完整藏文原文 · 德格版页 当前仅加载第 34 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཐམས་ཅད་ཀྱི་སླད་དུ་དེ་བཞིན་གཤེགས་པ་ལ་བལྟ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་བཞིན་གཤེགས་པ་ལ་ཇི་ལྟར་བལྟ། འཇམ་དཔལ་གྱིས་གསོལ་པ། མི་དམིགས་པའི་ཚུལ་གྱིས་དེ་བཞིན་ཉིད་ཀྱི་རྣམ་པ་དང་རྣམ་པར་
D24.034.0149a01.01མི་རྟོག་པའི་རྣམ་པར་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་དུ་དེ་བཞིན་གཤེགས་པ་ལ་མི་སྐྱེ་བའི་རྣམ་པར་བལྟ་བ་ནས་དངོས་པོ་མ་མཆིས་པའི་བར་དུ་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ལ་ཀུན་ནས་འབྱུང་བ་མ་མཆིས་ཏེ། དེ་ལྟར་དེ་བཞིན་
D24.034.0149a02.01གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི་འབྱུང་བ་ཡང་མ་ལགས་འཇིག་པ་ཡང་མ་ལགས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི་ཡུལ་ན་མི་གནས་ཕྱོགས་ན་མི་གནས་ཏེ་དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་
D24.034.0149a03.01ཉིད་ནི་འདས་པ་ལ་མ་ལགས། མ་འོངས་པ་ལ་མ་ལགས། ད་ལྟར་བྱུང་བ་ལ་མ་ལགས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི་གཉིས་ཀྱིས་རབ་ཏུ་ཕྱེ་བ་མ་ལགས། གཉིས་སུ་མ་མཆིས་པས་རབ་ཏུ་ཕྱེ་བ་ཡང་མ་ལགས་ཏེ། དེ་ལྟར་དེ་བཞིན་
D24.034.0149a04.01གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི་ཀུན་ནས་ཉོན་མོངས་པར་འགྱུར་བ་མ་ལགས། རྣམ་པར་བྱང་བར་འགྱུར་བ་མ་ལགས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི་མི་སྐྱེ་མི་འགག་པ་སྟེ། དེ་ལྟར་དེ་བཞིན་གཤེགས་པ་ལ་བལྟ་བར་
D24.034.0149a05.01བགྱིའོ། །དེ་ལྟ་ན་དེ་བཞིན་གཤེགས་པ་མཐོང་བ་དང་ཕྱག་བགྱིས་པ་དང་། བསྙེན་བཀུར་བགྱིས་པར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཁྱོད་ཀྱིས་དེ་ལྟར་བལྟས་ན་ཅི་ཞིག་
D24.034.0149a06.01མཐོང་། འཇམ་དཔལ་གྱིས་གསོལ་པ། བཅོམ་ལྡན་འདས་བདག་གིས་དེ་ལྟར་བལྟས་ན། ཅི་ཡང་མཐོང་བ་མ་མཆིས་སོ། །བཅོམ་ལྡན་འདས་དེ་བཞིན་དུ་བདག་གིས་ཆོས་གང་ལ་ཡང་སྐྱེ་བ་ཡང་མ་མཐོང་། འགོག་པ་ཡང་མ་མཐོང་ངོ་། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས་
D24.034.0149a07.01