上座部佛教 · 论藏

上座部《双论》（巴利原文）

Yamaka · SuttaCentral Mahāsaṅgīti Pali root

完整原文 · 原生段落SuttaCentral YA

完整巴利原文 · 稳定分页　当前仅加载第 142 阅读页；保留 Bilara 原生段落标识，每页最多 120 段。

473.1

Na itthīnaṁ ñāṇasampayuttānaṁ upapajjantānaṁ tesaṁ itthindriyaṁ na uppajjati, no ca tesaṁ paññindriyaṁ na uppajjati. Sabbesaṁ cavantānaṁ na itthīnaṁ ñāṇavippayuttānaṁ upapajjantānaṁ tesaṁ itthindriyañca na uppajjati paññindriyañca na uppajjati.

ya10.2.1:473.1

474.1

Yassa vā pana paññindriyaṁ na uppajjati tassa itthindriyaṁ na uppajjatīti?

ya10.2.1:474.1

475.1

Ñāṇavippayuttānaṁ itthīnaṁ upapajjantīnaṁ tāsaṁ paññindriyaṁ na uppajjati, no ca tāsaṁ itthindriyaṁ na uppajjati. Sabbesaṁ cavantānaṁ ñāṇavippayuttānaṁ na itthīnaṁ upapajjantānaṁ tesaṁ paññindriyañca na uppajjati itthindriyañca na uppajjati.

ya10.2.1:475.1

476.1

Yassa itthindriyaṁ na uppajjati tassa manindriyaṁ na uppajjatīti?

ya10.2.1:476.1

477.1

Na itthīnaṁ sacittakānaṁ upapajjantānaṁ tesaṁ itthindriyaṁ na uppajjati, no ca tesaṁ manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ itthindriyañca na uppajjati manindriyañca na uppajjati.

ya10.2.1:477.1

478.1

Yassa vā pana manindriyaṁ na uppajjati tassa itthindriyaṁ na uppajjatīti? Āmantā. (Itthindriyamūlakaṁ.)

ya10.2.1:478.1

479.1

Yassa purisindriyaṁ na uppajjati tassa jīvitindriyaṁ na uppajjatīti?

ya10.2.1:479.1

480.1

Na purisānaṁ upapajjantānaṁ tesaṁ purisindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ tesaṁ purisindriyañca na uppajjati jīvitindriyañca na uppajjati.

ya10.2.1:480.1

481.1

Yassa vā pana jīvitindriyaṁ na uppajjati tassa purisindriyaṁ na uppajjatīti? Āmantā.

ya10.2.1:481.1

482.1

Yassa purisindriyaṁ na uppajjati tassa somanassindriyaṁ na uppajjatīti?

ya10.2.1:482.1

483.1

Na purisānaṁ somanassena upapajjantānaṁ tesaṁ purisindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cavantānaṁ na purisānaṁ vinā somanassena upapajjantānaṁ tesaṁ purisindriyañca na uppajjati somanassindriyañca na uppajjati.

ya10.2.1:483.1

484.1

Yassa vā pana somanassindriyaṁ na uppajjati tassa purisindriyaṁ na uppajjatīti?

ya10.2.1:484.1

485.1

Vinā somanassena purisānaṁ upapajjantānaṁ tesaṁ somanassindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ vinā somanassena na purisānaṁ upapajjantānaṁ tesaṁ somanassindriyañca na uppajjati purisindriyañca na uppajjati.

ya10.2.1:485.1

486.1

Yassa purisindriyaṁ na uppajjati tassa upekkhindriyaṁ na uppajjatīti?

ya10.2.1:486.1

487.1

Na purisānaṁ upekkhāya upapajjantānaṁ tesaṁ purisindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cavantānaṁ na purisānaṁ vinā upekkhāya upapajjantānaṁ tesaṁ purisindriyañca na uppajjati upekkhindriyañca na uppajjati.

