上座部佛教 · 论藏

上座部《双论》（巴利原文）

Yamaka · SuttaCentral Mahāsaṅgīti Pali root

完整原文 · 原生段落SuttaCentral YA

完整巴利原文 · 稳定分页　当前仅加载第 155 阅读页；保留 Bilara 原生段落标识，每页最多 120 段。

2006.1

Pacchimabhavikānaṁ pañcavokāraṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha manindriyaṁ uppajjissati. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati manindriyañca uppajjissati.

ya10.2.1:2006.1

2007.1

Yassa vā pana yattha manindriyaṁ uppajjissati tassa tattha cakkhundriyaṁ uppajjatīti?

ya10.2.1:2007.1

2008.1

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha manindriyaṁ uppajjissati, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha manindriyaṁ uppajjissati cakkhundriyañca uppajjati. (Cakkhundriyamūlakaṁ.)

ya10.2.1:2008.1

2009.1

Yassa yattha ghānindriyaṁ uppajjati tassa tattha itthindriyaṁ uppajjissatīti?

ya10.2.1:2009.1

2010.1

Pacchimabhavikānaṁ kāmāvacaraṁ upapajjantānaṁ ye ca purisā eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha itthindriyaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānindriyañca uppajjati itthindriyañca uppajjissati.

ya10.2.1:2010.1

2011.1

Yassa vā pana yattha itthindriyaṁ uppajjissati tassa tattha ghānindriyaṁ uppajjatīti?

ya10.2.1:2011.1

2012.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ tesaṁ tattha itthindriyaṁ uppajjissati, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha itthindriyañca uppajjissati ghānindriyañca uppajjati.

ya10.2.1:2012.1

2013.1

Yassa yattha ghānindriyaṁ uppajjati tassa tattha purisindriyaṁ uppajjissatīti?

ya10.2.1:2013.1

2014.1

Pacchimabhavikānaṁ kāmāvacaraṁ upapajjantānaṁ yā ca itthiyo eteneva bhāvena katici bhave dassetvā parinibbāyissanti tāsaṁ upapajjantīnaṁ tesaṁ tattha ghānindriyaṁ uppajjati, no ca tesaṁ tattha purisindriyaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānindriyañca uppajjati purisindriyañca uppajjissati.

ya10.2.1:2014.1

2015.1

Yassa vā pana yattha purisindriyaṁ uppajjissati tassa tattha ghānindriyaṁ uppajjatīti?

ya10.2.1:2015.1

2016.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ tesaṁ tattha purisindriyaṁ uppajjissati, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha purisindriyañca uppajjissati ghānindriyañca uppajjati.

ya10.2.1:2016.1

2017.1

Yassa yattha ghānindriyaṁ uppajjati tassa tattha jīvitindriyaṁ uppajjissatīti?

ya10.2.1:2017.1

2018.1

Pacchimabhavikānaṁ kāmāvacaraṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha jīvitindriyaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānindriyañca uppajjati jīvitindriyañca uppajjissati.

ya10.2.1:2018.1

2019.1

Yassa vā pana yattha jīvitindriyaṁ uppajjissati tassa tattha ghānindriyaṁ uppajjatīti?

ya10.2.1:2019.1

2020.1

Sabbesaṁ cavantānaṁ aghānakānaṁ upapajjantānaṁ tesaṁ tattha jīvitindriyaṁ uppajjissati, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha jīvitindriyañca uppajjissati ghānindriyañca uppajjati.

ya10.2.1:2020.1

2021.1

Yassa yattha ghānindriyaṁ uppajjati tassa tattha somanassindriyaṁ uppajjissatīti?

ya10.2.1:2021.1

2022.1

Pacchimabhavikānaṁ kāmāvacaraṁ upapajjantānaṁ ye ca saghānakā upekkhāya upapajjitvā parinibbāyissanti tesaṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha somanassindriyaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānindriyañca uppajjati somanassindriyañca uppajjissati.

ya10.2.1:2022.1

2023.1

Yassa vā pana yattha somanassindriyaṁ uppajjissati tassa tattha ghānindriyaṁ uppajjatīti?

