上座部佛教 · 论藏

上座部《双论》（巴利原文）

Yamaka · SuttaCentral Mahāsaṅgīti Pali root

完整原文 · 原生段落SuttaCentral YA

完整巴利原文 · 稳定分页　当前仅加载第 82 阅读页；保留 Bilara 原生段落标识，每页最多 120 段。

116.1

Rūpadhātuyā arūpadhātuyā ettha mānānusayo anuseti, no ca tattha kāmarāgānusayo ca paṭighānusayo ca anusenti. Kāmadhātuyā dvīsu vedanāsu ettha mānānusayo ca kāmarāgānusayo ca anusenti, no ca tattha paṭighānusayo anuseti.

ya7.2.1:116.1

117.1

Yattha kāmarāgānusayo ca paṭighānusayo ca anusenti tattha diṭṭhānusayo …pe… vicikicchānusayo anusetīti? Natthi.

ya7.2.1:117.1

118.1

Yattha vā pana vicikicchānusayo anuseti tattha kāmarāgānusayo ca paṭighānusayo ca anusentīti?

ya7.2.1:118.1

119.1

Rūpadhātuyā arūpadhātuyā ettha vicikicchānusayo anuseti, no ca tattha kāmarāgānusayo ca paṭighānusayo ca anusenti. Kāmadhātuyā dvīsu vedanāsu ettha vicikicchānusayo ca kāmarāgānusayo ca anusenti, no ca tattha paṭighānusayo anuseti. Dukkhāya vedanāya ettha vicikicchānusayo ca paṭighānusayo ca anusenti, no ca tattha kāmarāgānusayo anuseti.

ya7.2.1:119.1

120.1

Yattha kāmarāgānusayo ca paṭighānusayo ca anusenti tattha bhavarāgānusayo anusetīti? Natthi.

ya7.2.1:120.1

121.1

Yattha vā pana bhavarāgānusayo anuseti tattha kāmarāgānusayo ca paṭighānusayo ca anusentīti? No.

ya7.2.1:121.1

122.1

Yattha kāmarāgānusayo ca paṭighānusayo ca anusenti tattha avijjānusayo anusetīti? Natthi.

ya7.2.1:122.1

123.1

Yattha vā pana avijjānusayo anuseti tattha kāmarāgānusayo ca paṭighānusayo ca anusentīti?

ya7.2.1:123.1

124.1

Rūpadhātuyā arūpadhātuyā ettha avijjānusayo anuseti, no ca tattha kāmarāgānusayo ca paṭighānusayo ca anusenti. Kāmadhātuyā dvīsu vedanāsu ettha avijjānusayo ca kāmarāgānusayo ca anusenti, no ca tattha paṭighānusayo anuseti. Dukkhāya vedanāya ettha avijjānusayo ca paṭighānusayo ca anusenti, no ca tattha kāmarāgānusayo anuseti. (Dukamūlakaṁ.)

ya7.2.1:124.1

125.1

Yattha kāmarāgānusayo ca paṭighānusayo ca mānānusayo ca anusenti tattha diṭṭhānusayo …pe… vicikicchānusayo anusetīti? Natthi.

ya7.2.1:125.1

126.1

Yattha vā pana vicikicchānusayo anuseti tattha kāmarāgānusayo ca paṭighānusayo ca mānānusayo ca anusentīti?

ya7.2.1:126.1

127.1

Rūpadhātuyā arūpadhātuyā ettha vicikicchānusayo ca mānānusayo ca anusenti, no ca tattha kāmarāgānusayo ca paṭighānusayo ca anusenti. Kāmadhātuyā dvīsu vedanāsu ettha vicikicchānusayo ca kāmarāgānusayo ca mānānusayo ca anusenti, no ca tattha paṭighānusayo anuseti. Dukkhāya vedanāya ettha vicikicchānusayo ca paṭighānusayo ca anusenti, no ca tattha kāmarāgānusayo ca mānānusayo ca anusenti.

ya7.2.1:127.1

128.1

Yattha kāmarāgānusayo ca paṭighānusayo ca mānānusayo ca anusenti tattha bhavarāgānusayo anusetīti? Natthi.

ya7.2.1:128.1

129.1

Yattha vā pana bhavarāgānusayo anuseti tattha kāmarāgānusayo ca paṭighānusayo ca mānānusayo ca anusentīti?

ya7.2.1:129.1

130.1

Rūpadhātuyā arūpadhātuyā ettha bhavarāgānusayo ca mānānusayo ca anusenti, no ca tattha kāmarāgānusayo ca paṭighānusayo ca anusenti.

ya7.2.1:130.1

131.1

Yattha kāmarāgānusayo ca paṭighānusayo ca mānānusayo ca anusenti tattha avijjānusayo anusetīti? Natthi.

ya7.2.1:131.1

132.1

Yattha vā pana avijjānusayo anuseti tattha kāmarāgānusayo ca paṭighānusayo ca mānānusayo ca anusentīti?