ya10.2.1:487.1

488.1

Yassa vā pana upekkhindriyaṁ na uppajjati tassa purisindriyaṁ na uppajjatīti?

ya10.2.1:488.1

489.1

Vinā upekkhāya purisānaṁ upapajjantānaṁ tesaṁ upekkhindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ vinā upekkhāya na purisānaṁ upapajjantānaṁ tesaṁ upekkhindriyañca na uppajjati purisindriyañca na uppajjati.

ya10.2.1:489.1

490.1

Yassa purisindriyaṁ na uppajjati tassa saddhindriyaṁ na uppajjatīti?

ya10.2.1:490.1

491.1

Na purisānaṁ sahetukānaṁ upapajjantānaṁ tesaṁ purisindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cavantānaṁ na purisānaṁ ahetukānaṁ upapajjantānaṁ tesaṁ purisindriyañca na uppajjati saddhindriyañca na uppajjati.

ya10.2.1:491.1

492.1

Yassa vā pana saddhindriyaṁ na uppajjati tassa purisindriyaṁ na uppajjatīti?

ya10.2.1:492.1

493.1

Ahetukānaṁ purisānaṁ upapajjantānaṁ tesaṁ saddhindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ ahetukānaṁ na purisānaṁ upapajjantānaṁ tesaṁ saddhindriyañca na uppajjati purisindriyañca na uppajjati.

ya10.2.1:493.1

494.1

Yassa purisindriyaṁ na uppajjati tassa paññindriyaṁ na uppajjatīti?

ya10.2.1:494.1

495.1

Na purisānaṁ ñāṇasampayuttānaṁ upapajjantānaṁ tesaṁ purisindriyaṁ na uppajjati, no ca tesaṁ paññindriyaṁ na uppajjati. Sabbesaṁ cavantānaṁ na purisānaṁ ñāṇavippayuttānaṁ upapajjantānaṁ tesaṁ purisindriyañca na uppajjati paññindriyañca na uppajjati.

ya10.2.1:495.1

496.1

Yassa vā pana paññindriyaṁ na uppajjati tassa purisindriyaṁ na uppajjatīti?

ya10.2.1:496.1

497.1

Ñāṇavippayuttānaṁ purisānaṁ upapajjantānaṁ tesaṁ paññindriyaṁ na uppajjati, no ca tesaṁ purisindriyaṁ na uppajjati. Sabbesaṁ cavantānaṁ ñāṇavippayuttānaṁ na purisānaṁ upapajjantānaṁ tesaṁ paññindriyañca na uppajjati purisindriyañca na uppajjati.

ya10.2.1:497.1

498.1

Yassa purisindriyaṁ na uppajjati tassa manindriyaṁ na uppajjatīti?

ya10.2.1:498.1

499.1

Na purisānaṁ sacittakānaṁ upapajjantānaṁ tesaṁ purisindriyaṁ na uppajjati, no ca tesaṁ manindriyaṁ na uppajjati. Sabbesaṁ cavantānaṁ acittakānaṁ upapajjantānaṁ tesaṁ purisindriyañca na uppajjati manindriyañca na uppajjati.

ya10.2.1:499.1

500.1

Yassa vā pana manindriyaṁ na uppajjati tassa purisindriyaṁ na uppajjatīti? Āmantā. (Purisindriyamūlakaṁ.)

ya10.2.1:500.1

501.1

Yassa jīvitindriyaṁ na uppajjati tassa somanassindriyaṁ na uppajjatīti? Āmantā.

ya10.2.1:501.1

502.1

Yassa vā pana somanassindriyaṁ na uppajjati tassa jīvitindriyaṁ na uppajjatīti?

ya10.2.1:502.1

503.1

Vinā somanassena upapajjantānaṁ pavatte somanassavippayuttacittassa uppādakkhaṇe tesaṁ somanassindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ somanassindriyañca na uppajjati jīvitindriyañca na uppajjati.

