2.2:242.1

243.1

Sabbesaṁ upapajjantānaṁ arūpakānaṁ cavantānaṁ tesaṁ tattha dhammāyatanaṁ nirujjhittha, no ca tesaṁ tattha rūpāyatanaṁ nirujjhati. Sarūpakānaṁ cavantānaṁ tesaṁ tattha dhammāyatanañca nirujjhittha rūpāyatanañca nirujjhati. (Rūpāyatanamūlakaṁ.)

ya3.2.2:243.1

244.1

Yassa yattha manāyatanaṁ nirujjhati tassa tattha dhammāyatanaṁ nirujjhitthāti?

ya3.2.2:244.1

245.1

Suddhāvāse parinibbantānaṁ tesaṁ tattha manāyatanaṁ nirujjhati, no ca tesaṁ tattha dhammāyatanaṁ nirujjhittha. Itaresaṁ sacittakānaṁ cavantānaṁ tesaṁ tattha manāyatanañca nirujjhati dhammāyatanañca nirujjhittha.

ya3.2.2:245.1

246.1

Yassa vā pana yattha dhammāyatanaṁ nirujjhittha tassa tattha manāyatanaṁ nirujjhatīti?

ya3.2.2:246.1

247.1

Sabbesaṁ upapajjantānaṁ acittakānaṁ cavantānaṁ tesaṁ tattha dhammāyatanaṁ nirujjhittha, no ca tesaṁ tattha manāyatanaṁ nirujjhati. Sacittakānaṁ cavantānaṁ tesaṁ tattha dhammāyatanañca nirujjhittha manāyatanañca nirujjhati.

ya3.2.2:247.1

248.0

3.2.2.4.4. Paccanīkapuggala

ya3.2.2:248.0

248.1

Yassa cakkhāyatanaṁ na nirujjhati tassa sotāyatanaṁ na nirujjhitthāti? Nirujjhittha.

ya3.2.2:248.1

249.1

Yassa vā pana sotāyatanaṁ na nirujjhittha tassa cakkhāyatanaṁ na nirujjhatīti? Natthi.

ya3.2.2:249.1

250.1

Yassa cakkhāyatanaṁ …pe… ghānāyatanaṁ …pe… rūpāyatanaṁ …pe… manāyatanaṁ na nirujjhati tassa dhammāyatanaṁ na nirujjhitthāti? Nirujjhittha.

ya3.2.2:250.1

251.1

Yassa vā pana dhammāyatanaṁ na nirujjhittha tassa manāyatanaṁ na nirujjhatīti? Natthi.

ya3.2.2:251.1

252.0

3.2.2.4.5. Paccanīkaokāsa

ya3.2.2:252.0

252.1

Yattha cakkhāyatanaṁ na nirujjhati …pe….

ya3.2.2:252.1

253.0

3.2.2.4.6. Paccanīkapuggalokāsa

ya3.2.2:253.0

253.1

Yassa yattha cakkhāyatanaṁ na nirujjhati tassa tattha sotāyatanaṁ na nirujjhitthāti?

ya3.2.2:253.1

254.1

Pañcavokāraṁ upapajjantānaṁ acakkhukānaṁ kāmāvacarā cavantānaṁ tesaṁ tattha cakkhāyatanaṁ na nirujjhati, no ca tesaṁ tattha sotāyatanaṁ na nirujjhittha. Suddhāvāsaṁ upapajjantānaṁ asaññasattānaṁ arūpānaṁ tesaṁ tattha cakkhāyatanañca na nirujjhati sotāyatanañca na nirujjhittha.

ya3.2.2:254.1

255.1

Yassa vā pana yattha sotāyatanaṁ na nirujjhittha tassa tattha cakkhāyatanaṁ na nirujjhatīti?

ya3.2.2:255.1

256.1

Suddhāvāse parinibbantānaṁ tesaṁ tattha sotāyatanaṁ na nirujjhittha, no ca tesaṁ tattha cakkhāyatanaṁ na nirujjhati. Suddhāvāsaṁ upapajjantānaṁ asaññasattānaṁ arūpānaṁ tesaṁ tattha sotāyatanañca na nirujjhittha cakkhāyatanañca na nirujjhati.