ya7.2.1:132.1

133.1

Rūpadhātuyā arūpadhātuyā ettha avijjānusayo ca mānānusayo ca anusenti, no ca tattha kāmarāgānusayo ca paṭighānusayo ca anusenti. Kāmadhātuyā dvīsu vedanāsu ettha avijjānusayo ca kāmarāgānusayo ca mānānusayo ca anusenti, no ca tattha paṭighānusayo anuseti. Dukkhāya vedanāya ettha avijjānusayo ca paṭighānusayo ca anusenti, no ca tattha kāmarāgānusayo ca mānānusayo ca anusenti. (Tikamūlakaṁ.)

ya7.2.1:133.1

134.1

Yattha kāmarāgānusayo ca paṭighānusayo ca mānānusayo ca diṭṭhānusayo ca anusenti tattha vicikicchānusayo anusetīti? Natthi.

ya7.2.1:134.1

135.1

Yattha vā pana vicikicchānusayo anuseti tattha kāmarāgānusayo ca paṭighānusayo ca mānānusayo ca diṭṭhānusayo ca anusentīti?

ya7.2.1:135.1

136.1

Rūpadhātuyā arūpadhātuyā ettha vicikicchānusayo ca mānānusayo ca diṭṭhānusayo ca anusenti, no ca tattha kāmarāgānusayo ca paṭighānusayo ca anusenti. Kāmadhātuyā dvīsu vedanāsu ettha vicikicchānusayo ca kāmarāgānusayo ca mānānusayo ca diṭṭhānusayo ca anusenti, no ca tattha paṭighānusayo anuseti. Dukkhāya vedanāya ettha vicikicchānusayo ca paṭighānusayo ca diṭṭhānusayo ca anusenti, no ca tattha kāmarāgānusayo ca mānānusayo ca anusenti.

ya7.2.1:136.1

137.1

Yattha kāmarāgānusayo ca paṭighānusayo ca mānānusayo ca diṭṭhānusayo ca anusenti tattha bhavarāgānusayo anusetīti? Natthi.

ya7.2.1:137.1

138.1

Yattha vā pana bhavarāgānusayo anuseti tattha kāmarāgānusayo ca paṭighānusayo ca mānānusayo ca diṭṭhānusayo ca anusentīti?

ya7.2.1:138.1

139.1

Rūpadhātuyā arūpadhātuyā ettha bhavarāgānusayo ca mānānusayo ca diṭṭhānusayo ca anusenti, no ca tattha kāmarāgānusayo ca paṭighānusayo ca anusenti.

ya7.2.1:139.1

140.1

Yattha kāmarāgānusayo ca paṭighānusayo ca mānānusayo ca diṭṭhānusayo ca anusenti tattha avijjānusayo anusetīti? Natthi.

ya7.2.1:140.1

141.1

Yattha vā pana avijjānusayo anuseti tattha kāmarāgānusayo ca paṭighānusayo ca mānānusayo ca diṭṭhānusayo ca anusentīti?

ya7.2.1:141.1

142.1

Rūpadhātuyā arūpadhātuyā ettha avijjānusayo ca mānānusayo ca diṭṭhānusayo ca anusenti, no ca tattha kāmarāgānusayo ca paṭighānusayo ca anusenti. Kāmadhātuyā dvīsu vedanāsu ettha avijjānusayo ca kāmarāgānusayo ca mānānusayo ca diṭṭhānusayo ca anusenti, no ca tattha paṭighānusayo anuseti. Dukkhāya vedanāya ettha avijjānusayo ca paṭighānusayo ca diṭṭhānusayo ca anusenti, no ca tattha kāmarāgānusayo ca mānānusayo ca anusenti. (Catukkamūlakaṁ.)

ya7.2.1:142.1

143.1

Yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca anusenti tattha bhavarāgānusayo anusetīti? Natthi.

ya7.2.1:143.1

144.1

Yattha vā pana bhavarāgānusayo anuseti tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca anusentīti?

ya7.2.1:144.1

145.1

Rūpadhātuyā arūpadhātuyā ettha bhavarāgānusayo ca mānānusayo ca diṭṭhānusayo ca vicikicchānusayo ca anusenti, no ca tattha kāmarāgānusayo ca paṭighānusayo ca anusenti.

ya7.2.1:145.1

146.1

Yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca anusenti tattha avijjānusayo anusetīti? Natthi.

ya7.2.1:146.1

147.1

Yattha vā pana avijjānusayo anuseti tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca anusentīti?

ya7.2.1:147.1

148.1

Rūpadhātuyā arūpadhātuyā ettha avijjānusayo ca mānānusayo ca diṭṭhānusayo ca vicikicchānusayo ca anusenti, no ca tattha kāmarāgānusayo ca paṭighānusayo ca anusenti. Kāmadhātuyā dvīsu vedanāsu ettha avijjānusayo ca kāmarāgānusayo ca mānānusayo ca diṭṭhānusayo ca vicikicchānusayo ca anusenti, no ca tattha paṭighānusayo anuseti. Dukkhāya vedanāya ettha avijjānusayo ca paṭighānusayo ca diṭṭhānusayo ca vicikicchānusayo ca anusenti, no ca tattha kāmarāgānusayo ca mānānusayo ca anusenti. (Pañcakamūlakaṁ.)

