上座部佛教 · 论藏

上座部《双论》（巴利原文）

Yamaka · SuttaCentral Mahāsaṅgīti Pali root

完整原文 · 原生段落SuttaCentral YA

完整巴利原文 · 稳定分页　当前仅加载第 163 阅读页；保留 Bilara 原生段落标识，每页最多 120 段。

0.1

10 Indriyayamaka

ya10.3.3:0.1

0.2

10.3 Pariññāvāra

ya10.3.3:0.2

0.3

10.3.3. Anāgatavāra

ya10.3.3:0.3

1.0

10.3.3.1. Anuloma

ya10.3.3:1.0

1.1

Yo cakkhundriyaṁ parijānissati so domanassindriyaṁ pajahissatīti?

ya10.3.3:1.1

2.1

Dve puggalā cakkhundriyaṁ parijānissanti, no ca domanassindriyaṁ pajahissanti. Pañca puggalā cakkhundriyañca parijānissanti domanassindriyañca pajahissanti.

ya10.3.3:2.1

3.1

Yo vā pana domanassindriyaṁ pajahissati so cakkhundriyaṁ parijānissatīti? Āmantā.

ya10.3.3:3.1

4.1

Yo cakkhundriyaṁ parijānissati so anaññātaññassāmītindriyaṁ bhāvessatīti?

ya10.3.3:4.1

5.1

Cha puggalā cakkhundriyaṁ parijānissanti, no ca anaññātaññassāmītindriyaṁ bhāvessanti. Ye puthujjanā maggaṁ paṭilabhissanti te cakkhundriyañca parijānissanti anaññātaññassāmītindriyañca bhāvessanti.

ya10.3.3:5.1

6.1

Yo vā pana anaññātaññassāmītindriyaṁ bhāvessati so cakkhundriyaṁ parijānissatīti? Āmantā.

ya10.3.3:6.1

7.1

Yo cakkhundriyaṁ parijānissati so aññindriyaṁ bhāvessatīti? Āmantā.

ya10.3.3:7.1

8.1

Yo vā pana aññindriyaṁ bhāvessati so cakkhundriyaṁ parijānissatīti? Āmantā.

ya10.3.3:8.1

9.1

Yo cakkhundriyaṁ parijānissati so aññātāvindriyaṁ sacchikarissatīti? Āmantā.

ya10.3.3:9.1

10.1

Yo vā pana aññātāvindriyaṁ sacchikarissati so cakkhundriyaṁ parijānissatīti?

ya10.3.3:10.1

11.1

Aggamaggasamaṅgī aññātāvindriyaṁ sacchikarissati, no ca cakkhundriyaṁ parijānissati. Satta puggalā aññātāvindriyañca sacchikarissanti cakkhundriyañca parijānissanti. (Cakkhundriyamūlakaṁ.)

ya10.3.3:11.1

12.1

Yo domanassindriyaṁ pajahissati so anaññātaññassāmītindriyaṁ bhāvessatīti?

ya10.3.3:12.1

13.1

Cattāro puggalā domanassindriyaṁ pajahissanti, no ca anaññātaññassāmītindriyaṁ bhāvessanti. Ye puthujjanā maggaṁ paṭilabhissanti te domanassindriyañca pajahissanti anaññātaññassāmītindriyañca bhāvessanti.

ya10.3.3:13.1

14.1

Yo vā pana anaññātaññassāmītindriyaṁ bhāvessati so domanassindriyaṁ pajahissatīti? Āmantā.

ya10.3.3:14.1

15.1

Yo domanassindriyaṁ pajahissati so aññindriyaṁ bhāvessatīti? Āmantā.

ya10.3.3:15.1

16.1

Yo vā pana aññindriyaṁ bhāvessati so domanassindriyaṁ pajahissatīti?

ya10.3.3:16.1

17.1

Dve puggalā aññindriyaṁ bhāvessanti no ca domanassindriyaṁ pajahissanti, pañca puggalā aññindriyañca bhavissanti domanassindriyañca pajahissanti.

ya10.3.3:17.1

18.1

Yo domanassindriyaṁ pajahissati so aññātāvindriyaṁ sacchikarissatīti? Āmantā.

ya10.3.3:18.1

19.1

Yo vā pana aññātāvindriyaṁ sacchikarissati so domanassindriyaṁ pajahissatīti?