ya3.2.2:256.1

257.1

Yassa yattha cakkhāyatanaṁ na nirujjhati tassa tattha ghānāyatanaṁ na nirujjhitthāti?

ya3.2.2:257.1

258.1

Kāmāvacaraṁ upapajjantānaṁ acakkhukānaṁ kāmāvacarā cavantānaṁ tesaṁ tattha cakkhāyatanaṁ na nirujjhati, no ca tesaṁ tattha ghānāyatanaṁ na nirujjhittha. Rūpāvacaraṁ upapajjantānaṁ asaññasattānaṁ arūpānaṁ tesaṁ tattha cakkhāyatanañca na nirujjhati ghānāyatanañca na nirujjhittha.

ya3.2.2:258.1

259.1

Yassa vā pana yattha ghānāyatanaṁ na nirujjhittha tassa tattha cakkhāyatanaṁ na nirujjhatīti?

ya3.2.2:259.1

260.1

Rūpāvacarā cavantānaṁ tesaṁ tattha ghānāyatanaṁ na nirujjhittha, no ca tesaṁ tattha cakkhāyatanaṁ na nirujjhati. Rūpāvacaraṁ upapajjantānaṁ asaññasattānaṁ arūpānaṁ tesaṁ tattha ghānāyatanañca na nirujjhittha cakkhāyatanañca na nirujjhati.

ya3.2.2:260.1

261.1

Yassa yattha cakkhāyatanaṁ na nirujjhati tassa tattha rūpāyatanaṁ na nirujjhitthāti?

ya3.2.2:261.1

262.1

Pañcavokāraṁ upapajjantānaṁ acakkhukānaṁ kāmāvacarā cavantānaṁ asaññasattānaṁ tesaṁ tattha cakkhāyatanaṁ na nirujjhati, no ca tesaṁ tattha rūpāyatanaṁ na nirujjhittha. Suddhāvāsaṁ upapajjantānaṁ arūpānaṁ tesaṁ tattha cakkhāyatanañca na nirujjhati rūpāyatanañca na nirujjhittha.

ya3.2.2:262.1

263.1

Yassa vā pana yattha rūpāyatanaṁ na nirujjhittha tassa tattha cakkhāyatanaṁ na nirujjhatīti?

ya3.2.2:263.1

264.1

Suddhāvāse parinibbantānaṁ tesaṁ tattha rūpāyatanaṁ na nirujjhittha, no ca tesaṁ tattha cakkhāyatanaṁ na nirujjhati. Suddhāvāsaṁ upapajjantānaṁ arūpānaṁ tesaṁ tattha rūpāyatanañca na nirujjhittha cakkhāyatanañca na nirujjhati.

ya3.2.2:264.1

265.1

Yassa yattha cakkhāyatanaṁ na nirujjhati tassa tattha manāyatanaṁ na nirujjhitthāti?

ya3.2.2:265.1

266.1

Pañcavokāraṁ upapajjantānaṁ acakkhukānaṁ kāmāvacarā cavantānaṁ arūpānaṁ tesaṁ tattha cakkhāyatanaṁ na nirujjhati, no ca tesaṁ tattha manāyatanaṁ na nirujjhittha. Suddhāvāsaṁ upapajjantānaṁ asaññasattānaṁ tesaṁ tattha cakkhāyatanañca na nirujjhati manāyatanañca na nirujjhittha.

ya3.2.2:266.1

267.1

Yassa vā pana yattha manāyatanaṁ na nirujjhittha tassa tattha cakkhāyatanaṁ na nirujjhatīti?

ya3.2.2:267.1

268.1

Suddhāvāse parinibbantānaṁ tesaṁ tattha manāyatanaṁ na nirujjhittha, no ca tesaṁ tattha cakkhāyatanaṁ na nirujjhati. Suddhāvāsaṁ upapajjantānaṁ asaññasattānaṁ tesaṁ tattha manāyatanañca na nirujjhittha cakkhāyatanañca na nirujjhati.

ya3.2.2:268.1

269.1

Yassa yattha cakkhāyatanaṁ na nirujjhati tassa tattha dhammāyatanaṁ na nirujjhitthāti?