ya7.2.1:148.1

149.1

Yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca anusenti tattha avijjānusayo anusetīti? Natthi.

ya7.2.1:149.1

150.1

Yattha vā pana avijjānusayo anuseti tattha kāmarāgānusayo ca …pe… bhavarāgānusayo ca anusentīti?

ya7.2.1:150.1

151.1

Rūpadhātuyā arūpadhātuyā ettha avijjānusayo ca mānānusayo ca diṭṭhānusayo ca vicikicchānusayo ca bhavarāgānusayo ca anusenti, no ca tattha kāmarāgānusayo ca paṭighānusayo ca anusenti. Kāmadhātuyā dvīsu vedanāsu ettha avijjānusayo ca kāmarāgānusayo ca mānānusayo ca diṭṭhānusayo ca vicikicchānusayo ca anusenti, no ca tattha paṭighānusayo ca bhavarāgānusayo ca anusenti. Dukkhāya vedanāya ettha avijjānusayo ca paṭighānusayo ca diṭṭhānusayo ca vicikicchānusayo ca anusenti, no ca tattha kāmarāgānusayo ca mānānusayo ca bhavarāgānusayo ca anusenti. (Chakkamūlakaṁ.)

ya7.2.1:151.1

152.0

7.2.1.3. Anulomapuggalokāsa

ya7.2.1:152.0

152.1

Yassa yattha kāmarāgānusayo anuseti tassa tattha paṭighānusayo anusetīti? No.

ya7.2.1:152.1

153.1

Yassa vā pana yattha paṭighānusayo anuseti tassa tattha kāmarāgānusayo anusetīti? No.

ya7.2.1:153.1

154.1

Yassa yattha kāmarāgānusayo anuseti tassa tattha mānānusayo anusetīti? Āmantā.

ya7.2.1:154.1

155.1

Yassa vā pana yattha mānānusayo anuseti tassa tattha kāmarāgānusayo anusetīti?

ya7.2.1:155.1

156.1

Anāgāmissa kāmadhātuyā dvīsu vedanāsu rūpadhātuyā arūpadhātuyā tassa tattha mānānusayo anuseti, no ca tassa tattha kāmarāgānusayo anuseti. Tiṇṇaṁ puggalānaṁ rūpadhātuyā arūpadhātuyā tesaṁ tattha mānānusayo anuseti, no ca tesaṁ tattha kāmarāgānusayo anuseti. Tesaññeva puggalānaṁ kāmadhātuyā dvīsu vedanāsu tesaṁ tattha mānānusayo ca anuseti kāmarāgānusayo ca anuseti.

ya7.2.1:156.1

157.1

Yassa yattha kāmarāgānusayo anuseti tassa tattha diṭṭhānusayo …pe… vicikicchānusayo anusetīti?

ya7.2.1:157.1

158.1

Dvinnaṁ puggalānaṁ kāmadhātuyā dvīsu vedanāsu tesaṁ tattha kāmarāgānusayo anuseti, no ca tesaṁ tattha vicikicchānusayo anuseti. Puthujjanassa kāmadhātuyā dvīsu vedanāsu tassa tattha kāmarāgānusayo ca anuseti vicikicchānusayo ca anuseti.

ya7.2.1:158.1

159.1

Yassa vā pana yattha vicikicchānusayo anuseti tassa tattha kāmarāgānusayo anusetīti?

ya7.2.1:159.1

160.1

Puthujjanassa dukkhāya vedanāya rūpadhātuyā arūpadhātuyā tassa tattha vicikicchānusayo anuseti, no ca tassa tattha kāmarāgānusayo anuseti. Tasseva puggalassa kāmadhātuyā dvīsu vedanāsu tassa tattha vicikicchānusayo ca anuseti kāmarāgānusayo ca anuseti.

ya7.2.1:160.1

161.1

Yassa yattha kāmarāgānusayo anuseti tassa tattha bhavarāgānusayo anusetīti? No.

ya7.2.1:161.1

162.1

Yassa vā pana yattha bhavarāgānusayo anuseti tassa tattha kāmarāgānusayo anusetīti? No.

ya7.2.1:162.1

163.1

Yassa yattha kāmarāgānusayo anuseti tassa tattha avijjānusayo anusetīti? Āmantā.

ya7.2.1:163.1

164.1

Yassa vā pana yattha avijjānusayo anuseti tassa tattha kāmarāgānusayo anusetīti?

ya7.2.1:164.1

165.1

Anāgāmissa kāmadhātuyā tīsu vedanāsu rūpadhātuyā arūpadhātuyā tassa tattha avijjānusayo anuseti, no ca tassa tattha kāmarāgānusayo anuseti. Tiṇṇaṁ puggalānaṁ dukkhāya vedanāya rūpadhātuyā arūpadhātuyā tesaṁ tattha avijjānusayo anuseti, no ca tesaṁ tattha kāmarāgānusayo anuseti. Tesaññeva puggalānaṁ kāmadhātuyā dvīsu vedanāsu tesaṁ tattha avijjānusayo ca anuseti kāmarāgānusayo ca anuseti.

