上座部佛教 · 论藏

上座部《双论》（巴利原文）

Yamaka · SuttaCentral Mahāsaṅgīti Pali root

完整原文 · 原生段落SuttaCentral YA

完整巴利原文 · 稳定分页　当前仅加载第 153 阅读页；保留 Bilara 原生段落标识，每页最多 120 段。

1770.1

Suddhāvāsaṁ upapajjantānaṁ tesaṁ tattha sotindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ arūpānaṁ tesaṁ tattha sotindriyañca na uppajjittha cakkhundriyañca na uppajjati.

ya10.2.1:1770.1

1771.1

Yassa yattha cakkhundriyaṁ na uppajjati tassa tattha ghānindriyaṁ na uppajjitthāti?

ya10.2.1:1771.1

1772.1

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha ghānindriyaṁ na uppajjittha. Rūpāvacarā cavantānaṁ asaññasattānaṁ arūpānaṁ tesaṁ tattha cakkhundriyañca na uppajjati ghānindriyañca na uppajjittha.

ya10.2.1:1772.1

1773.1

Yassa vā pana yattha ghānindriyaṁ na uppajjittha tassa tattha cakkhundriyaṁ na uppajjatīti?

ya10.2.1:1773.1

1774.1

Rūpāvacaraṁ upapajjantānaṁ tesaṁ tattha ghānindriyaṁ na uppajjittha, no ca tesaṁ tattha cakkhundriyaṁ na uppajjati. Rūpāvacarā cavantānaṁ asaññasattānaṁ arūpānaṁ tesaṁ tattha ghānindriyañca na uppajjittha cakkhundriyañca na uppajjati.

ya10.2.1:1774.1

1775.1

Yassa yattha cakkhundriyaṁ na uppajjati tassa tattha itthindriyaṁ …pe… purisindriyaṁ na uppajjitthāti?

ya10.2.1:1775.1

1776.1

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha purisindriyaṁ na uppajjittha. Rūpāvacarā cavantānaṁ asaññasattānaṁ arūpānaṁ tesaṁ tattha cakkhundriyañca na uppajjati purisindriyañca na uppajjittha.

ya10.2.1:1776.1

1777.1

Yassa vā pana yattha purisindriyaṁ na uppajjittha tassa tattha cakkhundriyaṁ na uppajjatīti?

ya10.2.1:1777.1

1778.1

Rūpāvacaraṁ upapajjantānaṁ tesaṁ tattha purisindriyaṁ na uppajjittha, no ca tesaṁ tattha cakkhundriyaṁ na uppajjati. Rūpāvacarā cavantānaṁ asaññasattānaṁ arūpānaṁ tesaṁ tattha purisindriyañca na uppajjittha cakkhundriyañca na uppajjati.

ya10.2.1:1778.1

1779.1

Yassa yattha cakkhundriyaṁ na uppajjati tassa tattha jīvitindriyaṁ na uppajjitthāti?

ya10.2.1:1779.1

1780.1

Sabbesaṁ cavantānaṁ acakkhukānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāse parinibbantānaṁ tesaṁ tattha cakkhundriyañca na uppajjati jīvitindriyañca na uppajjittha.

ya10.2.1:1780.1

1781.1

Yassa vā pana yattha jīvitindriyaṁ na uppajjittha tassa tattha cakkhundriyaṁ na uppajjatīti?

ya10.2.1:1781.1

1782.1

Suddhāvāsaṁ upapajjantānaṁ tesaṁ tattha jīvitindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ tesaṁ tattha jīvitindriyañca na uppajjittha cakkhundriyañca na uppajjati.

ya10.2.1:1782.1

1783.1

Yassa yattha cakkhundriyaṁ na uppajjati tassa tattha somanassindriyaṁ na uppajjitthāti?

ya10.2.1:1783.1

1784.1

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāse parinibbantānaṁ asaññasattānaṁ arūpānaṁ tesaṁ tattha cakkhundriyañca na uppajjati sotindriyañca na uppajjittha.