ya3.2.2:269.1

270.1

Sabbesaṁ upapajjantānaṁ acakkhukānaṁ cavantānaṁ tesaṁ tattha cakkhāyatanaṁ na nirujjhati, no ca tesaṁ tattha dhammāyatanaṁ na nirujjhittha. Suddhāvāsaṁ upapajjantānaṁ tesaṁ tattha cakkhāyatanañca na nirujjhati dhammāyatanañca na nirujjhittha.

ya3.2.2:270.1

271.1

Yassa vā pana yattha dhammāyatanaṁ na nirujjhittha tassa tattha cakkhāyatanaṁ na nirujjhatīti?

ya3.2.2:271.1

272.1

Suddhāvāse parinibbantānaṁ tesaṁ tattha dhammāyatanaṁ na nirujjhittha, no ca tesaṁ tattha cakkhāyatanaṁ na nirujjhati. Suddhāvāsaṁ upapajjantānaṁ tesaṁ tattha dhammāyatanañca na nirujjhittha cakkhāyatanañca na nirujjhati. (Cakkhāyatanamūlakaṁ.)

ya3.2.2:272.1

273.1

Yassa yattha ghānāyatanaṁ na nirujjhati tassa tattha rūpāyatanaṁ na nirujjhitthāti?

ya3.2.2:273.1

274.1

Kāmāvacaraṁ upapajjantānaṁ aghānakānaṁ kāmāvacarā cavantānaṁ rūpāvacarānaṁ tesaṁ tattha ghānāyatanaṁ na nirujjhati, no ca tesaṁ tattha rūpāyatanaṁ na nirujjhittha. Suddhāvāsānaṁ arūpānaṁ tesaṁ tattha ghānāyatanañca na nirujjhati rūpāyatanañca na nirujjhittha.

ya3.2.2:274.1

275.1

Yassa vā pana yattha rūpāyatanaṁ na nirujjhittha tassa tattha ghānāyatanaṁ na nirujjhatīti? Āmantā.

ya3.2.2:275.1

276.1

Yassa yattha ghānāyatanaṁ na nirujjhati tassa tattha manāyatanaṁ na nirujjhitthāti?

ya3.2.2:276.1

277.1

Kāmāvacaraṁ upapajjantānaṁ aghānakānaṁ kāmāvacarā cavantānaṁ rūpāvacarānaṁ arūpāvacarānaṁ tesaṁ tattha ghānāyatanaṁ na nirujjhati, no ca tesaṁ tattha manāyatanaṁ na nirujjhittha. Suddhāvāsānaṁ asaññasattānaṁ tesaṁ tattha ghānāyatanañca na nirujjhati manāyatanañca na nirujjhittha.

ya3.2.2:277.1

278.1

Yassa vā pana yattha manāyatanaṁ na nirujjhittha tassa tattha ghānāyatanaṁ na nirujjhatīti? Āmantā.

ya3.2.2:278.1

279.1

Yassa yattha ghānāyatanaṁ na nirujjhati tassa tattha dhammāyatanaṁ na nirujjhitthāti?

ya3.2.2:279.1

280.1

Sabbesaṁ upapajjantānaṁ aghānakānaṁ cavantānaṁ tesaṁ tattha ghānāyatanaṁ na nirujjhati, no ca tesaṁ tattha dhammāyatanaṁ na nirujjhittha. Suddhāvāsānaṁ tesaṁ tattha ghānāyatanañca na nirujjhati dhammāyatanañca na nirujjhittha.

ya3.2.2:280.1

281.1

Yassa vā pana yattha dhammāyatanaṁ na nirujjhittha tassa tattha ghānāyatanaṁ na nirujjhatīti? Āmantā. (Ghānāyatanamūlakaṁ.)

ya3.2.2:281.1

282.1

Yassa yattha rūpāyatanaṁ na nirujjhati tassa tattha manāyatanaṁ na nirujjhitthāti?

ya3.2.2:282.1

283.1

Pañcavokāraṁ upapajjantānaṁ arūpānaṁ tesaṁ tattha rūpāyatanaṁ na nirujjhati, no ca tesaṁ tattha manāyatanaṁ na nirujjhittha. Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha rūpāyatanañca na nirujjhati manāyatanañca na nirujjhittha.

ya3.2.2:283.1

284.1

Yassa vā pana yattha manāyatanaṁ na nirujjhittha tassa tattha rūpāyatanaṁ na nirujjhatīti?