ya7.2.1:165.1

166.1

Yassa yattha paṭighānusayo anuseti tassa tattha mānānusayo anusetīti? No.

ya7.2.1:166.1

167.1

Yassa vā pana yattha mānānusayo anuseti tassa tattha paṭighānusayo anusetīti? No.

ya7.2.1:167.1

168.1

Yassa yattha paṭighānusayo anuseti tassa tattha diṭṭhānusayo …pe… vicikicchānusayo anusetīti?

ya7.2.1:168.1

169.1

Dvinnaṁ puggalānaṁ dukkhāya vedanāya tesaṁ tattha paṭighānusayo anuseti, no ca tesaṁ tattha vicikicchānusayo anuseti. Puthujjanassa dukkhāya vedanāya tassa tattha paṭighānusayo ca anuseti vicikicchānusayo ca anuseti.

ya7.2.1:169.1

170.1

Yassa vā pana yattha vicikicchānusayo anuseti tassa tattha paṭighānusayo anusetīti?

ya7.2.1:170.1

171.1

Puthujjanassa kāmadhātuyā dvīsu vedanāsu rūpadhātuyā arūpadhātuyā tassa tattha vicikicchānusayo anuseti, no ca tassa tattha paṭighānusayo anuseti. Tasseva puggalassa dukkhāya vedanāya tassa tattha vicikicchānusayo ca anuseti paṭighānusayo ca anuseti.

ya7.2.1:171.1

172.1

Yassa yattha paṭighānusayo anuseti tassa tattha bhavarāgānusayo anusetīti? No.

ya7.2.1:172.1

173.1

Yassa vā pana yattha bhavarāgānusayo anuseti tassa tattha paṭighānusayo anusetīti? No.

ya7.2.1:173.1

174.1

Yassa yattha paṭighānusayo anuseti tassa tattha avijjānusayo anusetīti? Āmantā.

ya7.2.1:174.1

175.1

Yassa vā pana yattha avijjānusayo anuseti tassa tattha paṭighānusayo anusetīti?

ya7.2.1:175.1

176.1

Anāgāmissa kāmadhātuyā tīsu vedanāsu rūpadhātuyā arūpadhātuyā tassa tattha avijjānusayo anuseti, no ca tassa tattha paṭighānusayo anuseti. Tiṇṇaṁ puggalānaṁ kāmadhātuyā dvīsu vedanāsu rūpadhātuyā arūpadhātuyā tesaṁ tattha avijjānusayo anuseti, no ca tesaṁ tattha paṭighānusayo anuseti. Tesaññeva puggalānaṁ dukkhāya vedanāya tesaṁ tattha avijjānusayo ca anuseti paṭighānusayo ca anuseti.

ya7.2.1:176.1

177.1

Yassa yattha mānānusayo anuseti tassa tattha diṭṭhānusayo …pe… vicikicchānusayo anusetīti?

ya7.2.1:177.1

178.1

Tiṇṇaṁ puggalānaṁ kāmadhātuyā dvīsu vedanāsu rūpadhātuyā arūpadhātuyā tesaṁ tattha mānānusayo anuseti, no ca tesaṁ tattha vicikicchānusayo anuseti. Puthujjanassa kāmadhātuyā dvīsu vedanāsu rūpadhātuyā arūpadhātuyā tassa tattha mānānusayo ca anuseti vicikicchānusayo ca anuseti.

ya7.2.1:178.1

179.1

Yassa vā pana yattha vicikicchānusayo anuseti tassa tattha mānānusayo anusetīti?

ya7.2.1:179.1

180.1

Puthujjanassa dukkhāya vedanāya tassa tattha vicikicchānusayo anuseti, no ca tassa tattha mānānusayo anuseti. Tasseva puggalassa kāmadhātuyā dvīsu vedanāsu rūpadhātuyā arūpadhātuyā tassa tattha vicikicchānusayo ca anuseti mānānusayo ca anuseti.

ya7.2.1:180.1

181.1

Yassa yattha mānānusayo anuseti tassa tattha bhavarāgānusayo anusetīti?

ya7.2.1:181.1

182.1

Catunnaṁ puggalānaṁ kāmadhātuyā dvīsu vedanāsu tesaṁ tattha mānānusayo anuseti, no ca tesaṁ tattha bhavarāgānusayo anuseti. Tesaññeva puggalānaṁ rūpadhātuyā arūpadhātuyā tesaṁ tattha mānānusayo ca anuseti bhavarāgānusayo ca anuseti.

ya7.2.1:182.1

183.1

Yassa vā pana yattha bhavarāgānusayo anuseti tassa tattha mānānusayo anusetīti? Āmantā.

ya7.2.1:183.1

184.1

Yassa yattha mānānusayo anuseti tassa tattha avijjānusayo anusetīti? Āmantā.

ya7.2.1:184.1

185.1

Yassa vā pana yattha avijjānusayo anuseti tassa tattha mānānusayo anusetīti?