ya10.2.1:1784.1

1785.1

Yassa vā pana yattha somanassindriyaṁ na uppajjittha tassa tattha cakkhundriyaṁ na uppajjatīti?

ya10.2.1:1785.1

1786.1

Suddhāvāsaṁ upapajjantānaṁ tesaṁ tattha somanassindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ arūpānaṁ tesaṁ tattha somanassindriyañca na uppajjittha cakkhundriyañca na uppajjati.

ya10.2.1:1786.1

1787.1

Yassa yattha cakkhundriyaṁ na uppajjati tassa tattha upekkhindriyaṁ na uppajjitthāti?

ya10.2.1:1787.1

1788.1

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha cakkhundriyaṁ na uppajjati, no ca tesaṁ tattha upekkhindriyaṁ na uppajjittha. Suddhāvāse parinibbantānaṁ asaññasattānaṁ tesaṁ tattha cakkhundriyañca na uppajjati upekkhindriyañca na uppajjittha.

ya10.2.1:1788.1

1789.1

Yassa vā pana yattha upekkhindriyaṁ na uppajjittha tassa tattha cakkhundriyaṁ na uppajjatīti?

ya10.2.1:1789.1

1790.1

Suddhāvāsaṁ upapajjantānaṁ tesaṁ tattha upekkhindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ tesaṁ tattha upekkhindriyañca na uppajjittha cakkhundriyañca na uppajjati.

ya10.2.1:1790.1

1791.1

Yassa yattha cakkhundriyaṁ na uppajjati tassa tattha saddhindriyaṁ …pe… paññindriyaṁ …pe… manindriyaṁ na uppajjitthāti?

ya10.2.1:1791.1

1792.1

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha cakkhundriyaṁ na uppajjati, no ca tesaṁ tattha manindriyaṁ na uppajjittha. Suddhāvāse parinibbantānaṁ asaññasattānaṁ tesaṁ tattha cakkhundriyañca na uppajjati manindriyañca na uppajjittha.

ya10.2.1:1792.1

1793.1

Yassa vā pana yattha manindriyaṁ na uppajjittha tassa tattha cakkhundriyaṁ na uppajjatīti?

ya10.2.1:1793.1

1794.1

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ tesaṁ tattha manindriyañca na uppajjittha cakkhundriyañca na uppajjati. (Cakkhundriyamūlakaṁ.)

ya10.2.1:1794.1

1795.1

Yassa yattha ghānindriyaṁ na uppajjati tassa tattha itthindriyaṁ …pe… purisindriyaṁ na uppajjitthāti?

ya10.2.1:1795.1

1796.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha purisindriyaṁ na uppajjittha. Rūpāvacarānaṁ arūpāvacarānaṁ tesaṁ tattha ghānindriyañca na uppajjati purisindriyañca na uppajjittha.

ya10.2.1:1796.1

1797.1

Yassa vā pana yattha purisindriyaṁ na uppajjittha tassa tattha ghānindriyaṁ na uppajjatīti? Āmantā.

ya10.2.1:1797.1

1798.1

Yassa yattha ghānindriyaṁ na uppajjati tassa tattha jīvitindriyaṁ na uppajjitthāti?

ya10.2.1:1798.1

1799.1

Sabbesaṁ cavantānaṁ aghānakānaṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha ghānindriyañca na uppajjati jīvitindriyañca na uppajjittha.

ya10.2.1:1799.1

1800.1

Yassa vā pana yattha jīvitindriyaṁ na uppajjittha tassa tattha ghānindriyaṁ na uppajjatīti? Āmantā.

ya10.2.1:1800.1

1801.1

Yassa yattha ghānindriyaṁ na uppajjati tassa tattha somanassindriyaṁ na uppajjitthāti?

ya10.2.1:1801.1

1802.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha ghānindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha ghānindriyañca na uppajjati somanassindriyañca na uppajjittha.