ya3.2.2:284.1

285.1

Suddhāvāse parinibbantānaṁ asaññasattā cavantānaṁ tesaṁ tattha manāyatanaṁ na nirujjhittha, no ca tesaṁ tattha rūpāyatanaṁ na nirujjhati. Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha manāyatanañca na nirujjhittha rūpāyatanañca na nirujjhati.

ya3.2.2:285.1

286.1

Yassa yattha rūpāyatanaṁ na nirujjhati tassa tattha dhammāyatanaṁ na nirujjhitthāti?

ya3.2.2:286.1

287.1

Sabbesaṁ upapajjantānaṁ arūpakānaṁ cavantānaṁ tesaṁ tattha rūpāyatanaṁ na nirujjhati, no ca tesaṁ tattha dhammāyatanaṁ na nirujjhittha. Suddhāvāsaṁ upapajjantānaṁ tesaṁ tattha rūpāyatanañca na nirujjhati dhammāyatanañca na nirujjhittha.

ya3.2.2:287.1

288.1

Yassa vā pana yattha dhammāyatanaṁ na nirujjhittha tassa tattha rūpāyatanaṁ na nirujjhatīti?

ya3.2.2:288.1

289.1

Suddhāvāse parinibbantānaṁ tesaṁ tattha dhammāyatanaṁ na nirujjhittha, no ca tesaṁ tattha rūpāyatanaṁ na nirujjhati. Suddhāvāsaṁ upapajjantānaṁ tesaṁ tattha dhammāyatanañca na nirujjhittha rūpāyatanañca na nirujjhati.

ya3.2.2:289.1

290.1

Yassa yattha manāyatanaṁ na nirujjhati tassa tattha dhammāyatanaṁ na nirujjhitthāti?

ya3.2.2:290.1

291.1

Sabbesaṁ upapajjantānaṁ acittakānaṁ cavantānaṁ tesaṁ tattha manāyatanaṁ na nirujjhati, no ca tesaṁ tattha dhammāyatanaṁ na nirujjhittha. Suddhāvāsaṁ upapajjantānaṁ tesaṁ tattha manāyatanañca na nirujjhati dhammāyatanañca na nirujjhittha.

ya3.2.2:291.1

292.1

Yassa vā pana yattha dhammāyatanaṁ na nirujjhittha tassa tattha manāyatanaṁ na nirujjhatīti?

ya3.2.2:292.1

293.1

Suddhāvāse parinibbantānaṁ tesaṁ tattha dhammāyatanaṁ na nirujjhittha, no ca tesaṁ tattha manāyatanaṁ na nirujjhati. Suddhāvāsaṁ upapajjantānaṁ tesaṁ tattha dhammāyatanañca na nirujjhittha manāyatanañca na nirujjhati.

ya3.2.2:293.1

294.0.1

3.2.2.5. Paccuppannānāgatavāra

ya3.2.2:294.0.1

294.0.2

3.2.2.5.1. Anulomapuggala

ya3.2.2:294.0.2

294.1

Yassa cakkhāyatanaṁ nirujjhati tassa sotāyatanaṁ nirujjhissatīti?

ya3.2.2:294.1

295.1

Pañcavokāre parinibbantānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ cakkhāyatanaṁ nirujjhati, no ca tesaṁ sotāyatanaṁ nirujjhissati. Itaresaṁ sacakkhukānaṁ cavantānaṁ tesaṁ cakkhāyatanañca nirujjhati sotāyatanañca nirujjhissati.

ya3.2.2:295.1

296.1

Yassa vā pana sotāyatanaṁ nirujjhissati tassa cakkhāyatanaṁ nirujjhatīti?

ya3.2.2:296.1

297.1

Sabbesaṁ upapajjantānaṁ acakkhukānaṁ cavantānaṁ tesaṁ sotāyatanaṁ nirujjhissati, no ca tesaṁ cakkhāyatanaṁ nirujjhati. Sacakkhukānaṁ cavantānaṁ tesaṁ sotāyatanañca nirujjhissati cakkhāyatanañca nirujjhati.

ya3.2.2:297.1

298.1

Yassa cakkhāyatanaṁ nirujjhati tassa ghānāyatanaṁ nirujjhissatīti?