ya7.2.1:185.1

186.1

Catunnaṁ puggalānaṁ dukkhāya vedanāya tesaṁ tattha avijjānusayo anuseti, no ca tesaṁ tattha mānānusayo anuseti. Tesaññeva puggalānaṁ kāmadhātuyā dvīsu vedanāsu rūpadhātuyā arūpadhātuyā tesaṁ tattha avijjānusayo ca anuseti mānānusayo ca anuseti.

ya7.2.1:186.1

187.1

Yassa yattha diṭṭhānusayo anuseti tassa tattha vicikicchānusayo anusetīti? Āmantā.

ya7.2.1:187.1

188.1

Yassa vā pana yattha vicikicchānusayo anuseti tassa tattha diṭṭhānusayo anusetīti? Āmantā.

ya7.2.1:188.1

189.1

Yassa yattha diṭṭhānusayo …pe… vicikicchānusayo anuseti tassa tattha bhavarāgānusayo anusetīti?

ya7.2.1:189.1

190.1

Puthujjanassa kāmadhātuyā tīsu vedanāsu tassa tattha vicikicchānusayo anuseti, no ca tassa tattha bhavarāgānusayo anuseti. Tasseva puggalassa rūpadhātuyā arūpadhātuyā tassa tattha vicikicchānusayo ca anuseti bhavarāgānusayo ca anuseti.

ya7.2.1:190.1

191.1

Yassa vā pana yattha bhavarāgānusayo anuseti tassa tattha vicikicchānusayo anusetīti?

ya7.2.1:191.1

192.1

Tiṇṇaṁ puggalānaṁ rūpadhātuyā arūpadhātuyā tesaṁ tattha bhavarāgānusayo anuseti, no ca tesaṁ tattha vicikicchānusayo anuseti. Puthujjanassa rūpadhātuyā arūpadhātuyā tassa tattha bhavarāgānusayo ca anuseti vicikicchānusayo ca anuseti.

ya7.2.1:192.1

193.1

Yassa yattha vicikicchānusayo anuseti tassa tattha avijjānusayo anusetīti? Āmantā.

ya7.2.1:193.1

194.1

Yassa vā pana yattha avijjānusayo anuseti tassa tattha vicikicchānusayo anusetīti?

ya7.2.1:194.1

195.1

Tiṇṇaṁ puggalānaṁ kāmadhātuyā tīsu vedanāsu rūpadhātuyā arūpadhātuyā tesaṁ tattha avijjānusayo anuseti, no ca tesaṁ tattha vicikicchānusayo anuseti. Puthujjanassa kāmadhātuyā tīsu vedanāsu rūpadhātuyā arūpadhātuyā tassa tattha avijjānusayo ca anuseti vicikicchānusayo ca anuseti.

ya7.2.1:195.1

196.1

Yassa yattha bhavarāgānusayo anuseti tassa tattha avijjānusayo anusetīti? Āmantā.

ya7.2.1:196.1

197.1

Yassa vā pana yattha avijjānusayo anuseti tassa tattha bhavarāgānusayo anusetīti?

ya7.2.1:197.1

198.1

Catunnaṁ puggalānaṁ kāmadhātuyā tīsu vedanāsu tesaṁ tattha avijjānusayo anuseti, no ca tesaṁ tattha bhavarāgānusayo anuseti. Tesaññeva puggalānaṁ rūpadhātuyā arūpadhātuyā tesaṁ tattha avijjānusayo ca anuseti bhavarāgānusayo ca anuseti. (Ekamūlakaṁ.)

ya7.2.1:198.1

199.1

Yassa yattha kāmarāgānusayo ca paṭighānusayo ca anusenti tassa tattha mānānusayo anusetīti? Natthi.

ya7.2.1:199.1

200.1

Yassa vā pana yattha mānānusayo anuseti tassa tattha kāmarāgānusayo ca paṭighānusayo ca anusentīti?

ya7.2.1:200.1

201.1

Anāgāmissa kāmadhātuyā dvīsu vedanāsu rūpadhātuyā arūpadhātuyā tassa tattha mānānusayo anuseti, no ca tassa tattha kāmarāgānusayo ca paṭighānusayo ca anusenti. Tiṇṇaṁ puggalānaṁ rūpadhātuyā arūpadhātuyā tesaṁ tattha mānānusayo anuseti, no ca tesaṁ tattha kāmarāgānusayo ca paṭighānusayo ca anusenti. Tesaññeva puggalānaṁ kāmadhātuyā dvīsu vedanāsu tesaṁ tattha mānānusayo ca kāmarāgānusayo ca anusenti, no ca tesaṁ tattha paṭighānusayo anuseti.

ya7.2.1:201.1

202.1

Yassa yattha kāmarāgānusayo ca paṭighānusayo ca anusenti tassa tattha diṭṭhānusayo …pe… vicikicchānusayo anusetīti? Natthi.

ya7.2.1:202.1

203.1

Yassa vā pana yattha vicikicchānusayo anuseti tassa tattha kāmarāgānusayo ca paṭighānusayo ca anusentīti?