ya10.2.1:503.1

504.1

Yassa jīvitindriyaṁ na uppajjati tassa upekkhindriyaṁ na uppajjatīti? Āmantā.

ya10.2.1:504.1

505.1

Yassa vā pana upekkhindriyaṁ na uppajjati tassa jīvitindriyaṁ na uppajjatīti?

ya10.2.1:505.1

506.1

Vinā upekkhāya upapajjantānaṁ pavatte upekkhāvippayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ upekkhindriyañca na uppajjati jīvitindriyañca na uppajjati.

ya10.2.1:506.1

507.1

Yassa jīvitindriyaṁ na uppajjati tassa saddhindriyaṁ na uppajjatīti? Āmantā.

ya10.2.1:507.1

508.1

Yassa vā pana saddhindriyaṁ na uppajjati tassa jīvitindriyaṁ na uppajjatīti?

ya10.2.1:508.1

509.1

Ahetukānaṁ upapajjantānaṁ pavatte saddhāvippayuttacittassa uppādakkhaṇe tesaṁ saddhindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ saddhindriyañca na uppajjati jīvitindriyañca na uppajjati.

ya10.2.1:509.1

510.1

Yassa jīvitindriyaṁ na uppajjati tassa paññindriyaṁ na uppajjatīti? Āmantā.

ya10.2.1:510.1

511.1

Yassa vā pana paññindriyaṁ na uppajjati tassa jīvitindriyaṁ na uppajjatīti?

ya10.2.1:511.1

512.1

Ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ paññindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ paññindriyañca na uppajjati jīvitindriyañca na uppajjati.

ya10.2.1:512.1

513.1

Yassa jīvitindriyaṁ na uppajjati tassa manindriyaṁ na uppajjatīti? Āmantā.

ya10.2.1:513.1

514.1

Yassa vā pana manindriyaṁ na uppajjati tassa jīvitindriyaṁ na uppajjatīti?

ya10.2.1:514.1

515.1

Acittakānaṁ upapajjantānaṁ tesaṁ manindriyaṁ na uppajjati, no ca tesaṁ jīvitindriyaṁ na uppajjati. Sabbesaṁ cavantānaṁ pavatte cittassa bhaṅgakkhaṇe tesaṁ manindriyañca na uppajjati jīvitindriyañca na uppajjati. (Jīvitindriyamūlakaṁ.)

ya10.2.1:515.1

516.1

Yassa somanassindriyaṁ na uppajjati tassa upekkhindriyaṁ na uppajjatīti?

ya10.2.1:516.1

517.1

Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ somanassindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cittassa bhaṅgakkhaṇe somanassavippayuttaupekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ somanassindriyañca na uppajjati upekkhindriyañca na uppajjati.

ya10.2.1:517.1

518.1

Yassa vā pana upekkhindriyaṁ na uppajjati tassa somanassindriyaṁ na uppajjatīti?

ya10.2.1:518.1

519.1

Somanassena upapajjantānaṁ pavatte somanassasampayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttasomanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyañca na uppajjati somanassindriyañca na uppajjati.

ya10.2.1:519.1

520.1

Yassa somanassindriyaṁ na uppajjati tassa saddhindriyaṁ na uppajjatīti?

ya10.2.1:520.1

521.1

Vinā somanassena sahetukānaṁ upapajjantānaṁ pavatte somanassavippayuttasaddhāsampayuttacittassa uppādakkhaṇe tesaṁ somanassindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cittassa bhaṅgakkhaṇe somanassavippayuttasaddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ somanassindriyañca na uppajjati saddhindriyañca na uppajjati.

ya10.2.1:521.1

522.1

Yassa vā pana saddhindriyaṁ na uppajjati tassa somanassindriyaṁ na uppajjatīti?

ya10.2.1:522.1

523.1

Pavatte saddhāvippayuttasomanassasampayuttacittassa uppādakkhaṇe tesaṁ saddhindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cittassa bhaṅgakkhaṇe saddhāvippayuttasomanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ saddhindriyañca na uppajjati somanassindriyañca na uppajjati.