ya10.2.1:1802.1

1803.1

Yassa vā pana yattha somanassindriyaṁ na uppajjittha tassa tattha ghānindriyaṁ na uppajjatīti? Āmantā.

ya10.2.1:1803.1

1804.1

Yassa yattha ghānindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

ya10.2.1:1804.1

1805.1

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha ghānindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha ghānindriyañca na uppajjati manindriyañca na uppajjittha.

ya10.2.1:1805.1

1806.1

Yassa vā pana yattha manindriyaṁ na uppajjittha tassa tattha ghānindriyaṁ na uppajjatīti? Āmantā. (Ghānindriyamūlakaṁ.)

ya10.2.1:1806.1

1807.1

Yassa yattha itthindriyaṁ na uppajjati tassa tattha purisindriyaṁ na uppajjitthāti?

ya10.2.1:1807.1

1808.1

Kāmāvacarā cavantānaṁ na itthīnaṁ kāmāvacaraṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha purisindriyaṁ na uppajjittha. Rūpāvacarānaṁ arūpāvacarānaṁ tesaṁ tattha itthindriyañca na uppajjati purisindriyañca na uppajjittha.

ya10.2.1:1808.1

1809.1

Yassa vā pana yattha purisindriyaṁ na uppajjittha tassa tattha itthindriyaṁ na uppajjatīti? Āmantā.

ya10.2.1:1809.1

1810.1

Yassa yattha itthindriyaṁ na uppajjati tassa tattha jīvitindriyaṁ na uppajjitthāti?

ya10.2.1:1810.1

1811.1

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha itthindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha itthindriyañca na uppajjati jīvitindriyañca na uppajjittha.

ya10.2.1:1811.1

1812.1

Yassa vā pana yattha jīvitindriyaṁ na uppajjittha tassa tattha itthindriyaṁ na uppajjatīti? Āmantā.

ya10.2.1:1812.1

1813.1

Yassa yattha itthindriyaṁ na uppajjati tassa tattha somanassindriyaṁ na uppajjitthāti?

ya10.2.1:1813.1

1814.1

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ tesaṁ tattha itthindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha itthindriyañca na uppajjati somanassindriyañca na uppajjittha.

ya10.2.1:1814.1

1815.1

Yassa vā pana yattha somanassindriyaṁ na uppajjittha tassa tattha itthindriyaṁ na uppajjatīti? Āmantā.

ya10.2.1:1815.1

1816.1

Yassa yattha itthindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

ya10.2.1:1816.1

1817.1

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha itthindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha itthindriyañca na uppajjati manindriyañca na uppajjittha.

ya10.2.1:1817.1

1818.1

Yassa vā pana yattha manindriyaṁ na uppajjittha tassa tattha itthindriyaṁ na uppajjatīti? Āmantā. (Itthindriyamūlakaṁ.)

ya10.2.1:1818.1

1819.1

Yassa yattha purisindriyaṁ na uppajjati tassa tattha jīvitindriyaṁ na uppajjitthāti?

ya10.2.1:1819.1

1820.1

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha purisindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha purisindriyañca na uppajjati jīvitindriyañca na uppajjittha.

ya10.2.1:1820.1

1821.1

Yassa vā pana yattha jīvitindriyaṁ na uppajjittha tassa tattha purisindriyaṁ na uppajjatīti? Āmantā.

ya10.2.1:1821.1

1822.1

Yassa yattha purisindriyaṁ na uppajjati tassa tattha somanassindriyaṁ na uppajjitthāti?

ya10.2.1:1822.1

1823.1

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ tesaṁ tattha purisindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha purisindriyañca na uppajjati somanassindriyañca na uppajjittha.

ya10.2.1:1823.1

1824.1

Yassa vā pana yattha somanassindriyaṁ na uppajjittha tassa tattha purisindriyaṁ na uppajjatīti? Āmantā.