ya7.2.1:203.1

204.1

Puthujjanassa rūpadhātuyā arūpadhātuyā tassa tattha vicikicchānusayo anuseti, no ca tassa tattha kāmarāgānusayo ca paṭighānusayo ca anusenti. Tasseva puggalassa kāmadhātuyā dvīsu vedanāsu tassa tattha vicikicchānusayo ca kāmarāgānusayo ca anusenti, no ca tassa tattha paṭighānusayo anuseti. Tasseva puggalassa dukkhāya vedanāya tassa tattha vicikicchānusayo ca paṭighānusayo ca anusenti, no ca tassa tattha kāmarāgānusayo anuseti.

ya7.2.1:204.1

205.1

Yassa yattha kāmarāgānusayo ca paṭighānusayo ca anusenti tassa tattha bhavarāgānusayo anusetīti? Natthi.

ya7.2.1:205.1

206.1

Yassa vā pana yattha bhavarāgānusayo anuseti tassa tattha kāmarāgānusayo ca paṭighānusayo ca anusentīti? No.

ya7.2.1:206.1

207.1

Yassa yattha kāmarāgānusayo ca paṭighānusayo ca anusenti tassa tattha avijjānusayo anusetīti? Natthi.

ya7.2.1:207.1

208.1

Yassa vā pana yattha avijjānusayo anuseti tassa tattha kāmarāgānusayo ca paṭighānusayo ca anusentīti?

ya7.2.1:208.1

209.1

Anāgāmissa kāmadhātuyā tīsu vedanāsu rūpadhātuyā arūpadhātuyā tassa tattha avijjānusayo anuseti, no ca tassa tattha kāmarāgānusayo ca paṭighānusayo ca anusenti. Tiṇṇaṁ puggalānaṁ rūpadhātuyā arūpadhātuyā tesaṁ tattha avijjānusayo anuseti, no ca tesaṁ tattha kāmarāgānusayo ca paṭighānusayo ca anusenti. Tesaññeva puggalānaṁ kāmadhātuyā dvīsu vedanāsu tesaṁ tattha avijjānusayo ca kāmarāgānusayo ca anusenti, no ca tesaṁ tattha paṭighānusayo anuseti. Tesaññeva puggalānaṁ dukkhāya vedanāya tesaṁ tattha avijjānusayo ca paṭighānusayo ca anusenti, no ca tesaṁ tattha kāmarāgānusayo anuseti. (Dukamūlakaṁ.)

ya7.2.1:209.1

210.1

Yassa yattha kāmarāgānusayo ca paṭighānusayo ca mānānusayo ca anusenti tassa tattha diṭṭhānusayo …pe… vicikicchānusayo anusetīti? Natthi.

ya7.2.1:210.1

211.1

Yassa vā pana yattha vicikicchānusayo anuseti tassa tattha kāmarāgānusayo ca paṭighānusayo ca mānānusayo ca anusentīti?

ya7.2.1:211.1

212.1

Puthujjanassa rūpadhātuyā arūpadhātuyā tassa tattha vicikicchānusayo ca mānānusayo ca anusenti, no ca tassa tattha kāmarāgānusayo ca paṭighānusayo ca anusenti. Tasseva puggalassa kāmadhātuyā dvīsu vedanāsu tassa tattha vicikicchānusayo ca kāmarāgānusayo ca mānānusayo ca anusenti, no ca tassa tattha paṭighānusayo anuseti. Tasseva puggalassa dukkhāya vedanāya tassa tattha vicikicchānusayo ca paṭighānusayo ca anusenti, no ca tassa tattha kāmarāgānusayo ca mānānusayo ca anusenti.

ya7.2.1:212.1

213.1

Yassa yattha kāmarāgānusayo ca paṭighānusayo ca mānānusayo ca anusenti tassa tattha bhavarāgānusayo anusetīti? Natthi.

ya7.2.1:213.1

214.1

Yassa vā pana yattha bhavarāgānusayo anuseti tassa tattha kāmarāgānusayo ca paṭighānusayo ca mānānusayo ca anusentīti?

ya7.2.1:214.1

215.1

Catunnaṁ puggalānaṁ rūpadhātuyā arūpadhātuyā tesaṁ tattha bhavarāgānusayo ca mānānusayo ca anusenti, no ca tesaṁ tattha kāmarāgānusayo ca paṭighānusayo ca anusenti.

ya7.2.1:215.1

216.1

Yassa yattha kāmarāgānusayo ca paṭighānusayo ca mānānusayo ca anusenti tassa tattha avijjānusayo anusetīti? Natthi.

ya7.2.1:216.1

217.1

Yassa vā pana yattha avijjānusayo anuseti tassa tattha kāmarāgānusayo ca paṭighānusayo ca mānānusayo ca anusentīti?