ya10.2.1:2023.1

2024.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha somanassindriyaṁ uppajjissati, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha somanassindriyañca uppajjissati ghānindriyañca uppajjati.

ya10.2.1:2024.1

2025.1

Yassa yattha ghānindriyaṁ uppajjati tassa tattha upekkhindriyaṁ uppajjissatīti?

ya10.2.1:2025.1

2026.1

Pacchimabhavikānaṁ kāmāvacaraṁ upapajjantānaṁ ye ca saghānakā somanassena upapajjitvā parinibbāyissanti tesaṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha upekkhindriyaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānindriyañca uppajjati upekkhindriyañca uppajjissati.

ya10.2.1:2026.1

2027.1

Yassa vā pana yattha upekkhindriyaṁ uppajjissati tassa tattha ghānindriyaṁ uppajjatīti?

ya10.2.1:2027.1

2028.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha upekkhindriyaṁ uppajjissati, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha upekkhindriyañca uppajjissati ghānindriyañca uppajjati.

ya10.2.1:2028.1

2029.1

Yassa yattha ghānindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti?

ya10.2.1:2029.1

2030.1

Pacchimabhavikānaṁ kāmāvacaraṁ upapajjantānaṁ tesaṁ tattha ghānindriyaṁ uppajjati, no ca tesaṁ tattha manindriyaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānindriyañca uppajjati manindriyañca uppajjissati.

ya10.2.1:2030.1

2031.1

Yassa vā pana yattha manindriyaṁ uppajjissati tassa tattha ghānindriyaṁ uppajjatīti?

ya10.2.1:2031.1

2032.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manindriyaṁ uppajjissati, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha manindriyañca uppajjissati ghānindriyañca uppajjati. (Ghānindriyamūlakaṁ.)

ya10.2.1:2032.1

2033.1

Yassa yattha itthindriyaṁ uppajjati tassa tattha purisindriyaṁ uppajjissatīti?

ya10.2.1:2033.1

2034.1

Pacchimabhavikānaṁ itthīnaṁ upapajjantīnaṁ yā ca itthiyo eteneva bhāvena katici bhave dassetvā parinibbāyissanti tāsaṁ upapajjantīnaṁ tāsaṁ tattha itthindriyaṁ uppajjati, no ca tāsaṁ tattha purisindriyaṁ uppajjissati. Itarāsaṁ itthīnaṁ upapajjantīnaṁ tāsaṁ tattha itthindriyañca uppajjati purisindriyañca uppajjissati.

ya10.2.1:2034.1

2035.1

Yassa vā pana yattha purisindriyaṁ uppajjissati tassa tattha itthindriyaṁ uppajjatīti?

ya10.2.1:2035.1

2036.1

Kāmāvacarā cavantānaṁ na itthīnaṁ kāmāvacaraṁ upapajjantānaṁ tesaṁ tattha purisindriyaṁ uppajjissati, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha purisindriyañca uppajjissati itthindriyañca uppajjati.

ya10.2.1:2036.1

2037.1

Yassa yattha itthindriyaṁ uppajjati tassa tattha jīvitindriyaṁ uppajjissatīti?

ya10.2.1:2037.1

2038.1

Pacchimabhavikānaṁ itthīnaṁ upapajjantīnaṁ tāsaṁ tattha itthindriyaṁ uppajjati, no ca tāsaṁ tattha jīvitindriyaṁ uppajjissati. Itarāsaṁ itthīnaṁ upapajjantīnaṁ tāsaṁ tattha itthindriyañca uppajjati jīvitindriyañca uppajjissati.

ya10.2.1:2038.1

2039.1

Yassa vā pana yattha jīvitindriyaṁ uppajjissati tassa tattha itthindriyaṁ uppajjatīti?

ya10.2.1:2039.1

2040.1

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha jīvitindriyaṁ uppajjissati, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha jīvitindriyañca uppajjissati itthindriyañca uppajjati.

ya10.2.1:2040.1

2041.1

Yassa yattha itthindriyaṁ uppajjati tassa tattha somanassindriyaṁ uppajjissatīti?