ya10.2.1:1824.1

1825.1

Yassa yattha purisindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

ya10.2.1:1825.1

1826.1

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha purisindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha purisindriyañca na uppajjati manindriyañca na uppajjittha.

ya10.2.1:1826.1

1827.1

Yassa vā pana yattha manindriyaṁ na uppajjittha tassa tattha purisindriyaṁ na uppajjatīti? Āmantā. (Purisindriyamūlakaṁ.)

ya10.2.1:1827.1

1828.1

Yassa yattha jīvitindriyaṁ na uppajjati tassa tattha somanassindriyaṁ na uppajjitthāti?

ya10.2.1:1828.1

1829.1

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha jīvitindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha jīvitindriyañca na uppajjati somanassindriyañca na uppajjittha.

ya10.2.1:1829.1

1830.1

Yassa vā pana yattha somanassindriyaṁ na uppajjittha tassa tattha jīvitindriyaṁ na uppajjatīti?

ya10.2.1:1830.1

1831.1

Suddhāvāsānaṁ upapatticittassa uppādakkhaṇe asaññasattaṁ upapajjantānaṁ tesaṁ tattha somanassindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha somanassindriyañca na uppajjittha jīvitindriyañca na uppajjati.

ya10.2.1:1831.1

1832.1

Yassa yattha jīvitindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

ya10.2.1:1832.1

1833.1

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha jīvitindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha jīvitindriyañca na uppajjati manindriyañca na uppajjittha.

ya10.2.1:1833.1

1834.1

Yassa vā pana yattha manindriyaṁ na uppajjittha tassa tattha jīvitindriyaṁ na uppajjatīti?

ya10.2.1:1834.1

1835.1

Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha jīvitindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha manindriyañca na uppajjittha jīvitindriyañca na uppajjati. (Jīvitindriyamūlakaṁ.)

ya10.2.1:1835.1

1836.1

Yassa yattha somanassindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

ya10.2.1:1836.1

1837.1

Sabbesaṁ cittassa bhaṅgakkhaṇe somanassavippayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsaṁ upapajjantānaṁ asaññasattānaṁ tesaṁ tattha somanassindriyañca na uppajjati manindriyañca na uppajjittha.

ya10.2.1:1837.1

1838.1

Yassa vā pana yattha manindriyaṁ na uppajjittha tassa tattha somanassindriyaṁ na uppajjatīti? Āmantā. (Somanassindriyamūlakaṁ.)

ya10.2.1:1838.1

1839.1

Yassa yattha upekkhindriyaṁ na uppajjati tassa tattha saddhindriyaṁ na uppajjitthāti?

ya10.2.1:1839.1

1840.1

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha saddhindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha upekkhindriyañca na uppajjati saddhindriyañca na uppajjittha.

ya10.2.1:1840.1

1841.1

Yassa vā pana yattha saddhindriyaṁ na uppajjittha tassa tattha upekkhindriyaṁ na uppajjatīti?

ya10.2.1:1841.1

1842.1

Suddhāvāsaṁ upapajjantānaṁ tesaṁ tattha saddhindriyaṁ na uppajjittha, no ca tesaṁ tattha upekkhindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha saddhindriyañca na uppajjittha upekkhindriyañca na uppajjati.

ya10.2.1:1842.1

1843.1

Yassa yattha upekkhindriyaṁ na uppajjati tassa tattha paññindriyaṁ …pe… manindriyaṁ na uppajjitthāti?

ya10.2.1:1843.1

1844.1

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha upekkhindriyañca na uppajjati manindriyañca na uppajjittha.

ya10.2.1:1844.1

1845.1

Yassa vā pana yattha manindriyaṁ na uppajjittha tassa tattha upekkhindriyaṁ na uppajjatīti?

ya10.2.1:1845.1

1846.1

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha upekkhindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha manindriyañca na uppajjittha upekkhindriyañca na uppajjati. (Upekkhindriyamūlakaṁ.)