ya7.2.1:217.1

218.1

Anāgāmissa dukkhāya vedanāya tassa tattha avijjānusayo anuseti, no ca tassa tattha kāmarāgānusayo ca paṭighānusayo ca mānānusayo ca anusenti. Tasseva puggalassa kāmadhātuyā dvīsu vedanāsu rūpadhātuyā arūpadhātuyā tassa tattha avijjānusayo ca mānānusayo ca anusenti, no ca tassa tattha kāmarāgānusayo ca paṭighānusayo ca anusenti. Tiṇṇaṁ puggalānaṁ rūpadhātuyā arūpadhātuyā tesaṁ tattha avijjānusayo ca mānānusayo ca anusenti, no ca tesaṁ tattha kāmarāgānusayo ca paṭighānusayo ca anusenti. Tesaññeva puggalānaṁ kāmadhātuyā dvīsu vedanāsu tesaṁ tattha avijjānusayo ca kāmarāgānusayo ca mānānusayo ca anusenti, no ca tesaṁ tattha paṭighānusayo anuseti. Tesaññeva puggalānaṁ dukkhāya vedanāya tesaṁ tattha avijjānusayo ca paṭighānusayo ca anusenti, no ca tesaṁ tattha kāmarāgānusayo ca mānānusayo ca anusenti. (Tikamūlakaṁ.)

ya7.2.1:218.1

219.1

Yassa yattha kāmarāgānusayo ca paṭighānusayo ca mānānusayo ca diṭṭhānusayo ca anusenti tassa tattha vicikicchānusayo anusetīti? Natthi.

ya7.2.1:219.1

220.1

Yassa vā pana yattha vicikicchānusayo anuseti tassa tattha kāmarāgānusayo ca paṭighānusayo ca mānānusayo ca diṭṭhānusayo ca anusentīti?

ya7.2.1:220.1

221.1

Puthujjanassa rūpadhātuyā arūpadhātuyā tassa tattha vicikicchānusayo ca mānānusayo ca diṭṭhānusayo ca anusenti, no ca tassa tattha kāmarāgānusayo ca paṭighānusayo ca anusenti. Tasseva puggalassa kāmadhātuyā dvīsu vedanāsu tassa tattha vicikicchānusayo ca kāmarāgānusayo ca mānānusayo ca diṭṭhānusayo ca anusenti, no ca tassa tattha paṭighānusayo anuseti. Tasseva puggalassa dukkhāya vedanāya tassa tattha vicikicchānusayo ca paṭighānusayo ca diṭṭhānusayo ca anusenti, no ca tassa tattha kāmarāgānusayo ca mānānusayo ca anusenti.

ya7.2.1:221.1

222.1

Yassa yattha kāmarāgānusayo ca paṭighānusayo ca mānānusayo ca diṭṭhānusayo ca anusenti tassa tattha bhavarāgānusayo anusetīti? Natthi.

ya7.2.1:222.1

223.1

Yassa vā pana yattha bhavarāgānusayo anuseti tassa tattha kāmarāgānusayo ca paṭighānusayo ca mānānusayo ca diṭṭhānusayo ca anusentīti?

ya7.2.1:223.1

224.1

Tiṇṇaṁ puggalānaṁ rūpadhātuyā arūpadhātuyā tesaṁ tattha bhavarāgānusayo ca mānānusayo ca anusenti, no ca tesaṁ tattha kāmarāgānusayo ca paṭighānusayo ca diṭṭhānusayo ca anusenti. Puthujjanassa rūpadhātuyā arūpadhātuyā tassa tattha bhavarāgānusayo ca mānānusayo ca diṭṭhānusayo ca anusenti, no ca tassa tattha kāmarāgānusayo ca paṭighānusayo ca anusenti.

ya7.2.1:224.1

225.1

Yassa yattha kāmarāgānusayo ca paṭighānusayo ca mānānusayo ca diṭṭhānusayo ca anusenti tassa tattha avijjānusayo anusetīti? Natthi.

ya7.2.1:225.1

226.1

Yassa vā pana yattha avijjānusayo anuseti tassa tattha kāmarāgānusayo ca paṭighānusayo ca mānānusayo ca diṭṭhānusayo ca anusentīti?