ya10.2.1:2041.1

2042.1

Pacchimabhavikānaṁ itthīnaṁ upapajjantīnaṁ yā ca itthiyo upekkhāya upapajjitvā parinibbāyissanti tāsaṁ upapajjantīnaṁ tāsaṁ tattha itthindriyaṁ uppajjati, no ca tāsaṁ tattha somanassindriyaṁ uppajjissati. Itarāsaṁ itthīnaṁ upapajjantīnaṁ tāsaṁ tattha itthindriyañca uppajjati somanassindriyañca uppajjissati.

ya10.2.1:2042.1

2043.1

Yassa vā pana yattha somanassindriyaṁ uppajjissati tassa tattha itthindriyaṁ uppajjatīti?

ya10.2.1:2043.1

2044.1

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ tesaṁ tattha somanassindriyaṁ uppajjissati, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha somanassindriyañca uppajjissati itthindriyañca uppajjati.

ya10.2.1:2044.1

2045.1

Yassa yattha itthindriyaṁ uppajjati tassa tattha upekkhindriyaṁ uppajjissatīti?

ya10.2.1:2045.1

2046.1

Pacchimabhavikānaṁ itthīnaṁ upapajjantīnaṁ yā ca itthiyo somanassena upapajjitvā parinibbāyissanti tāsaṁ upapajjantīnaṁ tāsaṁ tattha itthindriyaṁ uppajjati, no ca tāsaṁ tattha upekkhindriyaṁ uppajjissati. Itarāsaṁ itthīnaṁ upapajjantīnaṁ tāsaṁ tattha itthindriyañca uppajjati upekkhindriyañca uppajjissati.

ya10.2.1:2046.1

2047.1

Yassa vā pana yattha upekkhindriyaṁ uppajjissati tassa tattha itthindriyaṁ uppajjatīti?

ya10.2.1:2047.1

2048.1

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha upekkhindriyaṁ uppajjissati, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha upekkhindriyañca uppajjissati itthindriyañca uppajjati.

ya10.2.1:2048.1

2049.1

Yassa yattha itthindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti?

ya10.2.1:2049.1

2050.1

Pacchimabhavikānaṁ itthīnaṁ upapajjantīnaṁ tāsaṁ tattha itthindriyaṁ uppajjati, no ca tāsaṁ tattha manindriyaṁ uppajjissati. Itarāsaṁ itthīnaṁ upapajjantīnaṁ tāsaṁ tattha itthindriyañca uppajjati manindriyañca uppajjissati.

ya10.2.1:2050.1

2051.1

Yassa vā pana yattha manindriyaṁ uppajjissati tassa tattha itthindriyaṁ uppajjatīti?

ya10.2.1:2051.1

2052.1

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manindriyaṁ uppajjissati, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha manindriyañca uppajjissati itthindriyañca uppajjati. (Itthindriyamūlakaṁ.)

ya10.2.1:2052.1

2053.1

Yassa yattha purisindriyaṁ uppajjati tassa tattha jīvitindriyaṁ uppajjissatīti?

ya10.2.1:2053.1

2054.1

Pacchimabhavikānaṁ purisānaṁ upapajjantānaṁ tesaṁ tattha purisindriyaṁ uppajjati, no ca tesaṁ tattha jīvitindriyaṁ uppajjissati. Itaresaṁ purisānaṁ upapajjantānaṁ tesaṁ tattha purisindriyañca uppajjati jīvitindriyañca uppajjissati.

ya10.2.1:2054.1

2055.1

Yassa vā pana yattha jīvitindriyaṁ uppajjissati tassa tattha purisindriyaṁ uppajjatīti?

ya10.2.1:2055.1

2056.1

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha jīvitindriyaṁ uppajjissati, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha jīvitindriyañca uppajjissati purisindriyañca uppajjati.

ya10.2.1:2056.1

2057.1

Yassa yattha purisindriyaṁ uppajjati tassa tattha somanassindriyaṁ uppajjissatīti?

ya10.2.1:2057.1

2058.1

Pacchimabhavikānaṁ purisānaṁ upapajjantānaṁ ye ca purisā upekkhāya upapajjitvā parinibbāyissanti tesaṁ upapajjantānaṁ tesaṁ tattha purisindriyaṁ uppajjati, no ca tesaṁ tattha somanassindriyaṁ uppajjissati. Itaresaṁ purisānaṁ upapajjantānaṁ tesaṁ tattha purisindriyañca uppajjati somanassindriyañca uppajjissati.