ya10.2.1:523.1

524.1

Yassa somanassindriyaṁ na uppajjati tassa paññindriyaṁ na uppajjatīti?

ya10.2.1:524.1

525.1

Vinā somanassena ñāṇasampayuttānaṁ upapajjantānaṁ pavatte somanassavippayuttañāṇasampayuttacittassa uppādakkhaṇe tesaṁ somanassindriyaṁ na uppajjati, no ca tesaṁ paññindriyaṁ na uppajjati. Sabbesaṁ cittassa bhaṅgakkhaṇe somanassavippayuttañāṇavippayuttacittassa uppādakkhaṇe nirodhasamāpannānaṁ asaññasattānaṁ tesaṁ somanassindriyañca na uppajjati paññindriyañca na uppajjati.

ya10.2.1:525.1

526.1

Yassa vā pana paññindriyaṁ na uppajjati tassa somanassindriyaṁ na uppajjatīti?

ya10.2.1:526.1

527.1

Ñāṇavippayuttānaṁ somanassena upapajjantānaṁ pavatte ñāṇavippayuttasomanassasampayuttacittassa uppādakkhaṇe tesaṁ paññindriyaṁ na uppajjati, no ca tesaṁ somanassindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttasomanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ paññindriyañca na uppajjati somanassindriyañca na uppajjati.

ya10.2.1:527.1

528.1

Yassa somanassindriyaṁ na uppajjati tassa manindriyaṁ na uppajjatīti?

ya10.2.1:528.1

529.1

Vinā somanassena sacittakānaṁ upapajjantānaṁ pavatte somanassavippayuttacittassa uppādakkhaṇe tesaṁ somanassindriyaṁ na uppajjati, no ca tesaṁ manindriyaṁ na uppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ somanassindriyañca na uppajjati manindriyañca na uppajjati.

ya10.2.1:529.1

530.1

Yassa vā pana manindriyaṁ na uppajjati tassa somanassindriyaṁ na uppajjatīti? Āmantā. (Somanassindriyamūlakaṁ.)

ya10.2.1:530.1

531.1

Yassa upekkhindriyaṁ na uppajjati tassa saddhindriyaṁ na uppajjatīti?

ya10.2.1:531.1

532.1

Vinā upekkhāya sahetukānaṁ upapajjantānaṁ pavatte upekkhāvippayuttasaddhāsampayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttasaddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyañca na uppajjati saddhindriyañca na uppajjati.

ya10.2.1:532.1

533.1

Yassa vā pana saddhindriyaṁ na uppajjati tassa upekkhindriyaṁ na uppajjatīti?

ya10.2.1:533.1

534.1

Ahetukānaṁ upekkhāya upapajjantānaṁ pavatte saddhāvippayuttaupekkhāsampayuttacittassa uppādakkhaṇe tesaṁ saddhindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cittassa bhaṅgakkhaṇe saddhāvippayuttaupekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ saddhindriyañca na uppajjati upekkhindriyañca na uppajjati.

ya10.2.1:534.1

535.1

Yassa upekkhindriyaṁ na uppajjati tassa paññindriyaṁ na uppajjatīti?

ya10.2.1:535.1

536.1

Vinā upekkhāya ñāṇasampayuttānaṁ upapajjantānaṁ pavatte upekkhāvippayuttañāṇasampayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ paññindriyaṁ na uppajjati. Sabbesaṁ cittassa bhaṅgakkhaṇe upekkhāvippayuttañāṇavippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyañca na uppajjati paññindriyañca na uppajjati.

ya10.2.1:536.1

537.1

Yassa vā pana paññindriyaṁ na uppajjati tassa upekkhindriyaṁ na uppajjatīti?