ya3.2.2:298.1

299.1

Pañcavokāre parinibbantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ cakkhāyatanaṁ nirujjhati, no ca tesaṁ ghānāyatanaṁ nirujjhissati. Itaresaṁ sacakkhukānaṁ cavantānaṁ tesaṁ cakkhāyatanañca nirujjhati ghānāyatanañca nirujjhissati.

ya3.2.2:299.1

300.1

Yassa vā pana ghānāyatanaṁ …pe….

ya3.2.2:300.1

301.1

Yassa cakkhāyatanaṁ nirujjhati tassa rūpāyatanaṁ nirujjhissatīti?

ya3.2.2:301.1

302.1

Pañcavokāre parinibbantānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ cakkhāyatanaṁ nirujjhati, no ca tesaṁ rūpāyatanaṁ nirujjhissati. Itaresaṁ sacakkhukānaṁ cavantānaṁ tesaṁ cakkhāyatanañca nirujjhati rūpāyatanañca nirujjhissati.

ya3.2.2:302.1

303.1

Yassa vā pana rūpāyatanaṁ …pe….

ya3.2.2:303.1

304.1

Yassa cakkhāyatanaṁ nirujjhati tassa manāyatanaṁ …pe… dhammāyatanaṁ nirujjhissatīti?

ya3.2.2:304.1

305.1

Pañcavokāre parinibbantānaṁ tesaṁ cakkhāyatanaṁ nirujjhati, no ca tesaṁ dhammāyatanaṁ nirujjhissati. Itaresaṁ sacakkhukānaṁ cavantānaṁ tesaṁ cakkhāyatanañca nirujjhati dhammāyatanañca nirujjhissati.

ya3.2.2:305.1

306.1

Yassa vā pana dhammāyatanaṁ nirujjhissati tassa cakkhāyatanaṁ nirujjhatīti?

ya3.2.2:306.1

307.1

Sabbesaṁ upapajjantānaṁ acakkhukānaṁ cavantānaṁ tesaṁ …pe… sacakkhukānaṁ cavantānaṁ tesaṁ …pe….

ya3.2.2:307.1

308.1

Yassa ghānāyatanaṁ nirujjhati tassa rūpāyatanaṁ nirujjhissatīti?

ya3.2.2:308.1

309.1

Kāmāvacare parinibbantānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ ghānāyatanaṁ nirujjhati, no ca tesaṁ rūpāyatanaṁ nirujjhissati. Itaresaṁ saghānakānaṁ cavantānaṁ tesaṁ ghānāyatanañca nirujjhati rūpāyatanañca nirujjhissati.

ya3.2.2:309.1

310.1

Yassa vā pana rūpāyatanaṁ nirujjhissati tassa ghānāyatanaṁ nirujjhatīti?

ya3.2.2:310.1

311.1

Sabbesaṁ upapajjantānaṁ aghānakānaṁ cavantānaṁ tesaṁ rūpāyatanaṁ nirujjhissati, no ca tesaṁ ghānāyatanaṁ nirujjhati. Saghānakānaṁ cavantānaṁ tesaṁ rūpāyatanañca nirujjhissati ghānāyatanañca nirujjhati.

ya3.2.2:311.1

312.1

Yassa ghānāyatanaṁ nirujjhati tassa manāyatanaṁ …pe… dhammāyatanaṁ nirujjhissatīti?

ya3.2.2:312.1

313.1

Kāmāvacare parinibbantānaṁ tesaṁ ghānāyatanaṁ nirujjhati, no ca tesaṁ dhammāyatanaṁ nirujjhissati. Itaresaṁ saghānakānaṁ cavantānaṁ tesaṁ ghānāyatanañca nirujjhati dhammāyatanañca nirujjhissati.

ya3.2.2:313.1

314.1

Yassa vā pana dhammāyatanaṁ …pe….

ya3.2.2:314.1

315.1

Yassa rūpāyatanaṁ nirujjhati tassa manāyatanaṁ …pe… dhammāyatanaṁ nirujjhissatīti?

ya3.2.2:315.1

316.1

Pañcavokāre parinibbantānaṁ tesaṁ rūpāyatanaṁ nirujjhati, no ca tesaṁ dhammāyatanaṁ nirujjhissati. Itaresaṁ sarūpakānaṁ cavantānaṁ tesaṁ rūpāyatanañca nirujjhati dhammāyatanañca nirujjhissati.