ya10.2.1:2058.1

2059.1

Yassa vā pana yattha somanassindriyaṁ uppajjissati tassa tattha purisindriyaṁ uppajjatīti?

ya10.2.1:2059.1

2060.1

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ tesaṁ tattha somanassindriyaṁ uppajjissati, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha somanassindriyañca uppajjissati purisindriyañca uppajjati.

ya10.2.1:2060.1

2061.1

Yassa yattha purisindriyaṁ uppajjati tassa tattha upekkhindriyaṁ uppajjissatīti?

ya10.2.1:2061.1

2062.1

Pacchimabhavikānaṁ purisānaṁ upapajjantānaṁ ye ca purisā somanassena upapajjitvā parinibbāyissanti tesaṁ upapajjantānaṁ tesaṁ tattha purisindriyaṁ uppajjati, no ca tesaṁ tattha upekkhindriyaṁ uppajjissati. Itaresaṁ purisānaṁ upapajjantānaṁ tesaṁ tattha purisindriyañca uppajjati upekkhindriyañca uppajjissati.

ya10.2.1:2062.1

2063.1

Yassa vā pana yattha upekkhindriyaṁ uppajjissati tassa tattha purisindriyaṁ uppajjatīti?

ya10.2.1:2063.1

2064.1

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha upekkhindriyaṁ uppajjissati, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha upekkhindriyañca uppajjissati purisindriyañca uppajjati.

ya10.2.1:2064.1

2065.1

Yassa yattha purisindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti?

ya10.2.1:2065.1

2066.1

Pacchimabhavikānaṁ purisānaṁ upapajjantānaṁ tesaṁ tattha purisindriyaṁ uppajjati, no ca tesaṁ tattha manindriyaṁ uppajjissati. Itaresaṁ purisānaṁ upapajjantānaṁ tesaṁ tattha purisindriyañca uppajjati manindriyañca uppajjissati.

ya10.2.1:2066.1

2067.1

Yassa vā pana yattha manindriyaṁ uppajjissati tassa tattha purisindriyaṁ uppajjatīti?

ya10.2.1:2067.1

2068.1

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manindriyaṁ uppajjissati, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha manindriyañca uppajjissati purisindriyañca uppajjati. (Purisindriyamūlakaṁ.)

ya10.2.1:2068.1

2069.1

Yassa yattha jīvitindriyaṁ uppajjati tassa tattha somanassindriyaṁ uppajjissatīti?

ya10.2.1:2069.1

2070.1

Pacchimacittassa uppādakkhaṇe yassa cittassa anantarā upekkhāsampayuttapacchimacittaṁ uppajjissati tassa cittassa uppādakkhaṇe asaññasattaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha somanassindriyaṁ uppajjissati. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati somanassindriyañca uppajjissati.

ya10.2.1:2070.1

2071.1

Yassa vā pana yattha somanassindriyaṁ uppajjissati tassa tattha jīvitindriyaṁ uppajjatīti?

ya10.2.1:2071.1

2072.1

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha somanassindriyaṁ uppajjissati, no ca tesaṁ tattha jīvitindriyaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha somanassindriyañca uppajjissati jīvitindriyañca uppajjati.

ya10.2.1:2072.1

2073.1

Yassa yattha jīvitindriyaṁ uppajjati tassa tattha upekkhindriyaṁ uppajjissatīti?

ya10.2.1:2073.1

2074.1

Pacchimacittassa uppādakkhaṇe yassa cittassa anantarā somanassasampayuttapacchimacittaṁ uppajjissati tassa cittassa uppādakkhaṇe asaññasattaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha upekkhindriyaṁ uppajjissati. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati upekkhindriyañca uppajjissati.

ya10.2.1:2074.1

2075.1

Yassa vā pana yattha upekkhindriyaṁ uppajjissati tassa tattha jīvitindriyaṁ uppajjatīti?

ya10.2.1:2075.1

2076.1

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha upekkhindriyaṁ uppajjissati, no ca tesaṁ tattha jīvitindriyaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha upekkhindriyañca uppajjissati jīvitindriyañca uppajjati.