ya10.2.1:1846.1

1847.1

Yassa yattha saddhindriyaṁ na uppajjati tassa tattha paññindriyaṁ …pe… manindriyaṁ na uppajjitthāti?

ya10.2.1:1847.1

1848.1

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha saddhindriyañca na uppajjati manindriyañca na uppajjittha.

ya10.2.1:1848.1

1849.1

Yassa vā pana yattha manindriyaṁ na uppajjittha tassa tattha saddhindriyaṁ na uppajjatīti?

ya10.2.1:1849.1

1850.1

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha saddhindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha manindriyañca na uppajjittha saddhindriyañca na uppajjati. (Saddhindriyamūlakaṁ.)

ya10.2.1:1850.1

1851.1

Yassa yattha paññindriyaṁ na uppajjati tassa tattha manindriyaṁ na uppajjitthāti?

ya10.2.1:1851.1

1852.1

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha paññindriyañca na uppajjati manindriyañca na uppajjittha.

ya10.2.1:1852.1

1853.1

Yassa vā pana yattha manindriyaṁ na uppajjittha tassa tattha paññindriyaṁ na uppajjatīti?

ya10.2.1:1853.1

1854.1

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha paññindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha manindriyañca na uppajjittha paññindriyañca na uppajjati. (Paññindriyamūlakaṁ.)

ya10.2.1:1854.1

1855.0.1

10.2.1.5. Paccuppannānāgatavāra

ya10.2.1:1855.0.1

1855.0.2

10.2.1.5.1. Anulomapuggala

ya10.2.1:1855.0.2

1855.1

Yassa cakkhundriyaṁ uppajjati tassa sotindriyaṁ uppajjissatīti?

ya10.2.1:1855.1

1856.1

Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ sotindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati sotindriyañca uppajjissati.

ya10.2.1:1856.1

1857.1

Yassa vā pana sotindriyaṁ uppajjissati tassa cakkhundriyaṁ uppajjatīti?

ya10.2.1:1857.1

1858.1

Sabbesaṁ cavantānaṁ acakkhukānaṁ upapajjantānaṁ tesaṁ sotindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ sotindriyañca uppajjissati cakkhundriyañca uppajjati.

ya10.2.1:1858.1

1859.1

Yassa cakkhundriyaṁ uppajjati tassa ghānindriyaṁ uppajjissatīti?

ya10.2.1:1859.1

1860.1

Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ ghānindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati ghānindriyañca uppajjissati.

ya10.2.1:1860.1

1861.1

Yassa vā pana ghānindriyaṁ uppajjissati tassa cakkhundriyaṁ uppajjatīti?

ya10.2.1:1861.1

1862.1

Sabbesaṁ cavantānaṁ acakkhukānaṁ upapajjantānaṁ tesaṁ ghānindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ ghānindriyañca uppajjissati cakkhundriyañca uppajjati.

ya10.2.1:1862.1

1863.1

Yassa cakkhundriyaṁ uppajjati tassa itthindriyaṁ uppajjissatīti?

ya10.2.1:1863.1

1864.1

Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ itthindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati itthindriyañca uppajjissati.

ya10.2.1:1864.1

1865.1

Yassa vā pana itthindriyaṁ uppajjissati tassa cakkhundriyaṁ uppajjatīti?

ya10.2.1:1865.1

1866.1

Sabbesaṁ cavantānaṁ acakkhukānaṁ upapajjantānaṁ tesaṁ itthindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ itthindriyañca uppajjissati cakkhundriyañca uppajjati.

ya10.2.1:1866.1

1867.1

Yassa cakkhundriyaṁ uppajjati tassa purisindriyaṁ uppajjissatīti? (Sadisaṁ)

ya10.2.1:1867.1

1868.1

Yassa cakkhundriyaṁ uppajjati tassa jīvitindriyaṁ uppajjissatīti?