ya3.2.2:316.1

317.1

Yassa vā pana dhammāyatanaṁ nirujjhissati tassa rūpāyatanaṁ nirujjhatīti?

ya3.2.2:317.1

318.1

Sabbesaṁ upapajjantānaṁ arūpakānaṁ cavantānaṁ tesaṁ dhammāyatanaṁ nirujjhissati, no ca tesaṁ rūpāyatanaṁ nirujjhati. Sarūpakānaṁ cavantānaṁ tesaṁ dhammāyatanañca nirujjhissati rūpāyatanañca nirujjhati.

ya3.2.2:318.1

319.1

Yassa manāyatanaṁ nirujjhati tassa dhammāyatanaṁ nirujjhissatīti?

ya3.2.2:319.1

320.1

Parinibbantānaṁ tesaṁ manāyatanaṁ nirujjhati, no ca tesaṁ dhammāyatanaṁ nirujjhissati. Itaresaṁ sacittakānaṁ cavantānaṁ tesaṁ manāyatanañca nirujjhati dhammāyatanañca nirujjhissati.

ya3.2.2:320.1

321.1

Yassa vā pana dhammāyatanaṁ nirujjhissati tassa manāyatanaṁ nirujjhatīti?

ya3.2.2:321.1

322.1

Sabbesaṁ upapajjantānaṁ acittakānaṁ cavantānaṁ tesaṁ dhammāyatanaṁ nirujjhissati, no ca tesaṁ manāyatanaṁ nirujjhati. Sacittakānaṁ cavantānaṁ tesaṁ dhammāyatanañca nirujjhissati manāyatanañca nirujjhati.

ya3.2.2:322.1

323.0

3.2.2.5.2. Anulomaokāsa

ya3.2.2:323.0

323.1

Yattha cakkhāyatanaṁ nirujjhati …pe….

ya3.2.2:323.1

324.0

3.2.2.5.3. Anulomapuggalokāsa

ya3.2.2:324.0

324.1

Yassa yattha cakkhāyatanaṁ nirujjhati tassa tattha sotāyatanaṁ nirujjhissatīti?

ya3.2.2:324.1

325.1

Pañcavokāre parinibbantānaṁ tesaṁ tattha cakkhāyatanaṁ nirujjhati, no ca tesaṁ tattha sotāyatanaṁ nirujjhissati. Itaresaṁ sacakkhukānaṁ cavantānaṁ tesaṁ tattha cakkhāyatanañca nirujjhati sotāyatanañca nirujjhissati.

ya3.2.2:325.1

326.1

Yassa vā pana yattha sotāyatanaṁ nirujjhissati tassa tattha cakkhāyatanaṁ nirujjhatīti?

ya3.2.2:326.1

327.1

Pañcavokāraṁ upapajjantānaṁ acakkhukānaṁ kāmāvacarā cavantānaṁ tesaṁ tattha sotāyatanaṁ nirujjhissati, no ca tesaṁ tattha cakkhāyatanaṁ nirujjhati. Sacakkhukānaṁ cavantānaṁ tesaṁ tattha sotāyatanañca nirujjhissati cakkhāyatanañca nirujjhati.

ya3.2.2:327.1

328.1

Yassa yattha cakkhāyatanaṁ nirujjhati tassa tattha ghānāyatanaṁ nirujjhissatīti?

ya3.2.2:328.1

329.1

Kāmāvacare parinibbantānaṁ rūpāvacarā cavantānaṁ tesaṁ tattha cakkhāyatanaṁ nirujjhati, no ca tesaṁ tattha ghānāyatanaṁ nirujjhissati. Itaresaṁ sacakkhukānaṁ kāmāvacarā cavantānaṁ tesaṁ tattha cakkhāyatanañca nirujjhati ghānāyatanañca nirujjhissati.

ya3.2.2:329.1

330.1

Yassa vā pana yattha ghānāyatanaṁ …pe… (yathā paccuppannātītepi tividhaṁ vitthāritaṁ evaṁ idampi vitthāretabbaṁ.)

ya3.2.2:330.1