ya10.2.1:2076.1

2077.1

Yassa yattha jīvitindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti?

ya10.2.1:2077.1

2078.1

Pacchimacittassa uppādakkhaṇe asaññasattaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha manindriyaṁ uppajjissati. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati manindriyañca uppajjissati.

ya10.2.1:2078.1

2079.1

Yassa vā pana yattha manindriyaṁ uppajjissati tassa tattha jīvitindriyaṁ uppajjatīti?

ya10.2.1:2079.1

2080.1

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha manindriyaṁ uppajjissati, no ca tesaṁ tattha jīvitindriyaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha manindriyañca uppajjissati jīvitindriyañca uppajjati. (Jīvitindriyamūlakaṁ.)

ya10.2.1:2080.1

2081.1

Yassa yattha somanassindriyaṁ uppajjati tassa tattha upekkhindriyaṁ uppajjissatīti?

ya10.2.1:2081.1

2082.1

Somanassasampayuttapacchimacittassa uppādakkhaṇe yassa cittassa anantarā somanassasampayuttapacchimacittaṁ uppajjissati tassa cittassa uppādakkhaṇe tesaṁ tattha somanassindriyaṁ uppajjati, no ca tesaṁ tattha upekkhindriyaṁ uppajjissati. Itaresaṁ somanassena upapajjantānaṁ pavatte somanassasampayuttacittassa uppādakkhaṇe tesaṁ tattha somanassindriyañca uppajjati upekkhindriyañca uppajjissati.

ya10.2.1:2082.1

2083.1

Yassa vā pana yattha upekkhindriyaṁ uppajjissati tassa tattha somanassindriyaṁ uppajjatīti?

ya10.2.1:2083.1

2084.1

Sabbesaṁ cittassa bhaṅgakkhaṇe somanassavippayuttacittassa uppādakkhaṇe tesaṁ tattha upekkhindriyaṁ uppajjissati, no ca tesaṁ tattha somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ tattha upekkhindriyañca uppajjissati somanassindriyañca uppajjati.

ya10.2.1:2084.1

2085.1

Yassa yattha somanassindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti?

ya10.2.1:2085.1

2086.1

Somanassasampayuttapacchimacittassa uppādakkhaṇe tesaṁ tattha somanassindriyaṁ uppajjati, no ca tesaṁ tattha manindriyaṁ uppajjissati. Itaresaṁ somanassena upapajjantānaṁ pavatte somanassasampayuttacittassa uppādakkhaṇe tesaṁ tattha somanassindriyañca uppajjati manindriyañca uppajjissati.

ya10.2.1:2086.1

2087.1

Yassa vā pana yattha manindriyaṁ uppajjissati tassa tattha somanassindriyaṁ uppajjatīti?

ya10.2.1:2087.1

2088.1

Sabbesaṁ cittassa bhaṅgakkhaṇe somanassavippayuttacittassa uppādakkhaṇe tesaṁ tattha manindriyaṁ uppajjissati, no ca tesaṁ tattha somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ tattha manindriyañca uppajjissati somanassindriyañca uppajjati. (Somanassindriyamūlakaṁ.)

ya10.2.1:2088.1

2089.1

Yassa yattha upekkhindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjissatīti?

ya10.2.1:2089.1

2090.1

Upekkhāsampayuttapacchimacittassa uppādakkhaṇe tesaṁ tattha upekkhindriyaṁ uppajjati, no ca tesaṁ tattha manindriyaṁ uppajjissati. Itaresaṁ upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha upekkhindriyañca uppajjati manindriyañca uppajjissati.

ya10.2.1:2090.1

2091.1

Yassa vā pana yattha manindriyaṁ uppajjissati tassa tattha upekkhindriyaṁ uppajjatīti?

ya10.2.1:2091.1

2092.1

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha manindriyaṁ uppajjissati, no ca tesaṁ tattha upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha manindriyañca uppajjissati upekkhindriyañca uppajjati. (Upekkhindriyamūlakaṁ.)

ya10.2.1:2092.1

2093.1

Yassa yattha saddhindriyaṁ uppajjati tassa tattha paññindriyaṁ …pe… manindriyaṁ uppajjissatīti?

