完整藏文原文 · 德格版页 当前仅加载第 34 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་ཇི་སྐད་སྨྲས་པ་དེ་དེ་བཞིན་ཏེ། མ་འོངས་པའི་དུས་ན་དད་པའི་རིགས་ཀྱི་བུའམ། རིགས་ཀྱི་བུ་མོ་འབྱུང་བ་དེ་དག་གི་རྣམ་པ་དང་། རྟགས་དང་། མཚན་མ་འདི་གང་དག་ངས་ད་ལྟར་བསྟན་པ་འདི་དག་ཉིད་ཡིན་ནོ། །དེ་ནས་བཅོམ་ལྡན་འདས་
D24.034.0165b01.01ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་དེ་ནི་རྣམ་པ་མ་མཆིས་ཤིང་རྟགས་མ་མཆིས་པ་དང་། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་རྣམ་པ་མ་མཆིས་པ་ནས་མཚན་མ་མ་མཆིས་པའི་བར་དུ་ལགས་ན་རྣམ་པའམ།
D24.034.0165b02.01རྟགས་སམ། མཚན་མ་ཇི་ལྟ་བུ་ཞིག་མཆིས་པར་འགྱུར། བཅོམ་ལྡན་འདས་ཀྱིས་ཆོས་བསྟན་པ་གང་ལགས་པ་དེ་ཡང་རྣམ་པ་མ་མཆིས། རྟགས་མ་མཆིས། མཚན་མ་མཆིས་པའི་བར་དུ་ལགས་ན་བཅོམ་ལྡན་འདས་རྣམ་པ་མ་མཆིས་པ་དང་། རྟགས་མ་མཆིས་པ་དང་།
D24.034.0165b03.01མཚན་མ་མ་མཆིས་པ་ཇི་ལྟར་བསྟན་པར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་ཤིན་ཏུ་མ་སྐྱེས་པ་དང་། དངོས་པོ་མེད་པའི་བར་འདི་བསྟན་ན་
D24.034.0165b04.01གང་དག་མོས་པ་ནས་ཀུན་ཆུབ་པར་བྱེད་པའི་བར་དུ་བྱེད་པ་དེ་དག་ཉིད་རིགས་ཀྱི་བུ་དང་། རིགས་ཀྱི་བུ་མོ་དེ་དག་གི་རྣམ་པ་དང་། རྟགས་དང་། མཚན་མ་ཡིན་ནོ། །འཇམ་དཔལ་གང་དུ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་དེར། སངས་རྒྱས་ཀྱི་ཆོས་ཐམས་ཅད་བལྟ་བར་བྱའོ། །
D24.034.0165b05.01དེར་བསམ་གྱིས་མི་ཁྱབ་པ་བསྟན་པར་བལྟའོ། །འཇམ་དཔལ་ངས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། དགེ་བའི་རྩ་བ་གང་དག་ཡང་དག་པར་བསྒྲུབས་ཏེ། དགེ་བའི་རྩ་བ་གང་དག་གིས་བླ་ན་མེད་པ་ཡང་དག་རྫོགས་པའི་བྱང་ཆུབ་འདི་མངོན་པར་རྫོགས་
D24.034.0165b06.01པར་སངས་རྒྱས་པའི་དགེ་བའི་རྩ་བ་དེ་དག་ཡང་དག་པར་བསྒྲུབ་པར་འདོད་པའི་རིགས་ཀྱི་བུའམ། རིགས་ཀྱི་བུ་མོས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་མཉན་པར་བྱ། མོས་པར་བྱ། ཡི་གེར་བྲི་བར་བྱ། གཟུང་བར་བྱ། བཀླག་པར་བྱ། ལུང་ནོད་པར་བྱ། ཁ་ཏོན་དུ་བྱ། ཚིག་
D24.034.0165b07.01