ya10.3.3:19.1

20.1

Tayo puggalā aññātāvindriyaṁ sacchikarissanti, no ca domanassindriyaṁ pajahissanti. Pañca puggalā aññātāvindriyañca sacchikarissanti domanassindriyañca pajahissanti. (Domanassindriyamūlakaṁ.)

ya10.3.3:20.1

21.1

Yo anaññātaññassāmītindriyaṁ bhāvessati so aññindriyaṁ bhāvessatīti? Āmantā.

ya10.3.3:21.1

22.1

Yo vā pana aññindriyaṁ bhāvessati so anaññātaññassāmītindriyaṁ bhāvessatīti?

ya10.3.3:22.1

23.1

Cha puggalā aññindriyaṁ bhāvessanti, no ca anaññātaññassāmītindriyaṁ bhāvessanti. Ye puthujjanā maggaṁ paṭilabhissanti te aññindriyañca bhāvessanti anaññātaññassāmītindriyañca bhāvessanti.

ya10.3.3:23.1

24.1

Yo anaññātaññassāmītindriyaṁ bhāvessati so aññātāvindriyaṁ sacchikarissatīti? Āmantā.

ya10.3.3:24.1

25.1

Yo vā pana aññātāvindriyaṁ sacchikarissati so anaññātaññassāmītindriyaṁ bhāvessatīti?

ya10.3.3:25.1

26.1

Satta puggalā aññātāvindriyaṁ sacchikarissanti, no ca anaññātaññassāmītindriyaṁ bhāvessanti. Ye puthujjanā maggaṁ paṭilabhissanti te aññātāvindriyañca sacchikarissanti anaññātaññassāmītindriyañca bhāvessanti. (Anaññātaññassāmītindriyamūlakaṁ.)

ya10.3.3:26.1

27.1

Yo aññindriyaṁ bhāvessati so aññātāvindriyaṁ sacchikarissatīti? Āmantā.

ya10.3.3:27.1

28.1

Yo vā pana aññātāvindriyaṁ sacchikarissati so aññindriyaṁ bhāvessatīti?

ya10.3.3:28.1

29.1

Aggamaggasamaṅgī aññātāvindriyaṁ sacchikarissati, no ca aññindriyaṁ bhāvessati. Satta puggalā aññātāvindriyañca sacchikarissanti aññindriyañca bhāvessanti. (Aññindriyamūlakaṁ.)

ya10.3.3:29.1

30.0

10.3.3.2. Paccanīka

ya10.3.3:30.0

30.1

Yo cakkhundriyaṁ na parijānissati so domanassindriyaṁ nappajahissatīti? Āmantā.

ya10.3.3:30.1

31.1

Yo vā pana domanassindriyaṁ nappajahissati so cakkhundriyaṁ na parijānissatīti?

ya10.3.3:31.1

32.1

Dve puggalā domanassindriyaṁ nappajahissanti, no ca cakkhundriyaṁ na parijānissanti. Tayo puggalā domanassindriyañca nappajahissanti cakkhundriyañca na parijānissanti.

ya10.3.3:32.1

33.1

Yo cakkhundriyaṁ na parijānissati so anaññātaññassāmītindriyaṁ na bhāvessatīti? Āmantā.

ya10.3.3:33.1

34.1

Yo vā pana anaññātaññassāmītindriyaṁ na bhāvessati so cakkhundriyaṁ na parijānissatīti.

ya10.3.3:34.1

35.1

Cha puggalā anaññātaññassāmītindriyaṁ na bhāvessanti, no ca cakkhundriyaṁ na parijānissanti. Tayo puggalā anaññātaññassāmītindriyañca na bhāvessanti cakkhundriyañca na parijānissanti.

ya10.3.3:35.1

36.1

Yo cakkhundriyaṁ na parijānissati so aññindriyaṁ na bhāvessatīti? Āmantā.

ya10.3.3:36.1

37.1

Yo vā pana aññindriyaṁ na bhāvessati so cakkhundriyaṁ na parijānissatīti? Āmantā.

ya10.3.3:37.1

38.1

Yo cakkhundriyaṁ na parijānissati so aññātāvindriyaṁ na sacchikarissatīti?