ya10.2.1:2093.1

2094.1

Pacchimacittassa uppādakkhaṇe tesaṁ tattha saddhindriyaṁ uppajjati, no ca tesaṁ tattha manindriyaṁ uppajjissati. Itaresaṁ sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha saddhindriyañca uppajjati manindriyañca uppajjissati.

ya10.2.1:2094.1

2095.1

Yassa vā pana yattha manindriyaṁ uppajjissati tassa tattha saddhindriyaṁ uppajjatīti?

ya10.2.1:2095.1

2096.1

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe tesaṁ tattha manindriyaṁ uppajjissati, no ca tesaṁ tattha saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha manindriyañca uppajjissati saddhindriyañca uppajjati. (Saddhindriyamūlakaṁ.)

ya10.2.1:2096.1

2097.1

Yassa yattha paññindriyaṁ uppajjati tassa tattha manindriyaṁ uppajjissatīti?

ya10.2.1:2097.1

2098.1

Pacchimacittassa uppādakkhaṇe tesaṁ tattha paññindriyaṁ uppajjati, no ca tesaṁ tattha manindriyaṁ uppajjissati. Itaresaṁ ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ tattha paññindriyañca uppajjati manindriyañca uppajjissati.

ya10.2.1:2098.1

2099.1

Yassa vā pana yattha manindriyaṁ uppajjissati tassa tattha paññindriyaṁ uppajjatīti?

ya10.2.1:2099.1

2100.1

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe tesaṁ tattha manindriyaṁ uppajjissati, no ca tesaṁ tattha paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ tattha manindriyañca uppajjissati paññindriyañca uppajjati. (Paññindriyamūlakaṁ.)

ya10.2.1:2100.1

2101.0

10.2.1.5.4. Paccanīkapuggala

ya10.2.1:2101.0

2101.1

Yassa cakkhundriyaṁ na uppajjati tassa sotindriyaṁ na uppajjissatīti?

ya10.2.1:2101.1

2102.1

Sabbesaṁ cavantānaṁ acakkhukānaṁ upapajjantānaṁ tesaṁ cakkhundriyaṁ na uppajjati, no ca tesaṁ sotindriyaṁ na uppajjissati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ cakkhundriyañca na uppajjati sotindriyañca na uppajjissati.

ya10.2.1:2102.1

2103.1

Yassa vā pana sotindriyaṁ na uppajjissati tassa cakkhundriyaṁ na uppajjatīti?

ya10.2.1:2103.1

2104.1

Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ sotindriyaṁ na uppajjissati, no ca tesaṁ cakkhundriyaṁ na uppajjati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ sotindriyañca na uppajjissati cakkhundriyañca na uppajjati.

ya10.2.1:2104.1

2105.1

Yassa cakkhundriyaṁ na uppajjati tassa ghānindriyaṁ na uppajjissatīti?

ya10.2.1:2105.1

2106.1

Sabbesaṁ cavantānaṁ acakkhukānaṁ upapajjantānaṁ tesaṁ cakkhundriyaṁ na uppajjati, no ca tesaṁ ghānindriyaṁ na uppajjissati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ cakkhundriyañca na uppajjati ghānindriyañca na uppajjissati.

ya10.2.1:2106.1

2107.1

Yassa vā pana ghānindriyaṁ na uppajjissati tassa cakkhundriyaṁ na uppajjatīti?

ya10.2.1:2107.1

2108.1

Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ upapajjantānaṁ tesaṁ ghānindriyaṁ na uppajjissati, no ca tesaṁ cakkhundriyaṁ na uppajjati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ ghānindriyañca na uppajjissati cakkhundriyañca na uppajjati.

ya10.2.1:2108.1

2109.1

Yassa cakkhundriyaṁ na uppajjati tassa itthindriyaṁ na uppajjissatīti?

ya10.2.1:2109.1

2110.1

Sabbesaṁ cavantānaṁ acakkhukānaṁ upapajjantānaṁ tesaṁ cakkhundriyaṁ na uppajjati, no ca tesaṁ itthindriyaṁ na uppajjissati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ cavantānaṁ tesaṁ cakkhundriyañca na uppajjati itthindriyañca na uppajjissati.