ya7.2.1:226.1

227.1

Anāgāmissa dukkhāya vedanāya tassa tattha avijjānusayo anuseti, no ca tassa tattha kāmarāgānusayo ca paṭighānusayo ca mānānusayo ca diṭṭhānusayo ca anusenti. Tasseva puggalassa kāmadhātuyā dvīsu vedanāsu rūpadhātuyā arūpadhātuyā tassa tattha avijjānusayo ca mānānusayo ca anusenti, no ca tassa tattha kāmarāgānusayo ca paṭighānusayo ca diṭṭhānusayo ca anusenti. Dvinnaṁ puggalānaṁ rūpadhātuyā arūpadhātuyā tesaṁ tattha avijjānusayo ca mānānusayo ca anusenti, no ca tesaṁ tattha kāmarāgānusayo ca paṭighānusayo ca diṭṭhānusayo ca anusenti. Tesaññeva puggalānaṁ kāmadhātuyā dvīsu vedanāsu tesaṁ tattha avijjānusayo ca kāmarāgānusayo ca mānānusayo ca anusenti, no ca tesaṁ tattha paṭighānusayo ca diṭṭhānusayo ca anusenti. Tesaññeva puggalānaṁ dukkhāya vedanāya tesaṁ tattha avijjānusayo ca paṭighānusayo ca anusenti, no ca tesaṁ tattha kāmarāgānusayo ca mānānusayo ca diṭṭhānusayo ca anusenti. Puthujjanassa rūpadhātuyā arūpadhātuyā tassa tattha avijjānusayo ca mānānusayo ca diṭṭhānusayo ca anusenti, no ca tassa tattha kāmarāgānusayo ca paṭighānusayo ca anusenti. Tasseva puggalassa kāmadhātuyā dvīsu vedanāsu tassa tattha avijjānusayo ca kāmarāgānusayo ca mānānusayo ca diṭṭhānusayo ca anusenti, no ca tassa tattha paṭighānusayo anuseti. Tasseva puggalassa dukkhāya vedanāya tassa tattha avijjānusayo ca paṭighānusayo ca diṭṭhānusayo ca anusenti, no ca tassa tattha kāmarāgānusayo ca mānānusayo ca anusenti. (Catukkamūlakaṁ.)

ya7.2.1:227.1

228.1

Yassa yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca anusenti tassa tattha bhavarāgānusayo anusetīti? Natthi.

ya7.2.1:228.1

229.1

Yassa vā pana yattha bhavarāgānusayo anuseti tassa tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca anusentīti?

ya7.2.1:229.1

230.1

Tiṇṇaṁ puggalānaṁ rūpadhātuyā arūpadhātuyā tesaṁ tattha bhavarāgānusayo ca mānānusayo ca anusenti, no ca tesaṁ tattha kāmarāgānusayo ca paṭighānusayo ca diṭṭhānusayo ca vicikicchānusayo ca anusenti. Puthujjanassa rūpadhātuyā arūpadhātuyā tassa tattha bhavarāgānusayo ca mānānusayo ca diṭṭhānusayo ca vicikicchānusayo ca anusenti, no ca tassa tattha kāmarāgānusayo ca paṭighānusayo ca anusenti.

ya7.2.1:230.1

231.1

Yassa yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca anusenti tassa tattha avijjānusayo anusetīti? Natthi.

ya7.2.1:231.1

232.1

Yassa vā pana yattha avijjānusayo anuseti tassa tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca anusentīti?

ya7.2.1:232.1

233.1

Anāgāmissa dukkhāya vedanāya tassa tattha avijjānusayo anuseti, no ca tassa tattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca anusenti. Tasseva puggalassa kāmadhātuyā dvīsu vedanāsu rūpadhātuyā arūpadhātuyā tassa tattha avijjānusayo ca mānānusayo ca anusenti, no ca tassa tattha kāmarāgānusayo ca paṭighānusayo ca diṭṭhānusayo ca vicikicchānusayo ca anusenti. Dvinnaṁ puggalānaṁ rūpadhātuyā arūpadhātuyā tesaṁ tattha avijjānusayo ca mānānusayo ca anusenti, no ca tesaṁ tattha kāmarāgānusayo ca paṭighānusayo ca diṭṭhānusayo ca vicikicchānusayo ca anusenti. Tesaññeva puggalānaṁ kāmadhātuyā dvīsu vedanāsu tesaṁ tattha avijjānusayo ca kāmarāgānusayo ca mānānusayo ca anusenti, no ca tesaṁ tattha paṭighānusayo ca diṭṭhānusayo ca vicikicchānusayo ca anusenti. Tesaññeva puggalānaṁ dukkhāya vedanāya tesaṁ tattha avijjānusayo ca paṭighānusayo ca anusenti, no ca tesaṁ tattha kāmarāgānusayo ca mānānusayo ca diṭṭhānusayo ca vicikicchānusayo ca anusenti. Puthujjanassa rūpadhātuyā arūpadhātuyā tassa tattha avijjānusayo ca mānānusayo ca diṭṭhānusayo ca vicikicchānusayo ca anusenti, no ca tassa tattha kāmarāgānusayo ca paṭighānusayo ca anusenti. Tasseva puggalassa kāmadhātuyā dvīsu vedanāsu tassa tattha avijjānusayo ca kāmarāgānusayo ca mānānusayo ca diṭṭhānusayo ca vicikicchānusayo ca anusenti, no ca tassa tattha paṭighānusayo anuseti. Tasseva puggalassa dukkhāya vedanāya tassa tattha avijjānusayo ca paṭighānusayo ca diṭṭhānusayo ca vicikicchānusayo ca anusenti, no ca tassa tattha kāmarāgānusayo ca mānānusayo ca anusenti. (Pañcakamūlakaṁ.)

ya7.2.1:233.1

234.1

Yassa yattha kāmarāgānusayo ca paṭighānusayo ca mānānusayo ca diṭṭhānusayo ca vicikicchānusayo ca bhavarāgānusayo ca anusenti tassa tattha avijjānusayo anusetīti? Natthi.

ya7.2.1:234.1