ya10.2.1:537.1

538.1

Ñāṇavippayuttānaṁ upekkhāya upapajjantānaṁ pavatte ñāṇavippayuttaupekkhāsampayuttacittassa uppādakkhaṇe tesaṁ paññindriyaṁ na uppajjati, no ca tesaṁ upekkhindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttaupekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ paññindriyañca na uppajjati upekkhindriyañca na uppajjati.

ya10.2.1:538.1

539.1

Yassa upekkhindriyaṁ na uppajjati tassa manindriyaṁ na uppajjatīti?

ya10.2.1:539.1

540.1

Vinā upekkhāya sacittakānaṁ upapajjantānaṁ pavatte upekkhāvippayuttacittassa uppādakkhaṇe tesaṁ upekkhindriyaṁ na uppajjati, no ca tesaṁ manindriyaṁ na uppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ upekkhindriyañca na uppajjati manindriyañca na uppajjati.

ya10.2.1:540.1

541.1

Yassa vā pana manindriyaṁ na uppajjati tassa upekkhindriyaṁ na uppajjatīti? Āmantā. (Upekkhindriyamūlakaṁ.)

ya10.2.1:541.1

542.1

Yassa saddhindriyaṁ na uppajjati tassa paññindriyaṁ na uppajjatīti? Āmantā.

ya10.2.1:542.1

543.1

Yassa vā pana paññindriyaṁ na uppajjati tassa saddhindriyaṁ na uppajjatīti?

ya10.2.1:543.1

544.1

Ñāṇavippayuttānaṁ sahetukānaṁ upapajjantānaṁ pavatte ñāṇavippayuttasaddhāsampayuttacittassa uppādakkhaṇe tesaṁ paññindriyaṁ na uppajjati, no ca tesaṁ saddhindriyaṁ na uppajjati. Sabbesaṁ cittassa bhaṅgakkhaṇe ñāṇavippayuttasaddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ paññindriyañca na uppajjati saddhindriyañca na uppajjati.

ya10.2.1:544.1

545.1

Yassa saddhindriyaṁ na uppajjati tassa manindriyaṁ na uppajjatīti?

ya10.2.1:545.1

546.1

Ahetukānaṁ sacittakānaṁ upapajjantānaṁ pavatte saddhāvippayuttacittassa uppādakkhaṇe tesaṁ saddhindriyaṁ na uppajjati, no ca tesaṁ manindriyaṁ na uppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ saddhindriyañca na uppajjati manindriyañca na uppajjati.

ya10.2.1:546.1

547.1

Yassa vā pana manindriyaṁ na uppajjati tassa saddhindriyaṁ na uppajjatīti? Āmantā. (Saddhindriyamūlakaṁ.)

ya10.2.1:547.1

548.1

Yassa paññindriyaṁ na uppajjati tassa manindriyaṁ na uppajjatīti?

ya10.2.1:548.1

549.1

Ñāṇavippayuttānaṁ sacittakānaṁ upapajjantānaṁ pavatte ñāṇavippayuttacittassa uppādakkhaṇe tesaṁ paññindriyaṁ na uppajjati, no ca tesaṁ manindriyaṁ na uppajjati. Sabbesaṁ cittassa bhaṅgakkhaṇe nirodhasamāpannānaṁ asaññasattānaṁ tesaṁ paññindriyañca na uppajjati manindriyañca na uppajjati.

ya10.2.1:549.1

550.1

Yassa vā pana manindriyaṁ na uppajjati tassa paññindriyaṁ na uppajjatīti? Āmantā. (Paññindriyamūlakaṁ.)

ya10.2.1:550.1

551.0

10.2.1.1.5. Paccanīkaokāsa

ya10.2.1:551.0

551.1

Yattha cakkhundriyaṁ na uppajjati tattha sotindriyaṁ na uppajjatīti? Āmantā.

ya10.2.1:551.1

552.1

Yattha vā pana sotindriyaṁ na uppajjati tattha cakkhundriyaṁ na uppajjatīti? Āmantā.