ya10.2.1:2110.1

2111.1

Yassa vā pana itthindriyaṁ na uppajjissati tassa cakkhundriyaṁ na uppajjatīti?

ya10.2.1:2111.1

2112.1

Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ itthindriyaṁ na uppajjissanti, no ca tesaṁ cakkhundriyaṁ na uppajjati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ cavantānaṁ tesaṁ itthindriyañca na uppajjissati cakkhundriyañca na uppajjati.

ya10.2.1:2112.1

2113.1

Yassa cakkhundriyaṁ na uppajjati tassa purisindriyaṁ na uppajjissatīti?

ya10.2.1:2113.1

2114.1

Sabbesaṁ cavantānaṁ acakkhukānaṁ upapajjantānaṁ tesaṁ cakkhundriyaṁ na uppajjati, no ca tesaṁ purisindriyaṁ na uppajjissati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ cavantānaṁ tesaṁ cakkhundriyañca na uppajjati purisindriyañca na uppajjissati.

ya10.2.1:2114.1

2115.1

Yassa vā pana purisindriyaṁ na uppajjissati tassa cakkhundriyaṁ na uppajjatīti?

ya10.2.1:2115.1

2116.1

Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ purisindriyaṁ na uppajjissati, no ca tesaṁ cakkhundriyaṁ na uppajjati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ cavantānaṁ tesaṁ purisindriyañca na uppajjissati cakkhundriyañca na uppajjati.

ya10.2.1:2116.1

2117.1

Yassa cakkhundriyaṁ na uppajjati tassa jīvitindriyaṁ na uppajjissatīti?

ya10.2.1:2117.1

2118.1

Sabbesaṁ cavantānaṁ acakkhukānaṁ upapajjantānaṁ tesaṁ cakkhundriyaṁ na uppajjati, no ca tesaṁ jīvitindriyaṁ na uppajjissati. Pañcavokāre parinibbantānaṁ arūpe pacchimabhavikānaṁ tesaṁ cakkhundriyañca na uppajjati jīvitindriyañca na uppajjissati.

ya10.2.1:2118.1

2119.1

Yassa vā pana jīvitindriyaṁ na uppajjissati tassa cakkhundriyaṁ na uppajjatīti?

ya10.2.1:2119.1

2120.1

Pacchimabhavikānaṁ pañcavokāraṁ upapajjantānaṁ tesaṁ jīvitindriyaṁ na uppajjissati, no ca tesaṁ cakkhundriyaṁ na uppajjati. Pañcavokāre parinibbantānaṁ arūpe pacchimabhavikānaṁ tesaṁ jīvitindriyañca na uppajjissati cakkhundriyañca na uppajjati.

ya10.2.1:2120.1

2121.1

Yassa cakkhundriyaṁ na uppajjati tassa somanassindriyaṁ na uppajjissatīti?

ya10.2.1:2121.1

2122.1

Sabbesaṁ cavantānaṁ acakkhukānaṁ upapajjantānaṁ tesaṁ cakkhundriyaṁ na uppajjati, no ca tesaṁ somanassindriyaṁ na uppajjissati. Pañcavokāre parinibbantānaṁ arūpe pacchimabhavikānaṁ ye ca upekkhāya upapajjitvā parinibbāyissanti tesaṁ cavantānaṁ tesaṁ cakkhundriyañca na uppajjati somanassindriyañca na uppajjissati.

ya10.2.1:2122.1

2123.1

Yassa vā pana somanassindriyaṁ na uppajjissati tassa cakkhundriyaṁ na uppajjatīti?

ya10.2.1:2123.1

2124.1

Pacchimabhavikānaṁ pañcavokāraṁ upapajjantānaṁ ye ca sacakkhukā upekkhāya upapajjitvā parinibbāyissanti tesaṁ upapajjantānaṁ tesaṁ somanassindriyaṁ na uppajjissati, no ca tesaṁ cakkhundriyaṁ na uppajjati. Pañcavokāre parinibbantānaṁ arūpe pacchimabhavikānaṁ ye ca upekkhāya upapajjitvā parinibbāyissanti tesaṁ cavantānaṁ tesaṁ somanassindriyañca na uppajjissati cakkhundriyañca na uppajjati.

ya10.2.1:2124.1