完整藏文原文 · 德格版页 当前仅加载第 34 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཇི་ལྟ་བར་སེམས་ཅན་ཐམས་ཅད་ཀྱང་དེ་བཞིན་ནོ། །སེམས་ཅན་ཐམས་ཅད་ཅི་འདྲ་བར་སྤྱོད་པ་དེ་ཡང་དེ་བཞིན་ནོ། །མེད་པའི་ཕྱིར་སྤྱོད་པ་ཐམས་ཅད་ནི་སྤྱོད་པ་མེད་པའོ། །དེ་ཡང་བྱང་ཆུབ་སྟེ་བྱང་ཆུབ་གང་ཡིན་པ་སྐྱེ་བ་མེད་པའང་དེ་ཡིན་འབྱུང་བ་མེད་པ་ཡང་དེ་ཡིན་ཏེ། དེ་ལྟ་བུའི་
D24.034.0172b01.01ཆོས་འདི་ལ་ཞུམ་པ་མེད་པར་འདོད་པའི་རིགས་ཀྱི་བུའམ། རིགས་ཀྱི་བུ་མོས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་དངོས་པོ་མེད་པ་དང་། སྐྱེ་བ་མེད་པའི་བར་གྱི་ཚུལ་གྱིས་བསླབ་པར་བྱའོ་ཞེས་གྱིས་ཤིག །འཇམ་དཔལ་གང་དེ་བཞིན་གཤེགས་པའི་རྣམ་པར་འཕྲུལ་པ་ནས་དེ་བཞིན་
D24.034.0172b02.01གཤེགས་པའི་རྣམ་པར་རོལ་པའི་བར་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལས་བསྟན་ཏོ། །དེ་ཅིའི་ཕྱིར་ཞེ་ན། དེ་ནི་བསྟན་དུ་མེད་པ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མི་སྟོན་པའི་ཕྱིར་རོ། །འཇམ་དཔལ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་
D24.034.0172b03.01བསྙེན་མ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས་ཚིག་བཞི་པའི་ཚིགས་སུ་བཅད་པ་ཙམ་ཡང་འཛིན་པ་དང་། ཀུན་ཆུབ་པར་བྱེད་པ་དང་། འཆང་བ་དང་། ཀློག་པ་ནས་ཡང་དག་པར་སྟོན་པའི་བར་དུ་བྱེད་པ་དེ་དག་ཀྱང་ཕྱིར་མི་ལྡོག་པར་ང་འཆད་ན། གང་དག་དེ་བཞིན་ཉིད་དུ་
D24.034.0172b04.01སྒྲུབ་པ་ལྟ་ཅི་སྨོས་ཏེ། རིགས་ཀྱི་བུའམ། རིགས་ཀྱི་བུ་མོ་དེ་དག་ནི་བྱང་ཆུབ་ཏུ་ངེས་པར་རིག་པར་བྱའོ། །གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་མ་སྐྱེས་པ་དང་། དངོས་པོ་མེད་པ་དང་། འབྱུང་བ་མེད་པའི་བར་འདི་ཐོས་ནས། མི་སྐྲག་མི་དངང་དངང་བར་མི་འགྱུར་བ་དག་
D24.034.0172b05.01ནི་སངས་རྒྱས་ཀྱི་ཡུལ་ལ་གནས་པའོ། །གོང་དུ་ཡང་མོས་པར་བྱེད་ན། དེ་དག་ནི་སངས་རྒྱས་ཀྱི་ཆོས་ཐམས་ཅད་ལ་ངེས་པར་འགྱུར་རོ། །འཇམ་དཔལ་ངས་སངས་རྒྱས་ཀྱིས་གནང་བ་དེ་བཞིན་གཤེགས་པས་རྣམ་པར་མཁྱེན་པ། དགྲ་བཅོམ་པ་ཐམས་ཅད་ཀྱིས་ཡང་དག་པར་མནོས་
D24.034.0172b06.01པའི་རྒྱ་འདི་གཞག་པར་བྱ་སྟེ། རྒྱ་འདི་ནི་མཉམ་པ་ཉིད་དུ་རྟོགས་པ་རྣམས་ལ་གཞག་གོ། །འདི་ནི་སངས་རྒྱས་ཀྱི་ཆོས་ཐམས་ཅད་ཀྱི་བར་དུ་ཡང་ཆགས་པ་མེད་པ་ཡོངས་སུ་སྟོན་པའོ། །འཇམ་དཔལ་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་
D24.034.0172b07.01