ya10.2.1:552.1

553.1

Yattha cakkhundriyaṁ na uppajjati tattha ghānindriyaṁ na uppajjatīti? Āmantā.

ya10.2.1:553.1

554.1

Yattha vā pana ghānindriyaṁ na uppajjati tattha cakkhundriyaṁ na uppajjatīti?

ya10.2.1:554.1

555.1

Rūpāvacare tattha ghānindriyaṁ na uppajjati, no ca tattha cakkhundriyaṁ na uppajjati. Asaññasatte arūpe tattha ghānindriyañca na uppajjati cakkhundriyañca na uppajjati.

ya10.2.1:555.1

556.1

Yattha cakkhundriyaṁ na uppajjati tattha itthindriyaṁ …pe… purisindriyaṁ na uppajjatīti? Āmantā.

ya10.2.1:556.1

557.1

Yattha vā pana purisindriyaṁ na uppajjati tattha cakkhundriyaṁ na uppajjatīti?

ya10.2.1:557.1

558.1

Rūpāvacare tattha purisindriyaṁ na uppajjati, no ca tattha cakkhundriyaṁ na uppajjati. Asaññasatte arūpe tattha purisindriyañca na uppajjati cakkhundriyañca na uppajjati.

ya10.2.1:558.1

559.1

Yattha cakkhundriyaṁ na uppajjati tattha jīvitindriyaṁ na uppajjatīti? Uppajjati.

ya10.2.1:559.1

560.1

Yattha vā pana jīvitindriyaṁ na uppajjati tattha cakkhundriyaṁ na uppajjatīti? Natthi.

ya10.2.1:560.1

561.1

Yattha cakkhundriyaṁ na uppajjati tattha somanassindriyaṁ na uppajjatīti? Āmantā.

ya10.2.1:561.1

562.1

Yattha vā pana somanassindriyaṁ na uppajjati tattha cakkhundriyaṁ na uppajjatīti? Āmantā.

ya10.2.1:562.1

563.1

Yattha cakkhundriyaṁ na uppajjati tattha upekkhindriyaṁ na uppajjatīti?

ya10.2.1:563.1

564.1

Arūpe tattha cakkhundriyaṁ na uppajjati, no ca tattha upekkhindriyaṁ na uppajjati. Asaññasatte tattha cakkhundriyañca na uppajjati upekkhindriyañca na uppajjati.

ya10.2.1:564.1

565.1

Yattha vā pana upekkhindriyaṁ na uppajjati tattha cakkhundriyaṁ na uppajjatīti? Āmantā.

ya10.2.1:565.1

566.1

Yattha cakkhundriyaṁ na uppajjati tattha saddhindriyaṁ …pe… paññindriyaṁ …pe… manindriyaṁ na uppajjatīti?

ya10.2.1:566.1

567.1

Arūpe tattha cakkhundriyaṁ na uppajjati, no ca tattha manindriyaṁ na uppajjati. Asaññasatte tattha cakkhundriyañca na uppajjati manindriyañca na uppajjati.

ya10.2.1:567.1

568.1

Yattha vā pana manindriyaṁ na uppajjati tattha cakkhundriyaṁ na uppajjatīti? Āmantā. (Cakkhundriyamūlakaṁ.)

ya10.2.1:568.1

569.1

Yattha ghānindriyaṁ na uppajjati tattha itthindriyaṁ …pe… purisindriyaṁ na uppajjatīti? Āmantā.

ya10.2.1:569.1

570.1

Yattha vā pana purisindriyaṁ na uppajjati tattha ghānindriyaṁ na uppajjatīti? Āmantā.

ya10.2.1:570.1

571.1

Yattha ghānindriyaṁ na uppajjati tattha jīvitindriyaṁ na uppajjatīti? Uppajjati.

ya10.2.1:571.1

572.1

Yattha vā pana jīvitindriyaṁ na uppajjati tattha ghānindriyaṁ na uppajjatīti? Natthi.