ya10.3.3:38.1

39.1

Aggamaggasamaṅgī cakkhundriyaṁ na parijānissati, no ca aññātāvindriyaṁ na sacchikarissati. Dve puggalā cakkhundriyañca na parijānissanti aññātāvindriyañca na sacchikarissanti.

ya10.3.3:39.1

40.1

Yo vā pana aññātāvindriyaṁ na sacchikarissati so cakkhundriyaṁ na parijānissatīti? Āmantā. (Cakkhundriyamūlakaṁ.)

ya10.3.3:40.1

41.1

Yo domanassindriyaṁ nappajahissati so anaññātaññassāmītindriyaṁ na bhāvessatīti? Āmantā.

ya10.3.3:41.1

42.1

Yo vā pana anaññātaññassāmītindriyaṁ na bhāvessati so domanassindriyaṁ nappajahissatīti?

ya10.3.3:42.1

43.1

Cattāro puggalā anaññātaññassāmītindriyaṁ na bhāvessanti, no ca domanassindriyaṁ nappajahissanti. Pañca puggalā anaññātaññassāmītindriyañca na bhāvessanti domanassindriyañca nappajahissanti.

ya10.3.3:43.1

44.1

Yo domanassindriyaṁ nappajahissati so aññindriyaṁ na bhāvessatīti?

ya10.3.3:44.1

45.1

Dve puggalā domanassindriyaṁ nappajahissanti, no ca aññindriyaṁ na bhāvessanti. Tayo puggalā domanassindriyañca nappajahissanti aññindriyañca na bhāvessanti.

ya10.3.3:45.1

46.1

Yo vā pana aññindriyaṁ na bhāvessati so domanassindriyaṁ nappajahissatīti? Āmantā.

ya10.3.3:46.1

47.1

Yo domanassindriyaṁ nappajahissati so aññātāvindriyaṁ na sacchikarissatīti?

ya10.3.3:47.1

48.1

Tayo puggalā domanassindriyaṁ nappajahissanti, no ca aññātāvindriyaṁ na sacchikarissanti. Dve puggalā domanassindriyañca nappajahissanti aññātāvindriyañca na sacchikarissanti.

ya10.3.3:48.1

49.1

Yo vā pana aññātāvindriyaṁ na sacchikarissati so domanassindriyaṁ nappajahissatīti? Āmantā. (Domanassindriyamūlakaṁ.)

ya10.3.3:49.1

50.1

Yo anaññātaññassāmītindriyaṁ na bhāvessati so aññindriyaṁ na bhāvessatīti?

ya10.3.3:50.1

51.1

Cha puggalā anaññātaññassāmītindriyaṁ na bhāvessanti, no ca aññindriyaṁ na bhāvessanti. Tayo puggalā anaññātaññassāmītindriyañca na bhāvessanti aññindriyañca na bhāvessanti.

ya10.3.3:51.1

52.1

Yo vā pana aññindriyaṁ na bhāvessati so anaññātaññassāmītindriyaṁ na bhāvessatīti? Āmantā.

ya10.3.3:52.1

53.1

Yo anaññātaññassāmītindriyaṁ na bhāvessati so aññātāvindriyaṁ na sacchikarissatīti?

ya10.3.3:53.1

54.1

Satta puggalā anaññātaññassāmītindriyaṁ na bhāvessanti, no ca aññātāvindriyaṁ na sacchikarissanti. Dve puggalā anaññātaññassāmītindriyañca na bhāvessanti aññātāvindriyañca na sacchikarissanti.

ya10.3.3:54.1

55.1

Yo vā pana aññātāvindriyaṁ na sacchikarissati so anaññātaññassāmītindriyaṁ na bhāvessatīti? Āmantā. (Anaññātaññassāmītindriyamūlakaṁ.)

ya10.3.3:55.1

56.1

Yo aññindriyaṁ na bhāvessati so aññātāvindriyaṁ na sacchikarissatīti?

ya10.3.3:56.1

57.1

Aggamaggasamaṅgī aññindriyaṁ na bhāvessati, no ca aññātāvindriyaṁ na sacchikarissati. Dve puggalā aññindriyañca na bhāvessanti aññātāvindriyañca na sacchikarissanti.

ya10.3.3:57.1

58.1

Yo vā pana aññātāvindriyaṁ na sacchikarissati so aññindriyaṁ na bhāvessatīti? Āmantā. (Aññindriyamūlakaṁ.)

ya10.3.3:58.1