ya10.2.1:1868.1

1869.1

Pacchimabhavikānaṁ pañcavokāraṁ upapajjantānaṁ tesaṁ cakkhundriyaṁ uppajjati, no ca tesaṁ jīvitindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati jīvitindriyañca uppajjissati.

ya10.2.1:1869.1

1870.1

Yassa vā pana jīvitindriyaṁ uppajjissati tassa cakkhundriyaṁ uppajjatīti?

ya10.2.1:1870.1

1871.1

Sabbesaṁ cavantānaṁ acakkhukānaṁ upapajjantānaṁ tesaṁ jīvitindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ jīvitindriyañca uppajjissati cakkhundriyañca uppajjati.

ya10.2.1:1871.1

1872.1

Yassa cakkhundriyaṁ uppajjati tassa somanassindriyaṁ uppajjissatīti?

ya10.2.1:1872.1

1873.1

Pacchimabhavikānaṁ pañcavokāraṁ upapajjantānaṁ ye ca sacakkhukā upekkhāya upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ somanassindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati somanassindriyañca uppajjissati.

ya10.2.1:1873.1

1874.1

Yassa vā pana somanassindriyaṁ uppajjissati tassa cakkhundriyaṁ uppajjatīti?

ya10.2.1:1874.1

1875.1

Sabbesaṁ cavantānaṁ acakkhukānaṁ upapajjantānaṁ tesaṁ somanassindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ somanassindriyañca uppajjissati cakkhundriyañca uppajjati.

ya10.2.1:1875.1

1876.1

Yassa cakkhundriyaṁ uppajjati tassa upekkhindriyaṁ uppajjissatīti?

ya10.2.1:1876.1

1877.1

Pacchimabhavikānaṁ pañcavokāraṁ upapajjantānaṁ ye ca sacakkhukā somanassena upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ upekkhindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati upekkhindriyañca uppajjissati.

ya10.2.1:1877.1

1878.1

Yassa vā pana upekkhindriyaṁ uppajjissati tassa cakkhundriyaṁ uppajjatīti?

ya10.2.1:1878.1

1879.1

Sabbesaṁ cavantānaṁ acakkhukānaṁ upapajjantānaṁ tesaṁ upekkhindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ upekkhindriyañca uppajjissati cakkhundriyañca uppajjati.

ya10.2.1:1879.1

1880.1

Yassa cakkhundriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

ya10.2.1:1880.1

1881.1

Pacchimabhavikānaṁ pañcavokāraṁ upapajjantānaṁ tesaṁ cakkhundriyaṁ uppajjati, no ca tesaṁ manindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati manindriyañca uppajjissati.

ya10.2.1:1881.1

1882.1

Yassa vā pana manindriyaṁ uppajjissati tassa cakkhundriyaṁ uppajjatīti?

ya10.2.1:1882.1

1883.1

Sabbesaṁ cavantānaṁ acakkhukānaṁ upapajjantānaṁ tesaṁ manindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ manindriyañca uppajjissati cakkhundriyañca uppajjati. (Cakkhundriyamūlakaṁ.)

ya10.2.1:1883.1

1884.1

Yassa ghānindriyaṁ uppajjati tassa itthindriyaṁ uppajjissatīti?

ya10.2.1:1884.1

1885.1

Pacchimabhavikānaṁ kāmāvacaraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ ghānindriyaṁ uppajjati, no ca tesaṁ itthindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati itthindriyañca uppajjissati.

ya10.2.1:1885.1

1886.1

Yassa vā pana itthindriyaṁ uppajjissati tassa ghānindriyaṁ uppajjatīti?

ya10.2.1:1886.1

1887.1

Sabbesaṁ cavantānaṁ aghānakānaṁ upapajjantānaṁ tesaṁ itthindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ itthindriyañca uppajjissati ghānindriyañca uppajjati.

ya10.2.1:1887.1