ya10.2.1:572.1

573.1

Yattha ghānindriyaṁ na uppajjati tattha somanassindriyaṁ na uppajjatīti?

ya10.2.1:573.1

574.1

Rūpāvacare tattha ghānindriyaṁ na uppajjati, no ca tattha somanassindriyaṁ na uppajjati. Asaññasatte arūpe tattha ghānindriyañca na uppajjati somanassindriyañca na uppajjati.

ya10.2.1:574.1

575.1

Yattha vā pana somanassindriyaṁ na uppajjati tattha ghānindriyaṁ na uppajjatīti? Āmantā.

ya10.2.1:575.1

576.1

Yattha ghānindriyaṁ na uppajjati tattha upekkhindriyaṁ na uppajjatīti?

ya10.2.1:576.1

577.1

Rūpāvacare arūpāvacare tattha ghānindriyaṁ na uppajjati, no ca tattha upekkhindriyaṁ na uppajjati. Asaññasatte tattha ghānindriyañca na uppajjati upekkhindriyañca na uppajjati.

ya10.2.1:577.1

578.1

Yattha vā pana upekkhindriyaṁ na uppajjati tattha ghānindriyaṁ na uppajjatīti? Āmantā.

ya10.2.1:578.1

579.1

Yattha ghānindriyaṁ na uppajjati tattha saddhindriyaṁ …pe… paññindriyaṁ …pe… manindriyaṁ na uppajjatīti?

ya10.2.1:579.1

580.1

Rūpāvacare arūpāvacare tattha ghānindriyaṁ na uppajjati, no ca tattha manindriyaṁ na uppajjati. Asaññasatte tattha ghānindriyañca na uppajjati manindriyañca na uppajjati.

ya10.2.1:580.1

581.1

Yattha vā pana manindriyaṁ na uppajjati tattha ghānindriyaṁ na uppajjatīti? Āmantā. (Ghānindriyamūlakaṁ.)

ya10.2.1:581.1

582.1

Yattha itthindriyaṁ na uppajjati tattha purisindriyaṁ na uppajjatīti? Āmantā.

ya10.2.1:582.1

583.1

Yattha vā pana purisindriyaṁ na uppajjati tattha itthindriyaṁ na uppajjatīti? Āmantā …pe….

ya10.2.1:583.1

584.1

Yattha purisindriyaṁ na uppajjati tattha jīvitindriyaṁ na uppajjatīti? Uppajjati.

ya10.2.1:584.1

585.1

Yattha vā pana jīvitindriyaṁ na uppajjati tattha purisindriyaṁ na uppajjatīti? Natthi.

ya10.2.1:585.1

586.1

Yattha purisindriyaṁ na uppajjati tattha somanassindriyaṁ na uppajjatīti?

ya10.2.1:586.1

587.1

Rūpāvacare tattha purisindriyaṁ na uppajjati, no ca tattha somanassindriyaṁ na uppajjati. Asaññasatte arūpe tattha purisindriyañca na uppajjati somanassindriyañca na uppajjati.

ya10.2.1:587.1

588.1

Yattha vā pana somanassindriyaṁ na uppajjati tattha purisindriyaṁ na uppajjatīti? Āmantā.

ya10.2.1:588.1

589.1

Yattha purisindriyaṁ na uppajjati tattha upekkhindriyaṁ na uppajjatīti?

ya10.2.1:589.1

590.1

Rūpāvacare arūpāvacare tattha purisindriyaṁ na uppajjati, no ca tattha upekkhindriyaṁ na uppajjati. Asaññasatte tattha purisindriyañca na uppajjati upekkhindriyañca na uppajjati.

ya10.2.1:590.1

591.1

Yattha vā pana upekkhindriyaṁ na uppajjati tattha purisindriyaṁ na uppajjatīti? Āmantā.

ya10.2.1:591.1